1 Timote 4:16 - Kwatay (Kuwaataay)

¹⁶ A̱naŋ toko hikawi tu buroŋ búuwe, ni ti bamb'a̱liiken ésuk i. A̱jok tu bondu alitee. Af'á̱hin iyu, n'aŋ'a̱fak, kiŋki kajamatani yooŋ n'iŋi kafak.

1 Timote 4:16 ပူးပေါင်းရင်းမြစ်များ

Mark 13:9

«Bare aruun, áriwasiyoor kikawuun. Ábuki bakan kajokuuun kaanuku keeja keejoonanuun. Aruun kámiñiee ti *ñáalawum ñite ñ'úne. Boko yooŋ bija n'aruun t'eseef i ni bákayi ku uŋu húuma hu. Iyu, n'aŋ'aribaj bítim ariiseedeiin bifeeneŋ bu t'íñje.

Hirim Heetoofe hu hi Luk akiñje hu 21:34

—Arinaŋ toko kikawuun! Atum'ariniŋan siheluun ni biyinoor bite kiriy, n'éwusan, man yooŋ biyinoor bite buroŋ bu. Áriwasiit, hunak hu n'iŋi hijendanuun káfufu

Epotor i 26:22

Bare Atambatun ondiam ti karamu bija tu hunak hite úmiye, abe íñj'ende yooŋ kep ti kaseedoo t'ésuk i fe, ti bakan kómbokun ku bibin yooŋ t'eraan i. Isokut bike beewayee ni *b'eyiŋana yite Atambatun, nu *Moyis kasoke bu kaane bo kabaju:

Epotor i 6:4

Uni n'iŋ'íriyini kajoŋoor ni kalawu ku, ni kawaare kite hirim hu.

Eleetar i yi Pool akiñje i bakate ku Rom 11:14

Iŋ'íhin bo kaanuku man ti bíyinie kabaju, bakan k'írihine ku eheet efeeneŋ ni kahiñan, íihin bakaake tu boko keefak.

Eleetar i yi Pool akiñje i bakate ku Rom 16:17

Kújakuwe, íñj'endu ti káwasiyanuun bonde: áriwasiyoor kiŋki kayeeñooran *kéeyilene ku. Iŋi kahiilaniin ni báhamin booniin bondu bite biteñeko bu buroon b'ariliikenee bu. Arikambiin,

Eleetar i yi Pool akiñje i bakate ku Rom 2:7

Atambatun kawunu buroŋ béehabanaariit bu kiŋki káñiŋkaan ti káhinu kite meejake mu. Tu bondu t'ifi kaŋes kániku ku, nu kusokorooru ku, nu buroŋ béehabanaariit bu.

1 Korent 1:21

Múniyo kúŋgowulan ku nu búwesinato booniin fe kámeyiit Atambatun, abe bondu Atambatun áhine fu bo nu búwesinato boone. Náami Atambatun áhabaneina fu kaanuku eefakan *kéeyilene ku ni hirim hih'iriwaare heeemo hu naane heeñunut.

1 Korent 9:22

If'íyemi ni keeyanut ku ti káyilen ku ti Kiris, iŋ'íhin naane boko kaanuku man n'íñakiniin. Íhinoorahinooro buroon bu fe t'ésuk i ereyi kaanuku man n'ifakan bakaake.

1 Korent 9:27

Iŋ'ijoŋg eniam ásuf, abe n'ijok yo alit, kaanuku man itim'ibin iwaare bakaaku Hirim Heetoofe hu ihaban, Atambatun n'aanam n'íñjeiit.

Efees 4:14

Náami ut'uŋk'úyemi biñi. Ut'uŋk'úyemi naane busoona bu móhujo miñake tánotan ti han hu, man yooŋ b'eyam i etendeŋane. Ejuusa i yooŋ it'iŋki kabuut úne ni báhamin bimbi kanoŋk kéetuut.

Kolos 4:17

Ariene Arkip anaŋ toko hikawo tu burok b'Anahaan u asaano bu, man n'ahaban bo áwariee.

