1 Timote 3:16 - Kwatay (Kuwaataay)

¹⁶ Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

1 Timote 3:16 ပူးပေါင်းရင်းမြစ်များ

Májiye 1:23

«Arijamatan i! Ásuŋgute éemeyiit u ániine kaharat; o kabaju añi ahaawa, abe n'aŋ'aruwooree Emanuwel» (aamo fu: «Atambatun n'úne»).

Májiye 13:11

Yesu n'aaniin: —Aruun k'Atambatun áhine fu áriimeyi béenuusee bite ti Jáyi joone, bare áhinut bo bokondu.

Májiye 28:2

Kaja kajuku, náami etaam i eyoŋoŋanooraa ni sembe, abe ake amalaka ite Atemit n'áwanein, ánuutin tu bufor bu. N'aja t'élum i; n'arindiŋooran ejuju yómbokun i yéefibe i karuŋ kite élum i, abe n'ariiko te yo.

Májiye 3:16

Yesu abostee ahaban kep, n'ánuutin tu móhujo mu. Náami bufor bu bihaŋa bífeŋgino bija te o. N'ajuk Búwejet bite Atambatun nu búwanein naane búnokoorum bite húleebaan, abe ni bilelan te o.

Májiye 4:11

Ahaban, Setani n'awaso toko eeja. Náami emalaka kabina ti Yesu abe ni katofotooro.

Mark 1:13

N'ariiko bo kunak bakan bákasuba. Setani n'aŋes káhinio eehoofoor. Yesu ámoomi bo ni bíndakakureŋ bu, abe emalaka i ifi katofotooro.

Mark 16:19

H'Anahaan u Yesu áhamine hii nu boko ahaban, Atambatun n'ayito t'etiir bufor bu, abe Yesu n'ariiko inde *baatoso.

Mark 16:5

Ni kayooso t'élum i, ni kajuk ake ahaawa eesole kájufa kéeyuuse keefañje t'ariikee inde baatos. Ni kákoleyi naane.

Hirim Heetoofe hu hi Luk akiñje hu 2:32

O aamo fu meejaaŋe meeja mu kajaaŋan biheet bu bireyi fe, abe akina kákinineŋ Israyel bakan kúuwe ni kánikanee.

Hirim Heetoofe hu hi Luk akiñje hu 20:44

Dafit humuumo aŋ'aano «Anahaan u». Náami buŋ b'Afakana u ayino fu kasooñu áyemi añio?

Hirim Heetoofe hu hi Luk akiñje hu 22:43

Náami amalaka ite t'etiir áŋaasino kaanuku eehaŋo kayaŋganan.

Hirim Heetoofe hu hi Luk akiñje hu 24:4

Kajokut tuf. Náami háyine bákasuba kahaŋa káŋaasin, wañ wooniin aŋ'asilan naane.

Hirim Heetoofe hu hi Luk akiñje hu 24:51

Ondu ti kásoniyan kooniin, n'awasoor nu boko; n'ayitee t'etiir bufor bu.

Saaŋ 1:14

Hirim hu ni hibin híyemi húŋgowulan, abe ni hikin n'uni. Hijakajak t'ésuk i híhabanein, abe nu huhooj bib nu múniyo mu. Irijukajuk kániku k'Atambatun Faaf u aa awun Añio afeeneŋ u.

Saaŋ 13:3

Yesu ámoomi kaanuku akina humuumo t'Atambatun t'ánuutina fu, te o yooŋ t'abatuko fu. Ámoomi yooŋ kaanuku Faaf u ásikasik dóonodoon fe anaŋo tu sumoŋu.

Saaŋ 15:26

«Áyokunana u bibin: o aamo fu Búwejet bite múniyo mu, eeyak u kánuutina ti Faaf u. Íñje káboñinuuno tu huruwu hite Faaf u, abe o kasokuuun búuma bu fe.

Saaŋ 16:28

Ínuutinonuutin ti Faaf u, abe n'ibin t'etaam ye. Hahiye iinuut t'etaam ye, abe n'ibatuko ti Faaf u.

Saaŋ 17:5

Faafa, hahiyu á̱nikanam naane ifiyee i ínik h'íyemie hu n'awe t'etaam i ebajoorut.

