1 Timote 1:11 - Kwatay (Kuwaataay)

¹¹ Beeliikenee bondu, bondu ti Hirim Heetoofe hu h'isaanee hu, heesoke hu bite b'Atambatun éenike u, abe n'ajak.

1 Timote 1:11 ပူးပေါင်းရင်းမြစ်များ

Hirim Heetoofe hu hi Luk akiñje hu 2:14

«Atambatun eeemo u t'etiir-t'etiir ánikanee, abe káasuumaay koone nu kuwunee bakan keetoofo ku t'etaam ye!»

Eleetar i yi Pool akiñje i bakate ku Rom 2:16

Bondu bija fu kajukiee akuur but hunak h'Atambatun aja hu kaŋaasu ti Yesu *Kiris eejoonan biyinoor béenuusee bite kúŋgowulan ku, naane Hirim Heetoofe hu hih'iwaare iye husoke i.

1 Korent 9:17

Arko yéeni íñje inoŋke fu eeene íihin burok bondu, n'iŋ'ijaamee. Bare naane aamo i t'íñjeiit tu búnuutina, butum tu buwananooro doon d'Atambatun asejanam t'eemo fu,

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

2 Korent 4:6

Ábuki Atambatun eeene u: «Meejaaŋe mu mija mijaaŋan t'ébaani i!» o yooŋ áhine fu meejaaŋe moone meejaaŋ ti sihel site s'uni, kaanuku man n'ajaaŋan uni ti kámeyi kite kániku koone kiŋki kisilan tu buhooŋu bite Kiris.

Galasi 2:7

Aaa, kajukajuk kaanuku Atambatun aboñamboñ kawaare keenooto ku Esuwif Hirim Heetoofe hu, naane aboñe i yooŋ Piyeer eewaare ho Esuwif i.

Efees 1:12

Náami iriisokorooro naane ahahe i, uni keeemo ku étiyar i ti kayakar ku ti Kiris!

Efees 1:6

Náami úsokorooro iŋi meejake moone meehahe mu. Anoŋkanoŋk eewun úne mo fuufu iŋi naane úhine i t'afeeneŋ n'Añi oone a ámaŋie-maŋie u.

Efees 2:7

Náami h'áwufoore hu úne ti Yesu Kiris kajaku koone, am aamo yooŋ ti káwufoor bakate ku kuwaatu kaanuku aŋ'ayubiyen ahahee.

Efees 3:10

kaanuku man emalaka i keeemo ku t'etiir, n'eseef yeeniin ifi kajuk *kéeyilene ku, ni kámeyi naane búwesinato boone beemo i fe.

Kolos 1:25

Íñje hahiyu aroka ite kéeyilene ku. Atambatun asejanam fu burok bondu kaanuku iŋ'ibin irok bo bija t'aruun: aboñamboñ kaanuku iiwaare hirim hoone hireyi fe.

1 Tesalonik 2:4

H'Atambatun ajuke hu t'uni, n'áwoolu kasaan uni Hirim Heetoofe hu iŋ'iriwaare ho. Kane íriyemi ti kawaare, kúŋgowulan kíiit k'if'iriŋes katoofu, bare Atambatun aa ajondoman tu suhol site s'úne.

1 Timote 2:7

Bondu bíkinineŋe fu Atambatun n'áhinam íiyemi *apotor. Aanamyen iwaare abe n'iliiken keenooto ku Esuwif bite káyilen ku, ni bite múniyo mu. Íñjeiit ijuuse, bifeeneŋ taŋ b'if'isok.

1 Timote 6:15

Atambatun káhinio éebatikein hunak h'ajoke hu te ho. Akina abaje fu sembe sánosan. Akina aamo fu Atambatun unoono, Faaf ite meejake mu, Áyi ite bákayi ku, n'Anahaan ite kunahaan ku.

1 Timote 6:20

Óom Timote, a̱jok áwariee doon d'Atambatun ánihani du. A̱tey báhamin beeñunut, beeriibut nu múniyo m'Atambatun áwufoore mu úne. A̱tey síjeeŋoor su tu buroon bite bíhaŋoor búwesinato, abe yooŋ bíteiit nu múniyo.

2 Timote 1:11

Atambatun áhinamhin íiyemi *apotor kaanuku iŋ'ibin iwaare ésuk i Hirim hondu Heetoofe hu, abe n'iliikeniin ho.

2 Timote 1:14

A̱jok áwariee b'Atambatun ánihani bu. A̱jok bo ti sembe site Búwejet Beenabe bu beekine bu t'úne.

2 Timote 2:2

Báhamin b'a̱jamam bu ti kasoku hágila bakan keehooje-hooj, a̱liiken bo bakan kéewoore, kéeyinie kaliiken bo yooŋ bakaaku.

Eleetar i yi Pool akiñje i Tit 1:3

H'aamo hu hífiiteniin hu hireeŋa, Atambatun *Afakana ite úne n'áhin Hirim hoone héemeyiee. Hirim hondu, n'asaanam ho aane isok ho ésuk i.