1 Saaŋ 4:7 - Kwatay (Kuwaataay)

⁷ Kújakuwe, aruun k'ímaŋie-maŋie ku, árimaŋioori, ábuki kámaŋi ku, t'Atambatun tu kúnuutina fu. An af'ámaŋi ésuk i, an ondu añi ite Atambatun, abe ámoomi Atambatun.

1 Saaŋ 4:7 ပူးပေါင်းရင်းမြစ်များ

Saaŋ 13:34

Iisaanuun eluwa éyeni: árimaŋioori. Naane ímaŋiuun i, iyu yooŋ a ariware fu kámaŋioori.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

1 Korent 8:3

Bare an éemaŋie u Atambatun, Atambatun ámoomio.

2 Korent 4:6

Ábuki Atambatun eeene u: «Meejaaŋe mu mija mijaaŋan t'ébaani i!» o yooŋ áhine fu meejaaŋe moone meejaaŋ ti sihel site s'uni, kaanuku man n'ajaaŋan uni ti kámeyi kite kániku koone kiŋki kisilan tu buhooŋu bite Kiris.

Galasi 4:9

Bare hahiye naane árimeyie i Atambatun, man yooŋ iwarawar kaanu Atambatun ámeyiuun fu, buŋ b'arisooñe fu ariweteko iyu áriijeŋgin ñúwejet ñeebajut sembe, abe yooŋ ñibajut éñjeriŋ? Butum árimaŋamaŋi kasooñu áriyemi búsukateen bite te ño?

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

2 Timote 1:7

Ábuki Búwejet b'Atambatun awune bu úne bíhinaariit núuyemi bukoloow; uŋu buwun úne sembe, ni bíhin núumaŋi bakan, abe n'uŋ'újokumooro.

1 Piyeer 1:22

Arikuuranoorakuuranooro aŋarkeyi naane árijeŋginajeŋgin múniyo mu. Iŋ'ite ho h'árimaŋie fu bakatuuun *kéeyilene ku. Náami árimaŋioori dómbokun siheluun síhabanein.

1 Saaŋ 2:10

An af'ámaŋi at'o, an ondu ondu ti meejaaŋe mu, abe doon fe diyinaato káhinu eeney ti kaahoofoor.

1 Saaŋ 2:29

Árimoomi kaanuku Kiris ájubajub. Náami ariwarawar yooŋ kámeyi kaanuku an fe aŋ'áhin beejoŋoore, akina añi ite Atambatun.

1 Saaŋ 2:3

Uf'újeŋgin buluwa bite Atambatun, bukuur úne kaanuku úmoomio.

1 Saaŋ 2:4

An af'aane ámoomio, abe bare ájeŋginut buluwa boone, akina ajuusa, abe múniyo mu munooto te o.

1 Saaŋ 2:7

Kújakuwe, aruun k'ímaŋie-maŋie ku, eluwa éyeniiit y'ikiñjuun fee. Eluwa yeefiyee, y'arisaanee huta hu ti kájabina ku. Eluwa yendu yeefiyee i yeemo fu hirim h'arijame hu.

1 Saaŋ 3:9

An fe eeemo añi ite Atambatun araana kahoofoor, ábuki buroŋ béenuutina bu t'Atambatun bondu te o. At'aŋk'áyini kakinu ti kaahoofoor, ábuki akina añi ite Atambatun.

1 Saaŋ 4:11

Kújakuwe, aruun k'ímaŋie-maŋie ku, makamu iyu a Atambatun ámaŋie fu úne, úne yooŋ úwarawar kámaŋioori.

1 Saaŋ 4:12

An ámusut kajuku Atambatun; bare uf'úmaŋioori, Atambatun n'aŋ'áhin n'úne t'afeeneŋ, abe kámaŋi k'ámaŋie ku úne kiyanayan faŋ.

1 Saaŋ 4:16

Uni írimoomi kámaŋi k'Atambatun ámaŋie ku úne, abe íriyilenayilen ko. Atambatun ámaŋamaŋi ésuk i. An éemaŋie bakan, áhinahin t'afeeneŋ n'Atambatun, abe Atambatun áhina ne o t'afeeneŋ.

1 Saaŋ 4:20

An af'ahuuf at'o, abe bare n'aane ámaŋamaŋi Atambatun, akina ajuusa. Múniyo afut'ámaŋi at'o aa ajuk, ayinaat kámaŋi Atambatun a ájukaariit u.

1 Saaŋ 4:8

An eefinut ámaŋi ésuk i, an ondu ámeyiit Atambatun, ábuki Atambatun ámaŋamaŋi ésuk i.

1 Saaŋ 5:1

An fe éeyilene kaanuku Yesu aamo fu *Kiris, akina añi Atambatun, abe an fe éemaŋie Faaf u, aŋ'ámaŋi yooŋ bakañio.

2 Saaŋ 1:5

Abe hahiyu, bonde b'ilaw fu n'awe, awe Anaare u: úmaŋioori. Éluwaiit éyeni y'ikiñji fee. Eluwa yende úsaaneesaan yo huta hu ti kájabina ku.