1 Saaŋ 3:12 - Kwatay (Kuwaataay)

¹² Úwarut káyemi naane Kayin eeyoole u at'o. Akina an ite Setani. Kame iŋi naŋ n'ayoolo fu? Aŋarkeyi naane buroon bamb'áhin bijakut, abe bare bite b'at'o bijakajak.

1 Saaŋ 3:12 ပူးပေါင်းရင်းမြစ်များ

Májiye 13:19

Kiŋki kajam mite *Jáyi jite Atambatun abe kájokaariit naane mije i, kámoomi naane ñijinu ñu ti sinawaay su sineye du. Setani n'aŋ'abin eenuutan doon deenawee du ti siheliin.

Májiye 13:38

hitaaŋaat hu heemo fu aduna i; sinawaay su seemo fu bakate ku ti *Jáyi jite Atambatun; husuwa hu heemo fu bakate ku Setani;

Májiye 23:35

Náami t'aruun t'Atambatun aja fu kaniju iŋi bakan kéejube ku keeyoolee ku fe, huta hu *t'Abel éejube u, bija yooŋ ti Sakari añi ite Barasi, eeyoolee u t'Enuuf ite Atambatun, t'etut *t'Anabe du n'ataabul u tindi kásuf *ejuraay i.

Májiye 27:23

Pilat n'aaniin: —Kame naŋ n'áhine fu neejakut? Bare ni kahaŋ mi kataŋke: —A̱tibo *t'ekuruwa eeket!

Májiye 5:37

A̱ane kep «hee» kane arko hee, «aaa» kane arko aaa. B'a̱yak bu kasoku fe á̱wutiyen, ti Setani tu búnuutina.

Hirim Heetoofe hu hi Luk akiñje hu 11:51

*Abel ayoolee fu átiyar u, Sakari n'áyemi araan u, ayooleeyool t'enuuf ite Atambatun, t'etut *ataabul u tindi kásuf *ejuraay i ni *t'Anabe du. Hee, íñje isok fee n'aruun: ti bakate ku hahiye t'Atambatun aja fu kaniju iŋi bokondu keeyoolee kii fe!

Saaŋ 10:32

Yesu n'aaniin: —Íhinahin tu buhooŋuuun buroon úkaan beejake ti sembe site Faaf u. Ti biin t'arisiiŋee fu h'árimaŋie hee kámiñiam nu bujuju iket?

Saaŋ 8:40

Bare aruun bokondu ti kaŋesu kaanuku ariiyoolam, íñje eesokuun u bifeeneŋ b'ijame bu t'Atambatun. Aburaham ámusut káhinu bike naane bondu!

Saaŋ 8:41

Aruun aŋ'árihin naane faafuun. Ni kaano: —Iribukutee tu búhuhu. Faaf afeeneŋ taŋ i iribaje fu: Atambatun.

Epotor i 7:52

Abajeebaj me ayiŋana ite Atambatun i káhihinoorut? Kayoolayool keesoŋke ku busok bibin bite afeeneŋ u Éejube u. Abe hahiye aruun arifina arijooheno, abe n'ariyoolo.

1 Tesalonik 2:14

Kújakuwe, beebaje bu kéeyilene ku t'Atambatun bakate ku *Súde ki Yesu Kiris akino ku, bo yooŋ bibajuun fu. Sílaam si kajuke su t'Esuwif i, so yooŋ s'arijuke fu ti bakate ku t'ésuk yeenuun.

Esuwif i 11:4

Káyilen kíkinineŋe fu *Abel n'áhin *kaasarah bija t'Atambatun keehaŋe kajaku kite ku Kayin. Káyilen k'Abel abaje ku kíkinineŋe fu Atambatun n'asa kaasarah koone, abe n'ajoko an éejube. Káyilen koone kíkinineŋe fu naane aamo i aketaket fe, b'áhine bu ni bíreeŋin úne.

Esuwif i 12:24

Arilohaloh Kiris eesiiŋee u t'etut Atambatun nu kúŋgowulan ku, ti *kaajamoor kíyeni ku k'ajamoore ku nu boko. Arilohaloh yooŋ halan hoone héeyuusee hu, hihi híhamin hihaŋ hite hu *Abel héekandijene hu hunukan.

1 Piyeer 4:4

Abe hahiyu naane aŋkut i árihin buroon beejakut bu ni kéeyilenut ku, kajahalaa, abe bokondu ti kálafatinuun.

1 Saaŋ 3:8

An eekine ti kaahoofoor, akina an ite Setani, ábuki Setani ahoofoorahoofoor huta hu ti kájabina ku. Bonde bíkinineŋe fu Añi ite Atambatun n'abin: kaanuku éebuj burok bite Setani.

Eleetar i yi Sud akiñje i 1:11

Átaañi tu boko! Ábuki kasasa Kayin ti hiñaawu; káhinahin beejakut naane Balam kaanuku man ni kabaj sírirem; kátowutatowuto yooŋ ábuki kárahanorahan naane Kore.

Kafeeñal ku 17:6

N'ijuk kaanuku anaare ondu áwusanawusan. Áhujahujo halan hite bakan kite Atambatun, bakan keeyoolee ku iŋi naane ii kaseede Yesu. H'ijuko hu, n'ijahale dómbokun.