Saaŋ 20:12

N'ajuk emalaka bákasuba keesiimee wañ weefañje ti kariikee t'ehunuŋ ite Yesu enaŋee du yéeni, aau bite hikaw hu, áwiyo bite wuwot wu.

Saaŋ 6:62

Arko aruun arijuke fee *Añi ute Húŋgowulan hu ti bisiro eebatuko t'áyemie du hítiyar hu, n'aŋ'ariene fíya buŋ?

Epotor i 1:19

Bakate ku Serusalem kareyi fe kajamajam bondu, kasooñen n'iŋi karuw hitaaŋaat hondu ti kíhaminiin kooniin «Hakeldama», aamo fu «hitaaŋaat hite halan hu»).

Epotor i 10:34

Piyeer n'áhamin aane: —Hahiyu ijoka kaanuku múniyo t'Atambatun ésuk i erare.

Epotor i 14:27

Hi kareeŋe hu Antiyoos, ni kakuukan kéeyilene ku, abe ni kasokiin naŋ n'Atambatun áhine fu nu boko fe, nu buŋ b'áfeŋgine fu keenooto ku Esuwif karuŋ kite káyilen ku.

Epotor i 20:28

Áriwasiyoor kikawuun, abe n'arinaŋ ko yooŋ ti kaahaaw ku fe ku Búwejet Beenabe bu bisaanuun ku ariihaaw. Áriyemi ehaawa yite bakate ku Atambatun kéeyilene ku, k'aŋese ku ni halan hite Añi oone.

Eleetar i yi Pool akiñje i bakate ku Rom 10:12

Náami Asuwif u n'eenooto u Asuwif, boko k'afeeneŋ ku. Anahaan afeeneŋ i kabaje fu aa ásoniyan dómbokun kiŋki karuwo fe.

Eleetar i yi Pool akiñje i bakate ku Rom 10:18

Hahiyu eene i: bakate ku *Israyel kajamut fíya báhamin bu? Áyine wala, kajamajam bo! Míkiñjin mu meenaan: «Wuji wute kiŋki kawaare hirim hu wujameejam t'etaam i ereyi fe, abe báhamin booniin bireeŋareeŋ tánotan t'etaam i.»

Eleetar i yi Pool akiñje i bakate ku Rom 16:25

Úsokoroor Atambatun! Áyinooni káhinu káyilen koonuun keeyan naane busokee i ti Hirim Heetoofe hu hih'iwaare, heesoke hu bite bu Yesu *Kiris. Hirim hondu húwufoorawufoor b'Atambatun ánuusaanie bu huta hu kóŋkeyin,

Eleetar i yi Pool akiñje i bakate ku Rom 16:26

bare hahiye wuwiit *w'eyiŋana yite Atambatun kakiñje wu wúnuutanno ho t'ébaani i. Bondu bibajabaj naane t'Atambatun eeemo u buroŋ hiraanu afiye du asok. Siheet site t'etaam i fe sijama hirim hondu kaanuku man ni síyilen, abe ni síjeŋgin Atambatun.

Eleetar i yi Pool akiñje i bakate ku Rom 3:4

Mayet fu! Hutoof yooŋ kúŋgowulan ku fe ejuusa, híkinineŋut Atambatun n'áyemiaati ate bifeeneŋ. Múniyo Míkiñjin mu meenaan: «Af'á̱hamin, ésuk i fe kámeyi kaanuku bite toko, abe an af'atinani, n'aŋ'a̱heeko.»

Eleetar i yi Pool akiñje i bakate ku Rom 8:3

*Eluwa yite Moyis eyinaat káhinu bondu iŋi kabajaate kite húŋgowulan kite sembe. Bare Atambatun áhinahin bo: áboñinoboñin Añio éeyemi húŋgowulan naane úne ehoofoora i, kaanuku eeram úne ti kaahoofoor ku. Iyu a Atambatun atinane fu kaahoofoor ku kiŋki kinij tu kúŋgowulan ku.

Eleetar i yi Pool akiñje i bakate ku Rom 9:5

Boko kaamo fu bakañi sifaaf su kómbokun ku bakate ku kóŋkeyin k'Atambatun ajifane ku. Kiris yooŋ ite t'eheet yeeniin h'abine hu éeyemi húŋgowulan. Akina aamo fu Atambatun eehaŋe u doon areyi fe. Úsokorooro ko kireyi fe! Amiin.

