1 Timote 1:12 - Kwatay (Kuwaataay)

¹² Íñj'endu ti kaanu Yesu *Kiris Anahaan ite úne eyeehen, akina eewunam u sembe íihin burok boone. Íñj'endu ti kaanio eyeehen naane ajokam i an éejube, abe n'ajifanam iirok bija te o.

1 Timote 1:12 ပူးပေါင်းရင်းမြစ်များ

Májiye 20:4

N'aaniin: «Aruun yooŋ, arija arirok t'etool íima, íñje kajaamuuun ajakee.»

Saaŋ 5:23

kaanuku man ésuk i fe ni kájeŋgin Añi u naane kájeŋgine i Faaf u. An éejeŋginut u Añi u, ájeŋginut yooŋ Faaf u éeboñino u.

Epotor i 16:15

H'aamo hu áyilena, n'abostee, akina ni bakate ku tu boko, abe n'alaw uni aane: —Makamu arijukajuk kaanuku nu múniyo íyilenayilen t'Anahaan u, aribin kame ariiwanan t'íñje. N'anoŋkooran uni iriieno hee.

Epotor i 9:15

Bare Anahaan u n'aano: —A̱ja, ábuki ijifanajifan ániine ondu kaanuku eebin éewufoor keenooto ku Esuwif, ni bákayi kooniin, ni bakate ku *Israyel íñj'eemo fu aañ.

Epotor i 9:22

Bare Sóol ti kahaŋu káñiŋkaan kep ti kawaare ku. Aŋ'áwufoor Esuwif i keekine ku Damas akuur but kaanuku Yesu aamo fu *Afakana u, kasooñen kámeyiit yooŋ naŋ ni kawaro fu kásafin.

1 Korent 15:10

Bare Atambatun áwufooramwufoor kajaku koone éehinam íiyemi an u eemo ee, abe naane áwufooram i kajaku koone, áfiitenut: irokarok ihaŋ bakaaku epotor fe. Múniyo íñjeiit humuumam if'irok iyu, bare kajaku k'Atambatun áwufooram ku keeemo ku t'íñje ufu kurok iyu.

1 Korent 3:5

Náami aañ aamo fu Apolos, aañ yooŋ aamo fu Pool? Uni eroka yite Atambatun barebare taŋ, aruun ariŋaase t'uni áriiyilen. Iŋ'írihin huruw fe burok b'Atambatun asaano bu:

1 Korent 7:25

Ti b'árikandijenam bu ti bite bakan keeseñeit ku, b'ija bu kasoku, ijamut bo t'Anahaan u. Bare iisokuun kaayinoor kúuma, íñje a Atemit ayubiyene u éehinam íiyemi an éewoore.

2 Korent 4:1

Atambatun ayubiyene fu eesaan uni burok bondu; iŋ'ite ho h'iriñakeit fu ni hiñaawu.

Galasi 3:26

Arireyi fe aruun bakañi Atambatun aŋarkeyi naane áriyilenayilen ti Yesu Kiris.

Galasi 3:28

Náami Asuwif man yooŋ an eenooto Asuwif, ásukateen man yooŋ an eenooto ásukateen, ániine man yooŋ anaare, arireyi fe ariwayeit: arirare iŋi naane árihine i t'afeeneŋ ni Yesu Kiris.

Fílip 2:11

abe huruw fe n'anoŋk eesok aane Yesu Kiris aamo fu Anahaan u; iyu Atambatun Faaf u n'aŋ'asokorooree.

Fílip 4:13

Íyinooni káhinu bondu fe aŋarkeyi naane *Kiris aŋ'awunam sembe.

Kolos 1:25

Íñje hahiyu aroka ite kéeyilene ku. Atambatun asejanam fu burok bondu kaanuku iŋ'ibin irok bo bija t'aruun: aboñamboñ kaanuku iiwaare hirim hoone hireyi fe.

1 Timote 1:1

Íñje Pool ikiñje fee, íñje *apotor ite Yesu *Kiris naane t'Atambatun *Afakana ite úne, ni Yesu Kiris eeemo u eyakar ite úne kasoke du.

1 Timote 1:11

Beeliikenee bondu, bondu ti Hirim Heetoofe hu h'isaanee hu, heesoke hu bite b'Atambatun éenike u, abe n'ajak.

1 Timote 1:2

Íñje íkiñjini fee awe Timote i ijoke u naane añiam ite nu múniyo ti káyilen ku. Atambatun Faaf u, ni Yesu Kiris Anahaan ite úne kaja kásoniyani, ni kayubiyeni yooŋ, abe ni kawuni káasuumaay.

1 Timote 6:13

Íñj'endu ti kasokii bonde hágila Atambatun aa awun dóonodoon fe buroŋ, ni Yesu *Kiris éehamine u atoof iya ti káyilen koone hágila Poons *Pilat:

2 Timote 2:2

Báhamin b'a̱jamam bu ti kasoku hágila bakan keehooje-hooj, a̱liiken bo bakan kéewoore, kéeyinie kaliiken bo yooŋ bakaaku.

2 Timote 4:17

Bare Anahaan u aseeŋamseeŋo, abe n'awunam sembe isooñen n'íyini kawaare Hirim Heetoofe hu hireyi fe, keenooto ku Esuwif kareyi fe kayak kajam ho. Abe Anahaan u n'áhin iifak ti bíŋaŋ bu.

Eleetar i yi Pool akiñje i Tit 1:4

Áñuumo Tit, íñj'endu ti kákiñjini eleetar yende. Awe a̱amo fu añiam nu múniyo, ábuki á̱yilenayilen ti Kiris naane íñje. Atambatun Faaf u, ni Yesu Kiris Afakana ite úne kaja kásoniyani, abe ni kawuni káasuumaay.

Filemoŋ 1:9

Bare íñje kalawii bonde aŋarkeyi naane wáamaŋiooramaŋioori. Íñje Pool t'ihaane dee, abe yooŋ hahiyu ikuleekul aŋarkeyi naane iŋ'irok bija ti Yesu Kiris,