1 Saaŋ 5:20 - Kwatay (Kuwaataay)

²⁰ Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

1 Saaŋ 5:20 ပူးပေါင်းရင်းမြစ်များ

Májiye 13:11

Yesu n'aaniin: —Aruun k'Atambatun áhine fu áriimeyi béenuusee bite ti Jáyi joone, bare áhinut bo bokondu.

Hirim Heetoofe hu hi Luk akiñje hu 21:15

Ábuki íñje ija fu kasaanuun kirim ku. Íñje yooŋ kawunuuun búwesinato, abe mayet afeeneŋ t'enatoora yeenuun at'áyini kajokuuun ti báhamin, man yooŋ n'ajeeŋan bo.

Hirim Heetoofe hu hi Luk akiñje hu 24:45

Náami éefeŋginiin ñúwejet kaanuku man ni kánandin *Míkiñjin mu

Saaŋ 1:18

An ámusut kajuku Atambatun. Bare Añi afeeneŋ u, eeemo u yooŋ Atambatun, abe n'áhin ni Faaf u káakondin kifeeneŋ, áhinahin núumeyio.

Saaŋ 10:30

Íñje ni Faaf u, uni k'afeeneŋ ku.

Saaŋ 14:20

Hunak hondu ifi hireeŋ, n'aŋ'árimeyi kaanuku íñj'endu ti Faafam, aruun bokondu t'íñje, íñj'endu yooŋ t'aruun.

Saaŋ 14:23

Yesu n'aano: —An af'ámaŋiam, o káhinu doon d'isoke du. Faafam kámaŋio, abe n'iŋ'iribin te o íñje ni Faafam iriikin te o.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Saaŋ 14:9

Yesu n'aano: —Filip, naane ifiyee i n'aruun fe, á̱meyioorutam? An eejukam u, ajuka Faaf u. Iŋi naŋ n'a̱ane fu: «Á̱wufoor uni Faaf u»?

Saaŋ 15:4

Arijok t'íñje, n'ijok yooŋ t'aruun. Kaaland kiyinaat kabuku miriyaay unoon te ko tu kulooñut tu nunukanuk; aruun yooŋ, afut'arijok t'íñje, at'áriyini kabuku miriyaay.

Saaŋ 17:14

Isaaniinsaan hirim húuwe, abe bakate ku t'etaam i ni kahuufiin aŋarkeyi naane kanooto bakate t'etaam i, naane inooto i yooŋ an ite t'etaam i.

Saaŋ 17:25

Faafa, awe éejube u, bakate t'etaam i kámeyiiti, bare íñje ímoomii, abe eriboora íima bokonde kámoomi kaanuku awe á̱boñinam.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

Saaŋ 20:28

Taamas n'aano: —Awe a̱amo fu Anahaan úuma, n'Atambatun úuma toko!

Saaŋ 8:42

Yesu n'aaniin: —Kane arko yéeni múniyo Atambatun aamo fu Faafuun, n'aŋ'árimaŋiam, ábuki te o t'ínuutina fu, abe uŋu hoone hu h'eemo fe beebe. Íñjeiit inoŋkooree iibin, bare akina áboñinam fu.

Epotor i 20:28

Áriwasiyoor kikawuun, abe n'arinaŋ ko yooŋ ti kaahaaw ku fe ku Búwejet Beenabe bu bisaanuun ku ariihaaw. Áriyemi ehaawa yite bakate ku Atambatun kéeyilene ku, k'aŋese ku ni halan hite Añi oone.

Eleetar i yi Pool akiñje i bakate ku Rom 9:5

Boko kaamo fu bakañi sifaaf su kómbokun ku bakate ku kóŋkeyin k'Atambatun ajifane ku. Kiris yooŋ ite t'eheet yeeniin h'abine hu éeyemi húŋgowulan. Akina aamo fu Atambatun eehaŋe u doon areyi fe. Úsokorooro ko kireyi fe! Amiin.

1 Korent 1:30

Atambatun áhinuunhin t'afeeneŋ ni Yesu Kiris, abe akina Kiris ákinineŋe fu n'úmeyi búwesinato béenuutina bu t'Atambatun. Akina ákinineŋe fu yooŋ Atambatun n'ajok úne bakan kéejube, n'ajifan úne núuyemi bakan koone, abe n'áhin úne núufak tu wuhoofoor wu,

2 Korent 4:6

Ábuki Atambatun eeene u: «Meejaaŋe mu mija mijaaŋan t'ébaani i!» o yooŋ áhine fu meejaaŋe moone meejaaŋ ti sihel site s'uni, kaanuku man n'ajaaŋan uni ti kámeyi kite kániku koone kiŋki kisilan tu buhooŋu bite Kiris.

2 Korent 5:17

An af'áhin ni Kiris t'afeeneŋ, an ondu áyemia húŋgowulan híyeni; beehaane bu bútowutaa, bíyeni bisiiŋee fu.

Efees 3:18

N'aŋ'áriyini yooŋ kánandin, aruun ni bakan kite Atambatun fe, buŋ bi kámaŋi kite Kiris kiŋabe fu, buŋ bi kikambe fu, buŋ bi kiliite fu, nu buŋ bu kúsulie fu.

