1 Saaŋ 3:19 - Kwatay (Kuwaataay)

¹⁹ Uf'úmaŋioori, n'uŋ'úmeyi kaanuku múniyo mu mikino fu úne; iyu, n'uŋ'úrooŋan sihel site s'úne hágila Atambatun.

1 Saaŋ 3:19 ပူးပေါင်းရင်းမြစ်များ

Saaŋ 13:35

Af'árimaŋioori, ésuk i fe n'eŋ'émeyi kaanuku aruun eriboora íima.

Saaŋ 18:37

Náami Pilat eeeno: —Kame fu me awe áyi? Yesu n'aano: —A̱soka bo, íñje áyi. Béekinineŋe bu n'ibukee iibin t'etaam ye bonde: kaanuku iisok ésuk i bifeeneŋ bu. An eeemo an ite bifeeneŋ aŋ'ajamatan bimb'isok.

Eleetar i yi Pool akiñje i bakate ku Rom 4:21

Bukuurokuur áhabanein kaanuku Atambatun áyinooni káhinu b'asoke bu.

Eleetar i yi Pool akiñje i bakate ku Rom 8:38

Ábuki bukuuramkuur kaanuku doon diyinaat kákinineŋ kámaŋi k'Atambatun ámaŋie ku úne nu kuwas. Eket i, nu buroŋ bu, n'emalaka i, ni sirab su, nu buroon beebaje bu hahiye, ni beeware bu bibin kabaju, ni bakate sembe su, nu buroon beeemo bu t'etiir, ni beeemo bu yooŋ t'etaam, nu doon fe déewuwanee, mayet bifeeneŋ tu bondu biyino kákinineŋ kámaŋi k'Atambatun ámaŋie ku úne áŋaasann ko t'Anahaan ite úne Yesu Kiris nu kuwas.

2 Timote 1:12

Bo bíkinineŋe fu sílaam súuma sonde. Bare ifuñeit bondu, ábuki ímoomi t'aañ ti hikawam hiyaŋge fu, abe bukuuramkuur kaanuku abajabaj sembe site kajukar b'ánihanam bu bija tu hunak hite Kajoonan ku.

Esuwif i 10:22

Náami úloh Atambatun nu suhol séejube, kikaw úne yooŋ kiyaŋg piŋ núuyilen, ábuki halan hite *Kiris hukuuranakuuran suhol site s'úne ti biyinoor bánoban beejakut, abe sini site s'úne siñaweeñaw yooŋ nu móhujo meekuure.

Esuwif i 11:13

Bokondu fe kaketaket ti káyilen ku. Kabajut buroon b'Atambatun aane bu o kawuniiin, bare kaŋandanaŋandan bo akambee, abe kikawiin nu kutoof te bo. Ni kasok kaanuku múniyo boko emoosoora t'aduna i, kabajut toko etaam.

1 Saaŋ 1:8

Uf'úene úbajut mayet kaahoofoor, úbuuta kikaw úne, abe múniyo mu munooto t'úne.

1 Saaŋ 2:21

Náami if'íkiñjinuun, iŋi káanukiiit man aruun árimeyiit múniyo mu, bare aŋarkeyi naane árimoomi mo. Abe árimoomi yooŋ kaanuku haajuus hiyinaat kánuutina tu múniyo mu.

1 Saaŋ 3:14

Úne úmoomi kaanuku únuutino t'eket i núuyooso tu buroŋ bu. Úmoomi bo aŋarkeyi naane úmaŋamaŋi bakati úne. An éemaŋiit at'o, an ondu aroŋa t'eket i.

1 Saaŋ 3:20

Hutoof sihel site s'úne ni siwatan úne, sibaa bare burooŋo, ábuki Atambatun ahaŋahaŋ so, abe ámoomi doon areyi fe.

1 Saaŋ 3:21

Náami kújakuwe, aruun k'ímaŋie-maŋie ku, sihel site s'úne ifit siwatan úne, kikaw úne n'iŋi kiyaŋg t'Atambatun.