1 Korent 15:47

Álokow átiyar u Adam eerokee u ni baaliisiw, o ite t'etaam. Bare Adam ásooboriyan u, o t'etiir t'ánuutina.

1 Korent 2:7

Aaa, iŋ'iriwaare búwesinato b'Atambatun ánuusaanie bu, abe kúŋgowulan ku kánandinut bo. Atambatun afiyafiya afare búwesinato bondu t'etaam i éwuwanoorutee, bija ti kánikan kite k'úne.

2 Korent 1:19

Ábuki Yesu *Kiris Añi ite Atambatun i iriwaareuun u, íñje, ni Silas, ni Timote, abinut kaanuku éeyemi o afeeneŋ u «hee» ni «aaa». Ko kireyi fe akina aamo fu «hee» yite Atambatun.

Galasi 2:8

Ábuki naane áhine i Piyeer éeyemi *apotor oone t'Esuwif i, iyu yooŋ a áhinam fu íiyemi apotor oone ti keenooto ku Esuwif.

Galasi 4:4

Bare h'aamo hu hunak h'Atambatun ajoke hu hireeŋa, n'áboñin Añio, anaare éeyihinoo. N'ákuumanee t'Eluwa yite Moyis

Efees 1:9

Áhinahin úne núumeyi boone béenuusee bu yéeni, b'afiye bu asiiŋan ti kajaku koone, abe n'áŋaasann bo ti Kiris.

Efees 6:19

Arilaw yooŋ bija t'íñje, man Atambatun n'aŋ'awunam kirim keejoŋoore kane íyemi ti báhamin, hikawam heeyaŋg iŋ'iwaare béenuusee bite Hirim Heetoofe hu.

Kolos 1:23

Bare ariwarawar kajoku alitee ti káyilen ku, abe n'arisiiŋo te ko ayanee. Atum'áriwuŋg kiñaawu eyakar y'aribaje i huta h'aŋ'aribin arijam Hirim Heetoofe hu. Hirim hondu Heetoofe hu huwaareewaare kúŋgowulan ku fe t'etaam ye, abe íñje Pool, burokam hahiyu kawaare ho.

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

Kolos 1:6

Hirim hondu Heetoofe hu híreeŋinuun naane hireeŋe i yooŋ tánotan fe t'etaam ye. Hondu ti kabukoor, hondu yooŋ ti kahaŋu bija hágila. Iyu yooŋ i hije fu t'aruun huta h'aŋ'aribin arijam abe n'árimeyi kaanuku Atambatun aŋ'áwufoor ésuk i kajaku koone nu múniyo.

Kolos 2:2

Iŋ'ítuum iyu uŋu hoonuun hu arireyi kaanuku man kikawuun ni kiyaŋg, abe n'árimaŋioori áriihin t'afeeneŋ. Ímaŋamaŋi yooŋ Atambatun ásoniyanuun man n'áriyini kahooju bib nu búwesinato. Iyu, n'aŋ'áriyini kámeyi béenuusee bite b'Atambatun, bo beemo fu Kiris.

2 Tesalonik 1:10

Bondu kabaju hunak h'Anahaan u abin hu te ho. Hunak hondu, o bíbatikeina kaanuku bakan k'akino ku fe kéenikano; aamo fu kéeyilene ku fe kasokorooro. Aruun yooŋ káyemi nu boko, ábuki áriyilenayilen hirim h'irisokuun hu.

2 Tesalonik 2:7

Sembe séenuusee site Ánafuta u sondu tu burok kep. An eekolene u Ánafuta u af'aja ayak abin áami anuutanee,

1 Timote 3:9

Kawarawar kajoku nu suhol seekuure but múniyo m'Atambatun áwufoore mu.

Esuwif i 1:3

Meejaaŋe mite kániku kite Atambatun mujukanajukano te o. Akina átumbe fu áyemi búnokoorum bite Atambatun, abe akina áyekane fu dóonodoon fe ni hirim hoone heebaje hu sembe. H'aamo hu *akuurana kúŋgowulan ku tu wuhoofoor wooniin ahaban, n'ariiko t'etiir bufor bu inde *baatos Atambatun eehahe u.

