1 Saaŋ 3:22 - Kwatay (Kuwaataay)

²² Aŋ'awun úne doon fe d'úlawo, ábuki uŋ'újeŋgin suluwa soone, abe beetoofo bu b'uf'úhin.

1 Saaŋ 3:22 ပူးပေါင်းရင်းမြစ်များ

Májiye 17:5

Ondu ti báhamin bu, náami kaafor keejaaŋe ni kímifeniin. Kaaji ni kíhaminn ti kaafor ku iŋi keene: —An onde aamo fu Añi úuma i ímaŋie u. Te o ti hikawam hutoofe fu. Arijamatano jak!

Májiye 21:22

Af'áriyilen t'Atambatun, doon d'arilawe fe, aruun kawuniee do.

Mark 11:24

Iŋ'ite ho h'eenuun fu: af'áriyemi ti kalawu Atambatun dike doon, áriyilen kaanuku aribaja do kep, n'aŋ'ariwunee do.

Saaŋ 14:13

Abe doon d'arilawe fe tu huruwu húuma, íñje káhinu do, man íñje eeemo u Añi u n'íwufoor ésuk i naane Faaf u ánike i.

Saaŋ 15:10

Af'árihin b'isoke bu, ibaa kámaŋiuun naane íhine i yooŋ bi Faafam asoke bu, abe abaa yooŋ kámaŋiam.

Saaŋ 15:7

Bare af'arijok t'íñje, abe n'arijok ti kirim kúuma, doon fe d'ariyak kalawu, aruun kabaju do.

Saaŋ 6:29

Yesu n'aaniin: —Doon d'Atambatun ámaŋie du deemo fu áriyilen t'an a áboñina u.

Saaŋ 8:29

An éeboñinam u ondu n'íñje; awasutam yooŋ unoonam, ábuki iŋ'íhin ko kireyi fe beetoofo bu.

Saaŋ 9:31

Úmoomi kaanuku Atambatun ájeŋginaariit ehoofoora i. Bare an eejame u te o, abe n'aŋ'áhin naane ámaŋie i, Atambatun aŋ'ájeŋgino.

Epotor i 17:30

Hítiyar hu, Atambatun aboŋketaboŋket bondu fe, ábuki ésuk i kámeyiit bimbi káhin. Bare hahiye áwufoora ésuk i fe bakate ku tánotan kaanuku kawarawar buwatanooro kinij kooniin keejakut ku.

Epotor i 20:21

Ilawalaw Esuwif i ni keenooto ku Esuwif eeniin kawas kinij kooniin keejakut ku kéejeŋgin Atambatun, abe ni káyilen t'Anahaan ite úne Yesu.

Fílip 4:18

Ijukajuk buroon b'áriboñinam bu fe, abe ahaheehah. Makamu Épafurodit abinambin nu buroon b'áriboñinam bu, hahiyu ibaja doon d'isawulee du fe. Buroon b'ariwunam bu búmoomi naane *kaasarah keehunde, kaasarah k'Atambatun ase, abe nu kutoofo.

Kolos 1:10

Káhinu iyu, buroŋ boonuun n'uŋu butoof Anahaan u, abe n'árihin yooŋ ko kireyi fe beetoofo bu. N'aŋ'árihin yooŋ buroon bánoban fe beejake, abe n'aŋ'arihaŋ kámeyi Atambatun.

Saak 1:5

Bare ake t'aruun afut'áwesinato areeŋ, alaw bo Atambatun, abe Atambatun kawunio bo. Ábuki Atambatun aŋ'awun ésuk i ereyi fe n'ehol yeekuure, abe áwatanaariit an.

Saak 4:3

Abe af'arilaw, áribajaariit ábuki beeemo bu ti kikawuun bijakut: bamb'arilaw, árimaŋamaŋi bo kaanuku ariirooŋan siniuun.

Saak 5:16

Náami arisokoor wuhoofoor woonuun, abe n'aŋ'arilaw bija ti bakanuun man n'árikoyi. Kalawu kite an éejube kibajabaj sembe, abe kúnooni káhinu buroon bómbokun.

1 Saaŋ 2:3

Uf'újeŋgin buluwa bite Atambatun, bukuur úne kaanuku úmoomio.

1 Saaŋ 5:14

Bonde bíkinineŋe fu kikaw úne ni kiyaŋg t'Atambatun: úmoomi kaanuku uf'úlawo dike doon deeriibe ni kámaŋi koone, o kajamatan úne.