1 Saaŋ 5:19 - Kwatay (Kuwaataay)

¹⁹ Úmoomi kaanuku Atambatun akino fu úne, bare etaam i ereyi fe yendu ti sembe site Batuuk bu.

1 Saaŋ 5:19 ပူးပေါင်းရင်းမြစ်များ

Hirim Heetoofe hu hi Luk akiñje hu 4:6

abe n'aano: —Íñje kawunii aduna i ereyi bif, abe ebaj yendu fe n'eŋ'éyemi yúuwe. Buroon bondu fe, íñje i bisaanee fu, abe íyinooni kawunu bo an eetoofam u.

Saaŋ 12:31

Kajoonan kite bakate ku t'etaam ye kireeŋa; kákutoor kite Setani aseef ite te yo kireeŋa yooŋ.

Saaŋ 14:30

Iroŋut káhamin n'aruun akamb iye, ábuki aseef ite etaam ye ondu ti bibin. Múniyo abajut sembe t'íñje,

Saaŋ 16:11

Kabuutabuut kikawiin ti majoonanar mite Faaf u, ábuki aseef ite etaam ye ajoonanee ahaban.

Saaŋ 17:15

Ilawuti eeni á̱nuutanniin t'etaam i, bare a̱jukariin man Setani atum'abin áhiniin doon.

Eleetar i yi Pool akiñje i bakate ku Rom 8:16

Búwejet Beenabe bu humuum hite te bo búwufoorawufoor búwejet bite b'úne kaanuku úne bakañi Atambatun.

2 Korent 1:12

Iisokuun bimb'irisaŋgoor ne bo: sihel site s'uni súwufoorawufoor uni kaanuku iririikariiko n'ésuk i biriiko beejoŋoore, ni bijak yooŋ, áhaŋum n'aruun. Abe bondu fe t'Atambatun tu búnuutina fu. Káanukiiit tu búwesinato bite húŋgowulan. Aaa, t'Atambatun éewufoore u uni kajaku koone tu búnuutina fu.

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

2 Korent 5:1

Múniyo úmoomi kaanuku sini site s'úne ufu súbujo, so seeemo su naane búwuureey b'úkine te bo t'etaam ye, úbajabaj t'etiir bufor bu sini seeemo naane sunuuf site hiraanu. Atambatun afaree fu so bija t'úne, kúŋgowulan kíiit.

Galasi 1:4

Yesu Kiris humuumo ásikasik síhiinio asaan kaanuku eefakan úne tu wuhoofoor wu. Aramaram úne ti sembe site t'etaam ite hahiye yeejakut yee, naane t'Atambatun Faaf úne ámaŋie du.

Efees 2:2

Aŋ'arineefan yéeni tu kunoŋk kite bakate ku t'etaam ye. Aŋ'árijamaani t'aseef ite sembe seejakut su seeemo su t'etiir. Aseef ondu aamo fu búwejet beejakut bu bumbu burok iye ti kéejeŋginaariit ku Atambatun.

2 Timote 1:12

Bo bíkinineŋe fu sílaam súuma sonde. Bare ifuñeit bondu, ábuki ímoomi t'aañ ti hikawam hiyaŋge fu, abe bukuuramkuur kaanuku abajabaj sembe site kajukar b'ánihanam bu bija tu hunak hite Kajoonan ku.

Eleetar i yi Pool akiñje i Tit 3:3

Ábuki hítiyar hu, úne yooŋ úbajut kikaw, újeŋginaariit an, abe úmoomi naane bakan keehiile. Úne yéeni búsukateen bite wúfaŋi weejakut wánowan, ni katoofu kánokan. Úkinaanakinaani ti bánafut ni bíhiñanoor. Uŋ'úhuuf bakaaku, ni kahuuf úne yooŋ.

Saak 4:4

Aruun fu bakan kéejubut! Árimeyiit kaanuku kámaŋi aduna i aamo fu kahuufu Atambatun? An af'ámaŋi kábuki n'aduna i, áhinooraa anatoora ite Atambatun.

1 Saaŋ 3:14

Úne úmoomi kaanuku únuutino t'eket i núuyooso tu buroŋ bu. Úmoomi bo aŋarkeyi naane úmaŋamaŋi bakati úne. An éemaŋiit at'o, an ondu aroŋa t'eket i.

1 Saaŋ 3:24

An éejeŋgine suluwa site Atambatun, an ondu áhina t'afeeneŋ n'Atambatun, Atambatun yooŋ áhina ne o t'afeeneŋ. Abe úmoomi kaanuku Atambatun áhinahin n'úne t'afeeneŋ, ábuki awunawun úne Búwejet boone.

1 Saaŋ 5:10

Náami an éeyilene u t'Añi ite Atambatun anaŋa t'eholo kaseede konde. Bare an éeyilenut u t'Atambatun ajokojok ajuusa, ábuki áyilenut b'Atambatun aseede bu t'Añio.

1 Saaŋ 5:13

Ikiñjakiñj bonde fe bija t'aruun kéeyilene ku tu huruwu hite Añi ite Atambatun, man n'áriyilen kaanuku aribaja buroŋ béehabanaariit bu.

1 Saaŋ 5:15

Abe makamu úmoomi kaanuku aŋ'ajamatan úne kane úlawo dike doon, úmeyi yooŋ kaanuku aŋ'awun úne doon d'úlawo.

1 Saaŋ 5:18

Úmoomi kaanuku añi fe ite Atambatun aŋ'araan kahoofoor, ábuki Añi ite Atambatun aŋ'ajukaro, abe Batuuk bu biyinaat te o doon.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

Kafeeñal ku 12:9

Éjufuur yómbokun i n'éfiitenee tíyaŋ. Yo yeemo fu doon dúbuunaay dihaan du, dundu dubuut ésuk i kareyi fe. Do difi kaane Batuuk bu man yooŋ Setani. Ni dífiitenee t'etaam i, do n'emalaka yite te do.

Kafeeñal ku 20:3

N'áfiiten yo ti kaayeen kéesulie-sulie ku; ahaban, n'akul karuŋ ku n'ejaab, abe n'árur ko tíyaŋ, kaanuku éjufuur i etum'eŋk'éyini kabuutu biheet bu ayak abin áami yooŋ simit su éñjune i sihabanaa. Simit sondu ifi sihabano, ewareewar káfaakin, bare kunak keefamut.