Esuwif i 12:2

Úsik ñíkin úne únaŋ ti Yesu éefeŋgine u úne bítim bu núubaj káyilen, abe o aja fu káhinu ko keehaŋ kayanu. Ámuñamuñ keeyoolo *t'ekuruwa i, abe ajukerut yooŋ iŋ'ite ñufuñ ñeeemo ñu t'eket naane yendu, ábuki aŋandanaŋandan katoofu keefaree ku bija te o. Hahiyu ariikaa inde *baatos báariikeim bite Atambatun bite híyiaate hu.

Esuwif i 7:7

Abe an eehaŋe u af'ásoniyan áwiyo, bo bibajut síjeeŋoor.

Esuwif i 8:1

Bonde beemo fu beehaŋe bu fe ti b'iriemo bu ti kasoku ku: úbajabaj *asaraha ómbokun naane ondu i irisokuun u tu bondu b'únuut bee te bo. Ariikariiko t'etiir bufor bu, inde *baatos báariikeim bite híyiaate hu, bite b'Atambatun eehahe u.

1 Piyeer 1:12

Atambatun n'áwufoor eyiŋana yeene aaniin hirim h'asaaniin hii bíjaiit tu boko, bare bija t'aruun. Hahiyu kiŋki kawaare Hirim Heetoofe hu kasokuunsok hirim hondu ti sembe site Búwejet Beenabe bu béeboñinee bu huta hu t'etiir. Abe humuum emalaka i kámaŋamaŋi kámeyi bondu.

1 Piyeer 1:20

T'etaam i éwuwanoorutee n'Atambatun ajifano fu, abe afeeñafeeñ uŋu hoonuun hu tu kunak konde keeemo ku kiraanu ku.

1 Piyeer 1:21

Te o t'af'ariŋaas áriiyilen t'Atambatun éeritanno u t'eket i, abe n'áhino éenik. Iyu a ariyite fu káyilen koonuun, n'eyakar yeenuun fe arinaŋ t'Atambatun.

1 Piyeer 3:18

Múniyo Kiris humuumo aketaket hifeeneŋ, abe hiraanu, bija tu wuhoofoor wute kúŋgowulan ku. Akina eeemo u an eejake n'aket bija t'énafuta, kaanuku éehinuun ariibukan n'Atambatun. Enio yi kayoole fu, bare n'ábatikannee buroŋ tu Búwejet Beenabe bu.

1 Piyeer 3:22

Ajaja t'etiir bufor bu, abe ondu t'ariikee inde *baatos Atambatun. Emalaka i iŋi kajam te o, n'ébuur i, ni baabu buroon fe beebaje bu sembe beeemo bu t'etiir bufor bu.

1 Saaŋ 1:2

An u aa awun buroŋ bu áŋaasinoŋaasin, abe irijukojuk. Iŋ'iriseedoo t'aruun, abe n'irisokuun an eeemo u buroŋ béehabanaariit bu. Ámoomi ti Faaf u, abe n'afeeñ t'uni.

1 Saaŋ 3:5

Árimoomi bare kaanuku Yesu Kiris abinabin iŋi kanuutan wuhoofoor wute w'úne. Akina abajut mayet kaahoofoor.

1 Saaŋ 3:8

An eekine ti kaahoofoor, akina an ite Setani, ábuki Setani ahoofoorahoofoor huta hu ti kájabina ku. Bonde bíkinineŋe fu Añi ite Atambatun n'abin: kaanuku éebuj burok bite Setani.

Kafeeñal ku 17:5

Iye u huruwu hoone hikiñjee fu tu húyuuto hukolofanee: «*Babilon yómbombokun i, íñaay ite bufuruka bu, nu buroon béekojie bite etaam i.»

Kafeeñal ku 17:7

Náami amalaka u eeenam: —Kame iŋi naŋ n'a̱jahalee fu? Íñje káhandini béenuusee bite anaare u, n'éndakakureŋ yeeyito i, yéeyekie i kikaw ku hutok nu kúsuba ku, nu wusiin wu weemo sumoŋu.

Kafeeñal ku 7:9

Hunuut toko, n'ijuk hahooja hómbokun h'an ayinaat kafinu: biheet bánoban, ni bakate búsuk bánoban, ni bakan kánokan, ni bakate kíhaminiin kánokan. Kasiiŋasiiŋo hágila eriikeey ite híyiaate hu, hágila yooŋ Ametek u. Kasiimasiimo wañ weefañje, abe ni kajok kijar tu sumoŋiiin.