1 Timote 2:5 - Kwatay (Kuwaataay)

⁵ Ábuki Atambatun afeeneŋ taŋ abaje fu, abe afeeneŋ taŋ asiiŋee fu t'etuto nu kúŋgowulan ku éehiniin keebukan: o aamo fu Yesu *Kiris húŋgowulan hu.

1 Timote 2:5 ပူးပေါင်းရင်းမြစ်များ

Májiye 1:1

Noota nite Yesu *Kiris, añi *Dafit, añi yooŋ *Aburaham nonde:

Májiye 1:23

«Arijamatan i! Ásuŋgute éemeyiit u ániine kaharat; o kabaju añi ahaawa, abe n'aŋ'aruwooree Emanuwel» (aamo fu: «Atambatun n'úne»).

Hirim Heetoofe hu hi Luk akiñje hu 14:22

Diŋgilis kep náami aroka u ábatikeino abe n'aane ate enuuf i: «Íhinahin naane a̱soke i, bare enuuf i ehoojoorut.»

Saaŋ 1:14

Hirim hu ni hibin híyemi húŋgowulan, abe ni hikin n'uni. Hijakajak t'ésuk i híhabanein, abe nu huhooj bib nu múniyo mu. Irijukajuk kániku k'Atambatun Faaf u aa awun Añio afeeneŋ u.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

Epotor i 4:12

Akina unoono taŋ áyiniuun fu kafakan, ábuki t'etaam ye fe Atambatun awunut úne, úne kúŋgowulan ku huruwu hite ake huway heeyino kafakan úne.

Eleetar i yi Pool akiñje i bakate ku Rom 1:3

Husokasok bite bu Añi oone Yesu Kiris Anahaan ite úne. Abukeebuk naane húŋgowulan tu noota nite áyi u *Dafit, bare h'aritanee hu t'eket i, Búwejet Beenabe bu búwufoorawufoor ni sembe-sembe kaanuku akina Añi ite Atambatun.

Eleetar i yi Pool akiñje i bakate ku Rom 10:12

Náami Asuwif u n'eenooto u Asuwif, boko k'afeeneŋ ku. Anahaan afeeneŋ i kabaje fu aa ásoniyan dómbokun kiŋki karuwo fe.

1 Korent 8:4

Náami úyinooni fíya kateŋu efuwa yeesarahee ti ñájiim ñu? Úmoomi kaanuku: «Bájiim dóoniit fe t'etaam ye», abe: «Atambatun afeeneŋ taŋ abaje fu.»

1 Korent 8:6

T'úne bare Atambatun afeeneŋ taŋ abaje fu: o aamo fu Faaf u éewuwane u doon areyi fe, abe bija te o h'úemo fee buroŋ. Anahaan yooŋ afeeneŋ taŋ abaje fu: o aamo fu Yesu *Kiris, éekinineŋe u doon fe nu dúwuwin, abe n'ákinineŋ yooŋ n'úroŋ.

Galasi 3:20

Áreeŋinana aŋ'áyemi t'etut bakan. Bare h'Atambatun ajamoore hu n'Aburaham, o unoono, áreeŋinana áyemiit.

Efees 4:6

Atambatun afeeneŋ taŋ abaje fu, eeemo u Faaf ite ésuk i ereyi fe. Ondu t'etiir doon areyi fe, aŋ'arok t'ánoan, ondu yooŋ t'ánoan.

1 Timote 6:13

Íñj'endu ti kasokii bonde hágila Atambatun aa awun dóonodoon fe buroŋ, ni Yesu *Kiris éehamine u atoof iya ti káyilen koone hágila Poons *Pilat:

Esuwif i 12:24

Arilohaloh Kiris eesiiŋee u t'etut Atambatun nu kúŋgowulan ku, ti *kaajamoor kíyeni ku k'ajamoore ku nu boko. Arilohaloh yooŋ halan hoone héeyuusee hu, hihi híhamin hihaŋ hite hu *Abel héekandijene hu hunukan.

Esuwif i 7:25

Iŋ'ite ho h'áyinie fu kafakan akuur but bakan ku kiŋki kaŋaas te o keeloh Atambatun, ábuki ondu tu buroŋ hiraanu kaanuku aŋ'abin alaw Atambatun bija tu boko.

Esuwif i 8:6

Bare hahiye Yesu asaaneesaan burok beejaaŋee bite esaraha i bakaaku, ábuki akina aamo fu t'etut Atambatun nu kúŋgowulan ku kaanuku eesiiŋan *kaajamoor keehaŋe kite ku kóŋkeyin. Abe b'Atambatun asoke bu ti kaajamoor konde aane o kawunu úne bihaŋahaŋ katoofu bite bu kóŋkeyin.

Esuwif i 9:15

Iŋ'ite ho hi Kiris asiiŋee fu t'etut Atambatun nu kúŋgowulan ku, ti kaajamoor kíyeni ku k'ajamoore ku nu boko. Áhinahin bondu kaanuku man bakan k'Atambatun aruwe ku ni káyini kabaju ebaj yéehabanaariit i, y'Atambatun aane i o kawunu bakan koone. Boko kabaju yo, ábuki Kiris aketaket, abe eket yeene efakanafakan ésuk i tu wuhoofoor wi káhine wu, boko ti kájeŋgin kite kaajamoor kítiyar ku.

1 Saaŋ 2:1

Kúñuumo, íñj'endu ti kákiñjinuun bonde kaanuku atum'aŋ'arihoofoor. Bare ake af'áhin kaahoofoor, úbajabaj an aa areeŋo úne t'Atambatun: o aamo fu Yesu *Kiris éejube u.

Kafeeñal ku 1:13

abe ake eenokoore nu húŋgowulan n'áyemi t'etut bo. Asiimasiimo kájufa kéeyuuse, abe n'awuuj nibaŋ nite éwurus tu búsuso.