1 Saaŋ 2:16 - Kwatay (Kuwaataay)

¹⁶ Ábuki buroon bite t'etaam i búmoomi naane bonde: wúfaŋi weejakut wu wute kúŋgowulan ku, bimero bite doon fe deejukee, ni biyitooro bu iŋi ebaj i. Bondu fe t'Átambatuniit t'ufu búnuutin, bare t'etaam i.

1 Saaŋ 2:16 ပူးပေါင်းရင်းမြစ်များ

Májiye 4:8

Setani n'asooñ aja ne o ti hike hirij heeliite-liit. N'áwufooro aduna i ereyi fe, n'ebaj i yeeemo i te yo

Májiye 5:28

Íñje bare eenuun: an af'aŋolool anaare, áhina kaahoofoor, ábuki aheeka eeŋot ne o tu búwejeto.

Hirim Heetoofe hu hi Luk akiñje hu 4:5

Setani n'aja ne o tike tiŋ t'arije; n'áwufooro ahil-hil aduna i ereyi fe

Eleetar i yi Pool akiñje i bakate ku Rom 13:14

Arisolo Anahaan u Yesu Kiris, abe atum'aŋk'ariwas wúfaŋi woonuun weejakut wu weetiŋguun ti meejakut mu.

1 Korent 10:6

Bondu beebaje bii sifaaf úne búwufoorawufoor úne kaanuku úwarut kanaŋu ti kikaw úne wúfaŋi weejakut wu naane boko yooŋ yéeni.

Galasi 5:17

Ábuki wúfaŋi wute húŋgowulan wuwayawayo nu wute Búwejet Beenabe bu, abe wúfaŋi wute Búwejet Beenabe bu wuwayawayo nu wute húŋgowulan. Wútumbut wuŋaaŋ kajamoor, iŋ'ite ho h'áriyiniaariit fu káhinu b'árimaŋie bu.

Galasi 5:24

Bakan ki Yesu *Kiris akino ku kayoolayool *t'ekuruwa i wúfaŋi wooniin weejakut wu.

Efees 2:3

Hítiyar hu, úne fe kaafeeneŋ ku nu boko, ábuki wúfaŋi wute w'úne taŋ w'uf'úŋes, katoofu kite k'úne yooŋ k'uf'úyinoor. Makamu iye u úyemiaanie fu, Atambatun yooŋ ayiŋatayiŋat t'úne naane ayiŋate i ti bakaaku.

Eleetar i yi Pool akiñje i Tit 2:12

Kajaku koone kiliikenaliiken úne kawasu buroŋ beejakut, nu wúfaŋi wute t'etaam ye, kaanuku man n'úyinoor ajakee hahiye, n'úbaj yooŋ buroŋ beejoŋoore, abe nu bújub t'Atambatun.

Eleetar i yi Pool akiñje i Tit 3:3

Ábuki hítiyar hu, úne yooŋ úbajut kikaw, újeŋginaariit an, abe úmoomi naane bakan keehiile. Úne yéeni búsukateen bite wúfaŋi weejakut wánowan, ni katoofu kánokan. Úkinaanakinaani ti bánafut ni bíhiñanoor. Uŋ'úhuuf bakaaku, ni kahuuf úne yooŋ.

Saak 3:15

Búwesinato naane bondu búnuutinoot t'etiir, bo bite t'etaam ye, bite húŋgowulan, ti Setani tu búnuutina.

Saak 4:16

Bare aruun n'aŋ'arifin ariyitooro ti jísamban joonuun. Biyitooro naane bondu bijakut.

1 Piyeer 1:14

Árijeŋgin Atambatun, abe atum'aribatikan siheluun tu wúfaŋi woonuun wute wu ti hítiyar hu t'árimeyioorut múniyo mu.

1 Piyeer 2:11

Kújakuwe, aruun k'ímaŋie-maŋie ku, aruun keeemo ku emoosoora t'etaam ye abe yooŋ at'arifiyo, waasuun, ariwas wúfaŋi weejakut wu, ábuki uŋu wutiik n'aruun.

2 Piyeer 2:10

O kahaŋu kaniju ti kiŋki kanaban wúfaŋi weejakut wute siniiin, abe n'iŋi kahuuf hiseefaate hu. Bokondu kiŋki kaliiken ésuk i bite haajuus hu kákoleyiit Atambatun, abe yooŋ iŋi kayitooro. Kájeŋginaariit bakate ku t'etiir kéenike ku, bare iŋi kátumb kálafatiniin.

2 Piyeer 2:18

Iŋi káhamin báhamin beeñunut bite jímak taŋ, abe n'iŋi kafurukato yooŋ kaanuku man ni kabuut bakan keeemo ku ti kánuutinaiin ti bakaaku keeroŋe ku t'ébaani.