Fílip 3:9

abe n'íhin ne o t'afeeneŋ íhabanein. Iŋkut eene íñj'eemo an éejube aŋarkeyi naane iŋ'íhin naane Eluwa i esoke i. Iŋ'ite káyilen kúuma ti Kiris h'eemo fu an éejube. Kájubu ku, t'Atambatun tu kúnuutina fu, abe aŋ'awun ko an fe éeyilene te o.

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

Eleetar i yi Pool akiñje i Tit 2:13

Iyu u úware fu kanahan hunak heetoofe hu h'úyakare hu. Hunak hondu, Yesu *Kiris Afakana ite úne, eeemo u Atambatun eehahe u, bibin káanikin naane.

Esuwif i 1:8

Bare t'Añi u aanaan: «Awe Atambatun, híyiaate húuwe hisiiŋasiiŋo hiraanu, abe ho káyemi heejoŋoore júl.

1 Saaŋ 2:23

Abe an eeteñekee Añi u, ámeyiit yooŋ Faaf u. An éesiiŋooreina n'Añi u, ámoomi yooŋ Faaf u.

1 Saaŋ 2:24

Iŋ'ite ho aamo fu áriwasiyoor ariinaŋ ti siheluun hirim h'arijame hu huta hu ti kájabina ku. Arko b'arijame bu huta hu ti kájabina ku bondu ti siheluun, aruun yooŋ káyemi t'afeeneŋ n'Añi u ni Faaf u.

1 Saaŋ 2:6

An af'asok aane áhinahin t'afeeneŋ n'Atambatun, awarawar kanaban tu wuwot wute Yesu.

1 Saaŋ 4:14

Irijukajuk ni ñíkin uni, abe n'iriseede kaanuku Faaf u áboñinoboñin Añio eebin éeyemi *Afakana ite kúŋgowulan ku.

1 Saaŋ 4:16

Uni írimoomi kámaŋi k'Atambatun ámaŋie ku úne, abe íriyilenayilen ko. Atambatun ámaŋamaŋi ésuk i. An éemaŋie bakan, áhinahin t'afeeneŋ n'Atambatun, abe Atambatun áhina ne o t'afeeneŋ.

1 Saaŋ 4:2

Iye a arija fu kámeyi man ake abajabaj Búwejet bite Atambatun man yooŋ: an fe eeene múniyo Yesu *Kiris abinabin éeyemi húŋgowulan, an ondu abajabaj Búwejet béenuutina bu t'Atambatun.

1 Saaŋ 5:1

An fe éeyilene kaanuku Yesu aamo fu *Kiris, akina añi Atambatun, abe an fe éemaŋie Faaf u, aŋ'ámaŋi yooŋ bakañio.

1 Saaŋ 5:15

Abe makamu úmoomi kaanuku aŋ'ajamatan úne kane úlawo dike doon, úmeyi yooŋ kaanuku aŋ'awun úne doon d'úlawo.

1 Saaŋ 5:18

Úmoomi kaanuku añi fe ite Atambatun aŋ'araan kahoofoor, ábuki Añi ite Atambatun aŋ'ajukaro, abe Batuuk bu biyinaat te o doon.

1 Saaŋ 5:5

Aañ ayino fu kaheeku bo? Kane arko fu taŋ an éeyilene u kaanuku Yesu aamo fu Añi ite Atambatun.

Kafeeñal ku 15:3

Iŋi kahooñ huhooñu hi *Moyis aroka ite Atambatun abane hu, nu huhooñu h'Ametek u abane hu yooŋ. Iŋi kaane: «Atemit, Atambatun eehaŋe u ebaja sembe, burok búuwe bihahahah, abe bijaaŋajaaŋo ésuk i! Awe Áyi ite biheet bu, máhinar múuwe meejoŋoore, abe mite nu múniyo!

Kafeeñal ku 19:11

Hunuut toko, n'ijuk bufor béefeŋginee, abe efaliñj yeefañje n'éŋaasin. An eerabee u te yo huruwu hoone Éejube u, huruwu hoone yooŋ Múniyo mu. Aŋ'ajoonan, abe n'átuum ajoŋooree.

Kafeeñal ku 3:14

—A̱kiñj amalaka ite bakate ku Lawodise *kéeyilene ku a̱ano: «An u ii kaane Amiin, aseede éejube u ite u nu múniyo, a Atambatun aŋaase u te o éewuwan doon areyi fe aane:

Kafeeñal ku 3:7

—A̱kiñj amalaka ite bakate ku Filadelfi *kéeyilene ku a̱ano: «An eenabe u, eeemo u an ite bifeeneŋ, éeyekie u ejaab ite áyi u *Dafit, akina aa áfeŋgin abe an at'áyini kafeŋku, n'afeŋk abe an at'áyini káfeŋgin aane:

Kafeeñal ku 6:10

Ni kataŋk kaane: «Atemit eenabe u, awe eeemo u an ite bifeeneŋ, awe kajoonan bakate etaam i, abe n'a̱nukan tu boko iŋi naane kayoole i uni. Náami a̱anahan bija kaakaŋ?»