1 Saaŋ 3:23 - Kwatay (Kuwaataay)

²³ Eluwa yende y'asaane i úne: aane úyilen tu huruwu hite Añio Yesu Kiris, abe yooŋ n'úmaŋioori naane asoke i úne.

1 Saaŋ 3:23 ပူးပေါင်းရင်းမြစ်များ

Májiye 22:39

Ésooboriyan i yeenokoore naane yo yende: «A̱warawar kámaŋi áwiyi húŋgowulan naane á̱maŋie i hikawi.»

Mark 9:7

Kaafor ni kíŋaasin, abe ni kímifeniin. Kaaji ni kíhaminn ti kaafor ku iŋi keene: —An onde aamo fu Añi úuma i ímaŋie u. Arijamatano jak!

Saaŋ 1:12

Bare keejoke ku ho áwariee kareyi fe, abe ni káyilen te ho, huwuniinwun sembe kaanuku keebin kéeyemi bakañi Atambatun.

Saaŋ 13:34

Iisaanuun eluwa éyeni: árimaŋioori. Naane ímaŋiuun i, iyu yooŋ a ariware fu kámaŋioori.

Saaŋ 14:1

Yesu n'asooñ aaniin: —Atum'ariyinoor doon fe. Áriyilen t'Atambatun, abe n'áriyilen yooŋ t'íñje.

Saaŋ 15:12

Hirim húuma honde: árimaŋioori naane ímaŋiuun i.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

Saaŋ 2:23

Hi Yesu áyemie hu Serusalem *t'efeet ite Kánuutina ku Esipt, keehooje-hooj ni káyilen te o hi kajuke hu buroon bamb'áhin beehaŋe bu ésuk i kikaw.

Saaŋ 3:18

An éeyilene u t'Añi u ajoonanutee; bare an éeyilenut u te o ajoonanee ahaban, ábuki áyilenut t'Añi u afeeneŋ ite Atambatun.

Saaŋ 6:29

Yesu n'aaniin: —Doon d'Atambatun ámaŋie du deemo fu áriyilen t'an a áboñina u.

Epotor i 16:31

Ni kaano: —Á̱yilen t'Anahaan u Yesu, abe n'aŋ'a̱fak, awe ni bakate ku t'awe.

Efees 5:2

Árimaŋioori ko kireyi fe tu buroŋ boonuun naane *Kiris ámaŋie i úne. Ámaŋamaŋi úne, abe n'ásik buroŋ boone eesaan bo bija t'úne naane *kaasarah keehunde-hund t'Atambatun.

1 Tesalonik 4:9

Kújakuwe, ti kámaŋioori keeware ku kabaju t'etut bakan *kéeyilene, arisawuleit ariikiñjee tu bondu, ábuki Atambatun humuumo áwufooruunwufoor naane ariware i kámaŋioori.

1 Timote 1:15

Hirim h'ija hee kasokii héewoore, abe huruw fe awarawar ho kanaŋu ti hikawo: Yesu Kiris abinabin t'etaam ye kaanuku eefakan ehoofoora i. Íñje ihaŋiin fu kajakaate fe,

1 Piyeer 1:22

Arikuuranoorakuuranooro aŋarkeyi naane árijeŋginajeŋgin múniyo mu. Iŋ'ite ho h'árimaŋie fu bakatuuun *kéeyilene ku. Náami árimaŋioori dómbokun siheluun síhabanein.

1 Piyeer 4:8

Beehaŋe bu fe beemo fu árimaŋioori dómbokun, ábuki kámaŋioori aŋ'ahok wuhoofoor weehooje.

1 Saaŋ 2:7

Kújakuwe, aruun k'ímaŋie-maŋie ku, eluwa éyeniiit y'ikiñjuun fee. Eluwa yeefiyee, y'arisaanee huta hu ti kájabina ku. Eluwa yendu yeefiyee i yeemo fu hirim h'arijame hu.

1 Saaŋ 3:11

Múniyo, hirim honde h'arijame fu huta hu ti kájabina ku: úmaŋioori.

1 Saaŋ 4:15

An af'asok aane Yesu aamo fu Añi ite Atambatun, Atambatun káhinu ne o t'afeeneŋ, akina yooŋ n'áhin t'afeeneŋ n'Atambatun.

1 Saaŋ 4:21

Náami eluwa yende yi Kiris asaane i úne: an éemaŋie Atambatun awarawar yooŋ kámaŋi at'o.

1 Saaŋ 5:13

Ikiñjakiñj bonde fe bija t'aruun kéeyilene ku tu huruwu hite Añi ite Atambatun, man n'áriyilen kaanuku aribaja buroŋ béehabanaariit bu.