1 Saaŋ 2:1 - Kwatay (Kuwaataay)

¹ Kúñuumo, íñj'endu ti kákiñjinuun bonde kaanuku atum'aŋ'arihoofoor. Bare ake af'áhin kaahoofoor, úbajabaj an aa areeŋo úne t'Atambatun: o aamo fu Yesu *Kiris éejube u.

1 Saaŋ 2:1 ပူးပေါင်းရင်းမြစ်များ

Hirim Heetoofe hu hi Luk akiñje hu 10:22

Abe n'aane kéeyemie ku toko: —Faafam anaŋanaŋ buroon bu fe tu sumoŋiam. An ámeyiit íñj'eemo fu aañ, íñje eeemo u Añi u, bare Faaf u ámoomi. An yooŋ ámeyiit Faaf u aamo fu aañ, bare ímoomi, íñje Añi u; abe k'ijifane ku yooŋ kaanuku íiwufooriino kámoomi.

Saaŋ 10:15

naane Faaf u ámeyiam i, íñje yooŋ n'ímeyio. Abe íñje kásiku síhiiniam isaan bija ti síkarniina súuma.

Saaŋ 13:33

Kúñuumo, kawasoor kite k'úne iŋkut kikamb. Aruun kaŋesiam, bare iisokuun hahiye naane isoke i Esuwif i: at'áriyini bija t'ija du.

Saaŋ 14:16

Íñje kalawu Faaf u éeboñinuun ake Áyokunana éeyemi n'aruun ko kireyi fe.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Saaŋ 21:5

Náami Yesu eeeniin: —Kújakuwe, arijokajok bisaan? Ni kaano: —Aaa.

Saaŋ 5:14

Afiyo dikee, Yesu n'abin ajuko *t'Enuuf ite Atambatun abe n'aano: —Hahiye á̱koyia. Afut'á̱maŋi bike beehaŋe kátaañi bibaji, atum'aŋk'a̱hoofoor.

Saaŋ 5:36

Abe abajeebaj bike beeseedaam beehaŋe bite bu Saaŋ: bo beemo fu burok bi Faaf u asaanam bu kaanuku íihin. Iŋ'íhin bo, abe búwufoorawufoor akuur but kaanuku Faaf u áboñinam fu.

Saaŋ 6:27

Atum'arirok buroon bite kákuumanuun bite búbujo kuwaatu. Arirok buroon bite kákuumanuun beeemo utu búbujo hikee, abe yooŋ nu buwun buroŋ béehabanaariit bu. Buroon bondu, *Añi ute Húŋgowulan hu aja fu kawunuuun bo, ábuki te o t'Atambatun Faaf u áhine fu éluwenuma yeene yéewufoore i kaanuku ariboorariboor ne o.

Saaŋ 8:11

Anaare u n'aano: —Aaa, Ámuse u. Yesu n'aano: —Íñje yooŋ it'ijoonani. A̱ja, abe atum'aŋk'a̱hoofoor.

Epotor i 7:52

Abajeebaj me ayiŋana ite Atambatun i káhihinoorut? Kayoolayool keesoŋke ku busok bibin bite afeeneŋ u Éejube u. Abe hahiye aruun arifina arijooheno, abe n'ariyoolo.

Eleetar i yi Pool akiñje i bakate ku Rom 5:10

Úne yéeni enatoora Atambatun; bare áhina núubukan ne o t'eket ite Añi oone. Abe makamu hahiyu Añi oone ondu tu buroŋ, abe úbukana, buŋ b'atuf'afakan úne ariike?

Eleetar i yi Pool akiñje i bakate ku Rom 6:15

*Eluwa yite Moyis eŋkut ékini úne, bare kajaku k'Atambatun kaŋk'áwufoor úne kíkinie fu úne. Náami naŋ? Bondu buwarawar fíya kákinineŋ n'uŋ'úhoofoor? Mánoman aaa!

Eleetar i yi Pool akiñje i bakate ku Rom 8:34

Aañ aja fu kayoosan úne ti kaayeen? Yesu *Kiris fíya? Aaa, ábuki akina humuumo aketaket abe n'aritanee yooŋ t'eket i; ondu inde *baatos Atambatun, abe aŋ'áwasiyano bija t'úne.

1 Korent 15:34

Áribatikann siheluun, abe n'ariwas wuhoofoor wu. Bakaake t'aruun kátumbut kámeyi Atambatun. Iisok bo, man at'arifuño?