1 Tesalonik 2:16

Iŋi kaŋes kafitu uni kaanuku itim'irisok keenooto ku Esuwif hirim héeyiniiin hu kafakan. Iyu i kálilane fu wuhoofoor wiwi kafiy káhin. Bare kayiŋat k'Atambatun ayiŋate ku tu boko kitika kireeŋiin.

1 Timote 1:3

A̱riiko Efees naane ibine i isoki íñje ti bija bu Maseduwan. Bakaake bokondu baabu iŋi kaliiken ésuk i beenooto bite nu múniyo. Á̱haminiin ayanee man ni karaan.

1 Timote 4:15

Bondu a̱warawar kanaŋu bo ti hikawi, abe n'a̱jok bo á̱habanein, man ésuk i fe ni kajuk kaanuku aw'ondu ti kahaŋu bija hágila.

1 Timote 4:6

Af'a̱liiken bondu *kéeyilene ku, n'aŋ'á̱yemi aroka eejake ite Yesu *Kiris. N'aŋ'á̱wufoor kaanuku kirim kite múniyo m'Atambatun áwufoore mu kúkuumani fu, ni bi kaliikeni bu yooŋ béewoore bu. Bondu fe a̱naŋanaŋ bo ti hikawi.

2 Timote 2:10

Bo bíkinineŋe fu n'iŋ'ímuñ areyi fe iŋ'ite hu bakan k'Atambatun ajifane ku, kaanuku man boko yooŋ Yesu Kiris n'afakaniin, abe n'ánikaniin hiraanu.

2 Timote 3:14

Awe bare, a̱jok alitee ti b'a̱liikenee bu. Á̱moomi kaanuku bite nu múniyo, ábuki á̱moomi aañiin kaliikeni fu bo.

2 Timote 4:2

atoof, átaañi, a̱waare hirim hite Atambatun, abe n'aŋ'a̱sooñoor kep. A̱joŋooran kéehinaariit ku ajakee, a̱kamoor ti kiŋki kahoofoor, abe n'á̱wutiyeniin sihel kéehin ajakee. A̱liikeniin ni kámuñu kómbokun.

Eleetar i yi Pool akiñje i Tit 1:9

Awarawar kajoku alitee ti hirim hite hu nu múniyo, heeriibe hu ni b'aliikenee bu. Af'áhin bondu, n'aŋ'áyini kayaŋganan bakaaku kikaw ti bamb'aliikeniin beejoŋoore bu. N'aŋ'áyini yooŋ káwufoor kiŋki kateñeko hirim hu te naŋ ti katine fu.

Eleetar i yi Pool akiñje i Tit 2:15

Bonde b'a̱ware fu kaliiken ésuk i. A̱yaŋganan kikaw kiŋki kajamatani, abe kéejeŋginaariit ku, n'a̱kamoor tu boko. Á̱hin bondu ayan faŋ, abe atum'a̱was an tu boko eesooŋi.

Eleetar i yi Pool akiñje i Tit 2:7

Awe humuumi a̱warawar iŋi káhinu ajakee tu buroon bu fe man ésuk i n'éhin naane awe. Af'á̱yemi ti kaliiken ésuk i, á̱habann eheli, abe n'a̱sok báhamin beeñune.

Filemoŋ 1:19

Íñje inoŋke fu iikiñj bonde n'emoŋiam: íñje Pool, íñje kajaamii. (Iyakuti kábaŋinan kaanuku awe humuumi á̱kookiam dike doon: do deemo fu buroŋ búuwe.)

Esuwif i 12:15

Arinaŋ toko kikawuun, kajaku kite Atambatun, an atum'áwuŋg ko hiñaawu. An t'aruun atum'áyemi naane nunukanuk nite miriyaay méetike; n'aŋ'átifen bakan keehooje ni kátiku koone.

Esuwif i 13:9

Atum'ariwas an eebuutuun ni maliikenar mánoman, meewayee ni m'ariliikenee mu. Ajakeejak suhol site s'úne ni sibaj sembe séenuutina ti kajaku k'Atambatun kaŋk'áwufoor úne. Sembe sondu súnuutinoot ti kájeŋgin kite buluwa beesoke bu tu buroon b'an awarut kateŋu. Ábuki buluwa bondu bibajut éñjeriŋ bija ti kiŋki kájeŋgin bo.