1 Saaŋ 5:7 - Kwatay (Kuwaataay)

⁷ Eseede bákahaaji kabaje fu:

1 Saaŋ 5:7 ပူးပေါင်းရင်းမြစ်များ

Májiye 17:5

Ondu ti báhamin bu, náami kaafor keejaaŋe ni kímifeniin. Kaaji ni kíhaminn ti kaafor ku iŋi keene: —An onde aamo fu Añi úuma i ímaŋie u. Te o ti hikawam hutoofe fu. Arijamatano jak!

Májiye 18:16

Bare af'ateñekei kajamu, a̱ruw afeeneŋ man yooŋ bákasuba keeriboor n'awe ariija ariijuko. Á̱hin ii ábuki *Míkiñjin mu meenaan: «Bala an atinanee, bákasuba man yooŋ bákahaaji kawarawar kajabu kaseede kaane kajukojuk.»

Májiye 28:19

Náami arija tánotan fe t'etaam ye, abe n'árihin ésuk i kéeyemi eriboora íima: *aribosteiin tu huruwu hite Faaf u, n'Añi u, nu Búwejet Beenabe bu,

Saaŋ 1:1

Hítiyar hu, h'Atambatun áwuwane hu dóonodoon fe, Hirim hu káafiyein híyemi. Hirim hu húmoomi n'Atambatun, abe ho heemo fu Atambatun.

Saaŋ 10:30

Íñje ni Faaf u, uni k'afeeneŋ ku.

Saaŋ 12:28

Íñje kaanu: Faafa, á̱nikan huruwu húuwe! Náami kaaji kíhaminno t'etiir bufor bu keene: —Ínikananikan ho, abe íñje kasooñu ínikan ho.

Saaŋ 14:17

O aamo fu Búwejet bumbu búwufoor ésuk i múniyo mu. Bakate ku t'etaam ye biteñekoo, ábuki kayinaato kajuku, kayinaato yooŋ kámeyi. Bare aruun árimoomio, ábuki akinakin n'aruun, o yooŋ káyemi n'aruun.

Saaŋ 15:26

«Áyokunana u bibin: o aamo fu Búwejet bite múniyo mu, eeyak u kánuutina ti Faaf u. Íñje káboñinuuno tu huruwu hite Faaf u, abe o kasokuuun búuma bu fe.

Saaŋ 5:26

Ábuki naane Faaf u ákinie i buroŋ bu, iyu yooŋ a awune fu Añi u éekini bo.

Saaŋ 8:18

Íñje iŋ'inoŋk iiseedooro, Faaf u yooŋ éeboñinam u n'aseedaam.

Saaŋ 8:54

Yesu n'aaniin: —If'iŋes bínikanooro, kániku kondu iti kibaj mayet éñjeriŋ. Faafam af'ánikanam, o ariene u akina aamo Atambatun oonuun.

Epotor i 2:33

Ayiteeyit t'etiir inde *baatos Atambatun, abe akina Atambatun Faaf u n'asaano Búwejet Beenabe bu beefiyee bu busokee. O Yesu n'ásik bo asaan uni; bo b'af'arijuk iye, abe n'arijam yooŋ.

Epotor i 5:32

Uni iriemo fu eseede yite buroon bondu, uni nu Búwejet Beenabe bu b'Atambatun awune bu kéejeŋgino ku.

1 Saaŋ 1:1

Uni írikiñjinuun fee iŋ'ite Hirim hu huhu huwun buroŋ bu. Híyemayemi huta hu t'Atambatun áwuwanoorut doon areyi fe. Irijamajam ho, irijukajuk ho yooŋ féet, íriheelinaheelin te ho, abe irigoragor ho.

1 Saaŋ 5:6

Yesu *Kiris aamo fu an éeŋaasina u t'etaam i: n'ayooso tu móhujo ti kaboste koone, n'áyuus yooŋ halan hoone ti kaketu ku. Tu móhujoiit barebare t'áŋaasina fu, bare áŋaasinoŋaasin tu móhujo, ni ti halan yooŋ. Abe Búwejet Beenabe bu iŋi biseede kaanuku bondu bite nu múniyo, ábuki Búwejet bu beemo fu múniyo mu.

1 Saaŋ 5:8

Búwejet Beenabe bu, móhujo mu, ni halan hu, abe t'éhaajiiin fe kajokajok ti bifeeneŋ.

Kafeeñal ku 19:13

Asolasol kájufa kéetuusanee ti halan. Huruwu hoone «Hirim hite Atambatun».