1 Timote 1:3 - Kwatay (Kuwaataay)

³ A̱riiko Efees naane ibine i isoki íñje ti bija bu Maseduwan. Bakaake bokondu baabu iŋi kaliiken ésuk i beenooto bite nu múniyo. Á̱haminiin ayanee man ni karaan.

1 Timote 1:3 ပူးပေါင်းရင်းမြစ်များ

Epotor i 18:19

Ni kareeŋ Efees, abe Pool n'awasoor bo ni Pirisil n'Akilas. N'ayooso ti *báalawum bite Esuwif i, abe n'aŋ'ajeeŋoor toko nu boko.

Epotor i 18:21

N'aaniin o ti bija bu: —Atambatun af'aane hee, íñje kásooñina beebe. Abe n'ájufo t'esahar eenuut Efees.

Eleetar i yi Pool akiñje i bakate ku Rom 15:26

Ábuki bakate ku Maseduwan *kéeyilene ku, ni bakate ku Akayi kategateg bija ti bakan kite Atambatun bakate ku Serusalem keebajut ku.

Eleetar i yi Pool akiñje i bakate ku Rom 16:17

Kújakuwe, íñj'endu ti káwasiyanuun bonde: áriwasiyoor kiŋki kayeeñooran *kéeyilene ku. Iŋi kahiilaniin ni báhamin booniin bondu bite biteñeko bu buroon b'ariliikenee bu. Arikambiin,

2 Korent 11:4

Ábuki aŋ'árimuñal kiŋki kabin t'aruun keewaareuun ake Yesu eewayee ni i iriwaareuun u. Abe ake af'aane eewunuun bike búwejet beewayee nu Búwejet Beenabe b'aribaje bu, man yooŋ n'awaareuun hike hirim heewayee ni Hirim Heetoofe h'arijame hu t'uni, aŋ'árimuñalo.

Efees 4:14

Náami ut'uŋk'úyemi biñi. Ut'uŋk'úyemi naane busoona bu móhujo miñake tánotan ti han hu, man yooŋ b'eyam i etendeŋane. Ejuusa i yooŋ it'iŋki kabuut úne ni báhamin bimbi kanoŋk kéetuut.

Fílip 2:24

Abe iyakarayakar t'Anahaan u kaanuku íñje yooŋ bibin t'aruun memee.

1 Timote 4:11

Á̱hamin ésuk i bondu ayan faŋ, abe n'a̱liikeniin bo yooŋ.

1 Timote 4:6

Af'a̱liiken bondu *kéeyilene ku, n'aŋ'á̱yemi aroka eejake ite Yesu *Kiris. N'aŋ'á̱wufoor kaanuku kirim kite múniyo m'Atambatun áwufoore mu kúkuumani fu, ni bi kaliikeni bu yooŋ béewoore bu. Bondu fe a̱naŋanaŋ bo ti hikawi.

1 Timote 5:7

Bondu b'a̱wariin fu kábaŋinan, kaanuku man itim kabin kawatanee tu doon.

1 Timote 6:10

Ábuki káfaŋi kite sírirem abuke fu beejakut bánoban. Bakaake kahaŋahaŋ bimero so kasooñen ni kawas káyilen ku, keesejanooro wúseñji weehooje.

1 Timote 6:17

A̱ane kusaanum kite t'etaam ye itim kayitooro, itim kanaŋ yooŋ eyakar yeeniin t'ebaj yéefiyaariit. A̱aniin kanaŋ yo t'Atambatun aa awun úne areyi fe ahahan kaanuku núutoofan.

1 Timote 6:3

An af'aliiken ake bike beewayee, abe n'ateñeko kirim kite ku nu múniyo kite k'Anahaan ite úne Yesu *Kiris, nu bumb'úliiken ésuk i beeriibe bu nu múniyo m'Atambatun áwufoore mu úne,

2 Timote 1:18

Anahaan u aja áhino eemaat ti kajaku koone hunak hite Kajoonan ku. Abe á̱moomi akuur but naane áyokunanam i Efees.

2 Saaŋ 1:7

Ejuusa keehooje bokondu t'etaam i. Kaane nu múniyoiit, Yesu *Kiris abinut áyemi húŋgowulan. Bakan naane bokondu ejuusa, enatoora yite Kiris.

Kafeeñal ku 2:14

Bare ítaañianataañian t'awe ti bike: bakaake bokondu t'awe keejoke ti bi Balam abine bu aliiken ésuk i kóyin sifaaf. Balam aliikene fu Balak eetiŋg bakate ku *Israyel ti kaahoofoor, ti kateŋu kite efuwa yite sunuk *seesarahee tu ñúwisenum, nu huŋotu hu ni bakan ki kaseñeit.

Kafeeñal ku 2:20

Bare b'ítaañiane bu t'awe beemo fu bonde: a̱wasawas Sesabel, anaare ondu eeene u akina aamo *ayiŋana ite Atambatun eebuut bakan kúuma ti naane aa aliikeniin huŋotu hu ni bakan ki kaseñeit, ni kateŋu kite efuwa yite sunuk *seesarahee tu ñúwisenum.