2 Korent 5:21

Kiris ámusut káhinu kaahoofoor, bare Atambatun asejanosejan wuhoofoor wute w'úne. Áhinahin bondu kaanuku man úne kéehine ku t'afeeneŋ ni Kiris n'úyini káyemi bakan kéejube t'Atambatun.

Galasi 4:19

Kúñuumo, t'eemo dee íñj'endu iŋki ti káseñji kómbokun uŋu hoonuun hu, naane anaare eeemo ti bíyihino. Káseñji kondu kibaa t'íñje ayak abin áami yooŋ arinokoora wees ni Kiris.

Efees 2:18

Ti Kiris t'úyino fu kaŋaasu úreyi fe, Esuwif i ni keenooto ku Esuwif, núusiiŋo hágila Faaf u ti sembe site Búwejet bifeeneŋ Beenabe bu.

Efees 4:26

Af'ariyiŋat, arinaŋ toko kikawuun, atum'aribin ariney ti kaahoofoor. Atum'aŋ'ariŋotan kayiŋat koonuun.

1 Timote 2:5

Ábuki Atambatun afeeneŋ taŋ abaje fu, abe afeeneŋ taŋ asiiŋee fu t'etuto nu kúŋgowulan ku éehiniin keebukan: o aamo fu Yesu *Kiris húŋgowulan hu.

1 Timote 3:14

Iyakarayakar bibin kajukii memee. Bare íñj'endu ti kákiñjini bonde kaanuku

Esuwif i 9:24

Ábuki *Kiris ayooseit tiŋ *t'Anabe-nab tu kúŋgowulan ku kanoŋke keerok, t'aamo búnokoorum barebare bite beeemo bu bite nu múniyo. Humuum tu bufor bu t'ayoosee fu, abe hahiye ondu bo hágila Atambatun bija t'úne.

Saak 1:27

T'Atambatun Faaf úne, bítim bite bu nu múniyo abe nu bukuur, iye i bije fu: biñi bu éfiiten i, ni haare hu ki bákayiniin kakete ku, úyokunaniin kane káyemi ti sílaam, abe utum'úwas buroon beekuurut bu bite bu t'etaam ye béetifen úne.

Saak 3:9

Ne ko n'uf'úsokoroor Atemit Faaf úne, ne ko yooŋ n'uf'úwuum bakan úne kúŋgowulan k'Atambatun áwuwane ku kanokoor ne o.

1 Piyeer 2:22

Ámusut káhinu kaahoofoor, abe haajuus yooŋ húmusutee kajamu tu butumo.

1 Piyeer 3:18

Múniyo Kiris humuumo aketaket hifeeneŋ, abe hiraanu, bija tu wuhoofoor wute kúŋgowulan ku. Akina eeemo u an eejake n'aket bija t'énafuta, kaanuku éehinuun ariibukan n'Atambatun. Enio yi kayoole fu, bare n'ábatikannee buroŋ tu Búwejet Beenabe bu.

1 Saaŋ 3:18

Kúñuumo, úwarut kámaŋioori ni kirim keetoofe barebare; úwarawar kámaŋioori nu múniyo tu buroon bumb'úhin.

1 Saaŋ 3:5

Árimoomi bare kaanuku Yesu Kiris abinabin iŋi kanuutan wuhoofoor wute w'úne. Akina abajut mayet kaahoofoor.

1 Saaŋ 3:7

Kúñuumo, atum'ariwas an fe eebuutuun! An aŋ'áhin béejube, ájubajub naane Yesu Kiris ájube i.

1 Saaŋ 4:4

Kúñuumo, aruun bare bakan bakate Atambatun, abe arikalakalo kiŋki kajuus kaane boko kaamo eyiŋana yite Atambatun. Ábuki Búwejet beeemo bu t'aruun bihaŋahaŋ sembe beeemo bu ti bakate ku t'etaam ye.

1 Saaŋ 5:17

Hinij heejakut fe kaahoofoor, bare abajeebaj wuhoofoor weejarut eket.

1 Saaŋ 5:21

Kúñuumo, aritey ñájiim ñu!

3 Saaŋ 1:4

Bimbi bihaŋ káhinu hikawam heetoof fe beemo fu kane ijam kaanuku bakañiam kakinakin tu múniyo mu.