1 Saaŋ 2:12 - Kwatay (Kuwaataay)

¹² Kúñuumo, iikiñjuun bonde: wuhoofoor woonuun wuboŋketeeboŋket, Kiris éekinineŋ.

1 Saaŋ 2:12 ပူးပေါင်းရင်းမြစ်များ

Hirim Heetoofe hu hi Luk akiñje hu 24:47

Abe eriboora yeene kawarawar kawaare tánotan fe t'etaam ye tu huruwu hoone, kéejabin Serusalem. Kawarawar kasoku ésuk i keewatanooro kinij kooniin keejakut ku man wuhoofoor wooniin nu wuboŋketee.

Hirim Heetoofe hu hi Luk akiñje hu 5:20

Hi Yesu ajuke hu káyilen kooniin, n'aane ániine eeyinaat u bija: —Óom, wuhoofoor wúuwe wuboŋketee.

Epotor i 10:43

*Eyiŋana yite Atambatun fe kasokasok uŋu hoone hu; kaanaan an fe éeyilene ti Yesu, ti sembe site huruwu hondu t'Atambatun aja fu kaboŋketo wuhoofoor wu.

Epotor i 13:38

Kújakuwe, árimeyi bonde: Yesu ákinineŋe fu n'arisokee úmiye kaboŋket kite wuhoofoor wu.

Epotor i 4:12

Akina unoono taŋ áyiniuun fu kafakan, ábuki t'etaam ye fe Atambatun awunut úne, úne kúŋgowulan ku huruwu hite ake huway heeyino kafakan úne.

1 Korent 6:11

Iye i bakaake t'aruun káyemie fu hítiyar hu. Bare wuhoofoor woonuun wuñaweeñaw akuur but, árikajineekajin bija t'Atambatun, arijokeejok bakan kéejube hágila Atambatun tu huruwu hite Anahaan u Yesu *Kiris, nu Búwejet bite Atambatun ite úne.

Efees 1:7

Ti halan hite Kiris t'Atambatun arame fu úne ti meejakut mu, abe n'aboŋket úne yooŋ wuhoofoor wute w'úne. Iyu a áwufoore fu úne kajaku koone keehahe-hahe ku, n'áhin úne yooŋ núuwesinato, abe n'úniyo.

Efees 4:32

Áriyemi bakan keejake, abe n'árineeni. Ariboŋketoor naane Atambatun aboŋketuun i ti Kiris.

Kolos 1:14

Añi oone ondu ákinineŋe fu n'úfakanee: aamo fu wuhoofoor wute w'úne wuboŋketee.

1 Saaŋ 1:4

Uni bokondu ti kákiñjinuun bonde kaanuku man katoofu kite k'uni ni kireeŋ.

1 Saaŋ 1:7

Bare uf'úkin ti meejaaŋe mu, naane Atambatun humuumo aamo i ti meejaaŋe mu, n'aŋ'áami úne *kéeyilene ku úhinahin t'afeeneŋ, abe halan hite Añio Yesu n'uŋu *hukuuran úne ti kaahoofoor kánokan.

1 Saaŋ 1:9

Bare uf'úsok Atambatun wuhoofoor wute w'úne, makamu ájubajub, abe doon fe d'asoke aŋ'áhin do, o kaboŋket úne wuhoofoor wu, abe n'aŋ'akuuran úne ti meejakut mánoman.

1 Saaŋ 2:1

Kúñuumo, íñj'endu ti kákiñjinuun bonde kaanuku atum'aŋ'arihoofoor. Bare ake af'áhin kaahoofoor, úbajabaj an aa areeŋo úne t'Atambatun: o aamo fu Yesu *Kiris éejube u.

1 Saaŋ 2:21

Náami if'íkiñjinuun, iŋi káanukiiit man aruun árimeyiit múniyo mu, bare aŋarkeyi naane árimoomi mo. Abe árimoomi yooŋ kaanuku haajuus hiyinaat kánuutina tu múniyo mu.

1 Saaŋ 2:7

Kújakuwe, aruun k'ímaŋie-maŋie ku, eluwa éyeniiit y'ikiñjuun fee. Eluwa yeefiyee, y'arisaanee huta hu ti kájabina ku. Eluwa yendu yeefiyee i yeemo fu hirim h'arijame hu.