1 Timote 1:10 - Kwatay (Kuwaataay)

¹⁰ Aŋ'áhinee yooŋ bija ti kiŋki kaŋot ni bakan ki kaseñeit, ni kiŋki kaŋot ániine n'ániine naane ániine aa aŋot n'anaare, ni kiŋki kajoohen búsukateen bu, n'ejuusa i, ni kiŋki kaseede bite haajuus hu, ni kiŋki káhin baabu buroon fe beewayee bu ni b'ariliikene bu bite bu nu múniyo.

1 Timote 1:10 ပူးပေါင်းရင်းမြစ်များ

Saaŋ 8:44

Setani aamo fu faafuun, abe beetoofo bu b'af'árimaŋi káhinu. Huta hu ti kájabina ku, aŋ'ayool ésuk i. Ásokaariit bifeeneŋ, ábuki múniyo mu munooto te o. Af'ajuus yooŋ, máhaminaro, ábuki akina ajuusa, abe akina átuute fu haajuus.

Eleetar i yi Pool akiñje i bakate ku Rom 1:26

Iŋ'ite ho h'Atambatun awasiin fu iŋi káhin buroon béefuñinanie bu bimbi kayinoor ti kikawiin. Haare hu kumuumiin iŋi kawas huŋotu hu ni háyine hooniin, keeŋot anaare n'anaare, abe bondu buwarut kabaju.

1 Timote 4:6

Af'a̱liiken bondu *kéeyilene ku, n'aŋ'á̱yemi aroka eejake ite Yesu *Kiris. N'aŋ'á̱wufoor kaanuku kirim kite múniyo m'Atambatun áwufoore mu kúkuumani fu, ni bi kaliikeni bu yooŋ béewoore bu. Bondu fe a̱naŋanaŋ bo ti hikawi.

1 Timote 6:3

An af'aliiken ake bike beewayee, abe n'ateñeko kirim kite ku nu múniyo kite k'Anahaan ite úne Yesu *Kiris, nu bumb'úliiken ésuk i beeriibe bu nu múniyo m'Atambatun áwufoore mu úne,

2 Timote 1:13

Kirim kite ku nu múniyo k'a̱bine ku a̱jam t'íñje, a̱neefan te ko ti manoŋkar múuwe. A̱jok alitee ti káyilen ku, abe n'á̱maŋi húŋgowulan ni kámaŋi kéenuutina ti Yesu Kiris.

2 Timote 4:3

Ábuki bibin birko ésuk i it'iŋki kámaŋi kajamatan bimbi kaliikenee bite bu nu múniyo. Boko kajoŋoor nu wúfaŋi wooniin. Boko kaŋesu bakan keehooje iŋi kabin kaliikeniin bimbi kámaŋi kajamu.

Eleetar i yi Pool akiñje i Tit 1:13

Abe b'asoke bu bite toko. Iŋ'ite ho aamo fu a̱kamoor tu boko ásuf man káyilen kooniin nu kujoŋoor.

Eleetar i yi Pool akiñje i Tit 1:9

Awarawar kajoku alitee ti hirim hite hu nu múniyo, heeriibe hu ni b'aliikenee bu. Af'áhin bondu, n'aŋ'áyini kayaŋganan bakaaku kikaw ti bamb'aliikeniin beejoŋoore bu. N'aŋ'áyini yooŋ káwufoor kiŋki kateñeko hirim hu te naŋ ti katine fu.

Esuwif i 13:4

Huruw fe aja áhin nu múniyo ti biseño bu: ániine u araan t'anaare u, anaare u yooŋ n'araan t'ániine u. Ábuki Atambatun kajoonan kiŋki kaŋot ti kaseñoorut, ni kiŋki kaŋot ni bakan ki kaseñeit.

Eleetar i yi Sud akiñje i 1:7

Áribaŋino yooŋ bakate ku *Sodom, nu *Gomoor, ni kikinu keeemo ku ne bo, kiŋki káhinaani naane emalaka yendu. Iŋi kafurukato yéeni, abe n'iŋi kaŋes yooŋ kaŋotu ni bakan keenooto kúŋgowulan naane boko. Hahiye bokondu ti kajuku kúnuur ti sineemak séehokaariit, abe bondu búwufoorawufoor úne kaanuku núunaŋ toko kikaw úne.

Kafeeñal ku 18:13

mátiso mánoman, búsuus beehunde, *miir i, *ejuraay i; ébiñ i, éfariŋ i, édugub i; suboos su, síkarniina su, sifaliñj su, bisaret bu, búsukateen bu ni kéejokine ku bite kitiik ku.

Kafeeñal ku 21:27

Bare doon fe *deekuurut utu duyooso toko, n'an fe aŋ'áhin buroon béekojie, man yooŋ n'aŋ'ajuus. Keeemo ku kuruwu kooniin kikiñjee fu ti kaawiit kite buroŋ bu taŋ, kite k'Ametek u kaja fu buyooso ti hikinu hondu.

Kafeeñal ku 21:8

Bare bukoloow bu, ni kéeyilenut ku, ni kiŋki káhin buroon béekojie bu, ni kiŋki kayool bakan, ni kiŋki kaŋot ni bakan ki kaseñeit ku, n'élugusa i, ni kiŋki kásukaay ñúwisenum ñu, n'ejuusa i fe, boko káyemi ti han héesufe-sufe hu hite sineemak su n'efor i. Ho heemo fu eket ésooboriyan i.

Kafeeñal ku 22:15

Bare kiŋki káhin meejakut mu, n'élugusa i, ni kiŋki kaŋot ni bakan ki kaseñeit ku, ni kiŋki kayool bakan, ni kiŋki kásukaay ñúwisenum ñu, n'ejuusa i fe kiŋki kámaŋi buroon bite haajuus hu, boko káyemi tíyaŋ!