1 Timote 3:3 - Kwatay (Kuwaataay)

³ Awarut káyemi áhujaa ómbokun, awarut yooŋ káyemi aloba, bare awarawar káneeni, abe n'áyemi an ite káasuumaay. Awarut kanaŋu hikawo ti sírirem.

1 Timote 3:3 ပူးပေါင်းရင်းမြစ်များ

Májiye 21:13

Abe n'aaniin: —Busokeesok ti *Míkiñjin mu kaanuku Atambatun aane: «Enuuf íima kaaniee *báalawum.» Bare aruun árihina yo báanuuseima bite búkuw!

Epotor i 20:33

Imereit sírirem, n'éwurus, ni kájufa kite an.

Eleetar i yi Pool akiñje i bakate ku Rom 16:18

ábuki bakan naane bokondu károkaariit bija ti *Kiris Anahaan ite úne; iŋi karok bija ti kariin! Nu ñutum ñooniin ñeetoofe ñaa, ni báhamin booniin yooŋ bite kásoŋotiyan ku n'ifi kabuut kéeniyeit ku.

Efees 5:18

Atum'aŋ'áriwusan, ábuki éwusan aŋ'ábuj an. Bare arihooj bib nu Búwejet Beenabe bu.

1 Tesalonik 5:14

Kújakuwe, uni bokondu ti kalawuuun yooŋ bonde: árihamin ayanee biñek bu; ariyaŋganan kikaw kiŋki kañako ni hiñaawu; áriyokunan keebajut ku sembe, abe n'aŋ'árimuñ n'ésuk i ereyi fe.

1 Timote 3:8

Ejokoora yite kikaw kite sijaŋgu su kawarawar yooŋ káyemi bakan keejoŋoore, ni káyemi yooŋ bakate bifeeneŋ. Kawarut uŋu búhujo kahahan, kawarut yooŋ kaŋesu kabaju sírirem si kásuwatut.

2 Timote 3:2

Múniyo ésuk i kayinoor huruw hikawo, ni kámaŋi yooŋ sírirem, boko kamaku, ni kayitooro yooŋ, abe ni kálafatin Atambatun. Iti kájeŋgin sifaafiin ni síñaayiin, iti kaane an eyeehen, abe boko biteñeko yooŋ doon fe deenabe.

Eleetar i yi Pool akiñje i Tit 1:11

Kawarawar kakumbiee ñutum, ábuki iŋi kayeeñooran kaanas ñeeba ti kaliiken kite ésuk i beejarut bu, kaanuku taŋ keebaj sírirem si kásuwatut.

Eleetar i yi Pool akiñje i Tit 1:7

Hikaw hite kéeyilene ku af'atofotoor burok bite b'Atambatun; iŋ'ite ho aamo fu awarut kabaju bike b'an ayino kawatano te bo. Awarut biyitooro, awarut kahilu ti kayiŋat, awarut káwusan, awarut káyemi aloba, atum'aŋes yooŋ kabaju sírirem seekuurut.

Eleetar i yi Pool akiñje i Tit 2:3

A̱ane yooŋ haare hu keehaane ku kabaj buroŋ beetoofe Atambatun. Kawarut kasoku t'an, itim káyemi yooŋ búsukateen bite ehob. Kawarawar iŋi karimu ésuk i ajakee.

Eleetar i yi Pool akiñje i Tit 3:2

Itim kasok t'an beejakut, itim yooŋ káyemi eloba, bare káyemi bakan kéeneenie, abe ni káwufoor ésuk i fe kunoŋk keejake.

Esuwif i 13:5

Atum'árisik kikawuun arinaŋ ti sírirem. Kikawuun kutoof kep tu doon d'aribaje du, ábuki Atambatun aanaan: «It'iwasuun hikee, it'ífiitenuun yooŋ.»

Saak 4:1

Bímiñoor bu nu sulob su t'etutuun, bondu diin t'ufu búnuutin? Uŋu búnuutin tu wúfaŋi woonuun wuwu wulob ti siniuun.

1 Piyeer 5:2

arihaaw áwariee kaahaaw k'Atambatun ánihanuun ku. Atum'árihin kite bakan keenoŋkooranee, bare arinoŋk ariijukar ko naane t'Atambatun ámaŋie du. Atum'árihin burok bondu iŋi hiŋes ebaj, bare árihin bo aŋarkeyi naane ho hutoofuun n'áriyokunaniin.

2 Piyeer 2:3

Émuse yendu, káfaŋi kooniin kite sírirem su káhinu ni kasokuun báhamin bi kanoŋke kéetuut, kaanuku man ni kahoohuun. Bare afiyee naane kajoonan kooniin kisiiŋee i, abe at'ahul bútowuto booniin ni bireeŋ!

Eleetar i yi Sud akiñje i 1:11

Átaañi tu boko! Ábuki kasasa Kayin ti hiñaawu; káhinahin beejakut naane Balam kaanuku man ni kabaj sírirem; kátowutatowuto yooŋ ábuki kárahanorahan naane Kore.

Kafeeñal ku 1:9

Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.