1 Saaŋ 4:9 - Kwatay (Kuwaataay)

⁹ Iye a Atambatun áwufoore fu naane ámaŋie i úne: áboñinoboñin Añio afeeneŋ u t'etaam ye, kaanuku núubaj te o buroŋ bu.

1 Saaŋ 4:9 ပူးပေါင်းရင်းမြစ်များ

Mark 12:6

Náami bare an afeeneŋ taŋ aroŋo fu toko a ayino kaboñu; o aamo fu añi oone a ámaŋie u. Náami eeboño ti kaanu ni hikawo: «Boko kájeŋgin añi úuma.»

Hirim Heetoofe hu hi Luk akiñje hu 4:18

«Búwejet bite Atemit bondu t'íñje, iŋ'ite ho h'ajifanam fu kaanuku iibin isok keebajut ku doon fe Hirim Heetoofe hu. Áboñinamboñin iisok keekulee ku kaanuku kawasanee, n'íwufoor kéefuume ku kaanuku káyinooni kajuku, kéehihinooree ku kaanuku boko karamiee,

Saaŋ 10:10

Ákuw ékuwe taŋ y'af'abin, ni kayoolu, ni kábuju. Íñje ibinabin kaanuku iiwun ésuk i buroŋ bu, abe ni kabaj buroŋ beetoofe-toof.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Saaŋ 3:16

Ábuki Atambatun ahaŋahaŋ kámaŋi ésuk i, ayak awun Añi oone afeeneŋ u, kaanuku an fe éeyilene te o atum'átowuto hiraanu, bare n'abaj buroŋ béehabanaariit bu.

Saaŋ 3:18

An éeyilene u t'Añi u ajoonanutee; bare an éeyilenut u te o ajoonanee ahaban, ábuki áyilenut t'Añi u afeeneŋ ite Atambatun.

Saaŋ 5:23

kaanuku man ésuk i fe ni kájeŋgin Añi u naane kájeŋgine i Faaf u. An éejeŋginut u Añi u, ájeŋginut yooŋ Faaf u éeboñino u.

Saaŋ 6:29

Yesu n'aaniin: —Doon d'Atambatun ámaŋie du deemo fu áriyilen t'an a áboñina u.

Saaŋ 6:51

Íñj'eemo fu humburu huhu huwun buroŋ bu, héewaneina hu t'etiir. An eeteŋe u te ho, buroŋ boone iti bihabano. Humburu h'ija hu kawunu heemo fu eniam. Íñje kawunu ho kaanuku ésuk i keeroŋ.

Saaŋ 6:57

Faaf u éeboñinam u ondu buroŋ. Naane áhinam ee iiroŋ, an yooŋ eeteŋe eniam, íñje káhinio eeroŋ.

Saaŋ 8:29

An éeboñinam u ondu n'íñje; awasutam yooŋ unoonam, ábuki iŋ'íhin ko kireyi fe beetoofo bu.

Saaŋ 8:42

Yesu n'aaniin: —Kane arko yéeni múniyo Atambatun aamo fu Faafuun, n'aŋ'árimaŋiam, ábuki te o t'ínuutina fu, abe uŋu hoone hu h'eemo fe beebe. Íñjeiit inoŋkooree iibin, bare akina áboñinam fu.

Saaŋ 9:3

Yesu n'aaniin: —Káanukiiit man iŋi wuhoofoor woone, man yooŋ wute wu faafoiin n'íñaayo. Bare káfuumu koone kákinineŋ ésuk i ni kajuk te o naŋ n'Atambatun aja fu káhinu.

Eleetar i yi Pool akiñje i bakate ku Rom 8:32

Akina éetumbut u awas Añio, bare n'ásiko asaan eeket bija t'úne úreyi, buŋ b'atuf'awun úne doon areyi fe t'afeeneŋ n'Añio?

Esuwif i 1:5

Múniyo Atambatun ámusut kaanu hikee ake t'emalaka yeene: «Awe a̱amo fu Añi úuma, úmiye íñj'eemo fu Faafi.» Man yooŋ: «Íñje káyemi Faafo, abe akina káyemi Añiam.»

1 Saaŋ 3:16

Iye u úmeyie fu naŋ neemo fu kámaŋi: Yesu *Kiris ásikasik síhiinio asaan bija t'úne. Náami úne yooŋ úwarawar kásiku síhiinu úne úsaan bija ti bakati úne.

1 Saaŋ 4:10

Iye i kámaŋi aamo fu: káanukiiit man úne úmaŋie Atambatun, bare akina ámaŋie fu úne. N'áboñin Añio kaanuku man wuhoofoor wute w'úne nu wuboŋketee iŋ'ite *kaasarah koone.

1 Saaŋ 4:16

Uni írimoomi kámaŋi k'Atambatun ámaŋie ku úne, abe íriyilenayilen ko. Atambatun ámaŋamaŋi ésuk i. An éemaŋie bakan, áhinahin t'afeeneŋ n'Atambatun, abe Atambatun áhina ne o t'afeeneŋ.

1 Saaŋ 5:11

Bonde b'Atambatun aseede fu: awunawun úne buroŋ béehabanaariit bu, abe buroŋ bondu bondu t'Añio.

1 Saaŋ 5:13

Ikiñjakiñj bonde fe bija t'aruun kéeyilene ku tu huruwu hite Añi ite Atambatun, man n'áriyilen kaanuku aribaja buroŋ béehabanaariit bu.