1 Saaŋ 2:27 - Kwatay (Kuwaataay)

²⁷ Aruun bare, Kiris awunuunwun Búwejet boone. Makamu Búwejet boone bondu t'aruun, arisawuleit an aliikenuun. Ábuki Búwejet bu iŋi biliikenuun doon areyi fe, abe doon dindi biliikenuun dite toko, díteiit haajuus. Iŋ'ite ho aamo fu arijok alitee ti káhinu k'árihine ku t'afeeneŋ ni Kiris naane Búwejet bu biliikenuun i.

1 Saaŋ 2:27 ပူးပေါင်းရင်းမြစ်များ

Májiye 13:11

Yesu n'aaniin: —Aruun k'Atambatun áhine fu áriimeyi béenuusee bite ti Jáyi joone, bare áhinut bo bokondu.

Saaŋ 14:16

Íñje kalawu Faaf u éeboñinuun ake Áyokunana éeyemi n'aruun ko kireyi fe.

Saaŋ 14:17

O aamo fu Búwejet bumbu búwufoor ésuk i múniyo mu. Bakate ku t'etaam ye biteñekoo, ábuki kayinaato kajuku, kayinaato yooŋ kámeyi. Bare aruun árimoomio, ábuki akinakin n'aruun, o yooŋ káyemi n'aruun.

Saaŋ 14:26

Bare Áyokunana u, eeemo u Búwejet Beenabe bu bi Faaf u aja bu káboñina tu huruwu húuma, o kaliikenuun doon areyi fe, abe o kábaŋinanuun b'isokuun bu bireyi fe.

Saaŋ 16:13

Búwejet bite múniyo mu ifi bija bibin, bo káwufooruun múniyo mu mireyi fe. Utu busok doon du bunoŋke beeyinoor, bare bo kasokuuun naŋ ni bijame fu fe, ni beeware bu yooŋ kabaju.

Saaŋ 4:14

Bare an eeyak u búhujo tu móhujo m'ija mu kawunio, búhujo buroŋuto kajoku hikee. Ábuki móhujo m'ija mu kawunio káyemi t'enio naane káabulanu tu móhujo miyak kábulu, abe ni míhino eebaj buroŋ béehabanaariit bu.

Saaŋ 6:45

Tu wuwiit *w'eyiŋana yite Atambatun kakiñje wu, busokeesok toko kaanuku: «Atambatun kaliikeniin kareyi fe.» An fe eejamatane Atambatun, abe n'ajok b'aliikeno bu, o bibin t'íñje.

1 Korent 2:12

Úne bare úmoomi buroon b'Atambatun awune bu úne, ábuki búwejetiit bite t'etaam ye b'úbaje fu, bare Búwejet béenuutina bu t'Atambatun.

1 Korent 2:13

Abe uŋ'úsok bo, káanukiiit man ni báhamin béenuutina tu búwesinato bite húŋgowulan, bare ni báhamin bu Búwejet bite Atambatun biliikene bu úne. Iyu uf'úkam buroon bite Atambatun keebaje ku Búwejet boone.

2 Korent 1:21

Abe Atambatun humuumo áhine fu úne núuyini kajoku alit tip ti káhinu k'úhine ku t'afeeneŋ ni Kiris, uni n'aruun. Akina ákajine fu úne núuyemi eroka yeene.

Efees 4:21

Ábuki bukuuramkuur kaanuku arijamajam huruwu hoone, abe ariliikeneeliiken múniyo meeemo mu ti Yesu, bare kereŋ?

Kolos 2:6

Náami hahiyu, makamu arijoka t'Anahaan u Yesu *Kiris, buroŋ boonuun bíyemi naane bite bakan kéehine ne o t'afeeneŋ.

1 Tesalonik 2:13

Iŋ'iriene Atambatun ko kireyi fe eyeehen ti bike yooŋ: h'irisokuun hu hirim hite Atambatun, arijamatanajamatan, abe n'áriyilen ho náaneiit hirim hite húŋgowulan, bare naane hirim hite Atambatun; múniyo hite h'Atambatun, abe uŋu hurok t'aruun kéeyilene ku.

1 Tesalonik 4:9

Kújakuwe, ti kámaŋioori keeware ku kabaju t'etut bakan *kéeyilene, arisawuleit ariikiñjee tu bondu, ábuki Atambatun humuumo áwufooruunwufoor naane ariware i kámaŋioori.

1 Timote 2:7

Bondu bíkinineŋe fu Atambatun n'áhinam íiyemi *apotor. Aanamyen iwaare abe n'iliiken keenooto ku Esuwif bite káyilen ku, ni bite múniyo mu. Íñjeiit ijuuse, bifeeneŋ taŋ b'if'isok.

1 Piyeer 1:23

Aribukeebuk ti kátiyar; káanukiiit kúŋgowulan kite kaketu kubukuun, bare Atambatun éeketaariit u abukuun fu. Áhinahin bondu ni hirim hoone heeroŋe hu, abe híhabanaariit yooŋ.

1 Saaŋ 2:28

Hee kúñuumo, arijok alitee ti káhinu k'árihine ku t'afeeneŋ ni Kiris, man hunak h'abin hu ifi hireeŋ, kikaw úne ni kiyaŋg piŋ; utum'úbin úfuño hágilao hunak hondu.

1 Saaŋ 3:24

An éejeŋgine suluwa site Atambatun, an ondu áhina t'afeeneŋ n'Atambatun, Atambatun yooŋ áhina ne o t'afeeneŋ. Abe úmoomi kaanuku Atambatun áhinahin n'úne t'afeeneŋ, ábuki awunawun úne Búwejet boone.

2 Saaŋ 1:2

Írimaŋiuunmaŋi ábuki múniyo mu mondu t'úne, abe mo káyemi t'úne hiraanu.