1 Saaŋ 1:7 - Kwatay (Kuwaataay)

⁷ Bare uf'úkin ti meejaaŋe mu, naane Atambatun humuumo aamo i ti meejaaŋe mu, n'aŋ'áami úne *kéeyilene ku úhinahin t'afeeneŋ, abe halan hite Añio Yesu n'uŋu *hukuuran úne ti kaahoofoor kánokan.

1 Saaŋ 1:7 ပူးပေါင်းရင်းမြစ်များ

Májiye 6:12

A̱boŋket uni wuhoofoor w'írihine wu, naane ii iriboŋket yooŋ kiŋki kahoofoor uni.

Saaŋ 1:29

Tifiit, Saaŋ n'ajuk Yesu ti bibin ásooñann nu boone. N'aane: —O onde, Ametek ite Atambatun aa anuutan wuhoofoor wute ésuk i.

Saaŋ 12:35

Yesu n'aaniin: —Meejaaŋe mu muroŋa diye n'aruun, bare iti mifiyo. Hi meemo hu n'aruun n'ariware fu kañaahu, ébaani i etum'ebin éfufuun. Ábuki an eeje t'ébaani, ámeyiit t'aja du.

Eleetar i yi Pool akiñje i bakate ku Rom 13:12

Huhuk hu hibaaŋaa, memee n'iŋi tifiit. Náami úfiiten kinij ku kiŋki kíhinee t'ébaani i, núusik bujuŋko b'úja bu ne bo hitiik hu ti meejaaŋe mu.

1 Korent 6:11

Iye i bakaake t'aruun káyemie fu hítiyar hu. Bare wuhoofoor woonuun wuñaweeñaw akuur but, árikajineekajin bija t'Atambatun, arijokeejok bakan kéejube hágila Atambatun tu huruwu hite Anahaan u Yesu *Kiris, nu Búwejet bite Atambatun ite úne.

Efees 1:7

Ti halan hite Kiris t'Atambatun arame fu úne ti meejakut mu, abe n'aboŋket úne yooŋ wuhoofoor wute w'úne. Iyu a áwufoore fu úne kajaku koone keehahe-hahe ku, n'áhin úne yooŋ núuwesinato, abe n'úniyo.

Efees 5:8

Hítiyar hu aruun ébaani; bare hahiye, naane árihine i t'afeeneŋ n'Anahaan u, aruun meejaaŋe. Náami arinoŋk naane bakan bakate meejaaŋe,

1 Timote 6:16

O taŋ áketaariit fu. Akinakin ti meejaaŋe m'an ayinaat kalohu. An ámusuto kajuku, abe an yooŋ ayinaato kajuku. Aja ákini hiraanu kániku ku, ni sembe su! Amiin.

Eleetar i yi Pool akiñje i Tit 2:14

Awunawun buroŋ boone iŋ'ite h'úne, kaanuku eefakan úne ti meejakut fe, abe n'akuuran úne. Iyu, n'uŋ'útumb úyemi bakan koone kéeñiŋkaane ti káhinu buroon beejake taŋ.

Esuwif i 9:14

Arko bondu bite toko, halan hite Kiris hihaŋe kame sembe! Ábuki ásikasik enio eesarah yo Atambatun kaasarah keekuure but, ti sembe site Búwejet Beenabe bu béeketaariit bu. Halan hoone kakuuran sihel site s'úne ti kinij keebajut ku éñjeriŋ kiŋki kibin n'eket i, kaanuku man n'úyini karoku bija t'Atambatun eeemo u buroŋ.

Saak 1:17

kawunu fe keetoofe ni keejake, t'etiir tu buroon bondu búnuutina fu. T'Atambatun áwuwana ite meejaaŋe meeemo mu t'etiir t'ufu búnuutin béewanein. Atambatun áwayaariit, áwetekaariit yooŋ éehin ébaani.

1 Piyeer 1:19

Aaa, arifakaneefakan ti *kaasarah kómbokun kite ku Kiris, éeyemie u naane ametek éewere kák, abe doon durkuto.

1 Saaŋ 1:3

B'irijame bu abe n'irijuk, iriisokuun bo yooŋ kaanuku man n'árihin n'uni t'afeeneŋ, naane írihine i t'afeeneŋ n'Atambatun Faaf u, n'Añio Yesu *Kiris.

1 Saaŋ 1:5

Hirim h'irijame hu ti Yesu *Kiris, uni kasokuuun ho; ho heemo fu honde: Atambatun akina meejaaŋe, abe ébaani étumbut éyemi te o.

1 Saaŋ 5:6

Yesu *Kiris aamo fu an éeŋaasina u t'etaam i: n'ayooso tu móhujo ti kaboste koone, n'áyuus yooŋ halan hoone ti kaketu ku. Tu móhujoiit barebare t'áŋaasina fu, bare áŋaasinoŋaasin tu móhujo, ni ti halan yooŋ. Abe Búwejet Beenabe bu iŋi biseede kaanuku bondu bite nu múniyo, ábuki Búwejet bu beemo fu múniyo mu.

1 Saaŋ 5:8

Búwejet Beenabe bu, móhujo mu, ni halan hu, abe t'éhaajiiin fe kajokajok ti bifeeneŋ.

2 Saaŋ 1:4

Hikawam hutoofatoof dómbokun h'ijuke hu kaanuku bakaake ti bakañii kakinakin tu múniyo mu naane t'eluwa yi Faaf u asaane i úne esoke du.

3 Saaŋ 1:4

Bimbi bihaŋ káhinu hikawam heetoof fe beemo fu kane ijam kaanuku bakañiam kakinakin tu múniyo mu.

Kafeeñal ku 1:5

Yesu *Kiris yooŋ, aseede éejube u aja ásoniyanuun, abe n'awunuun káasuumaay, akina eeemo u átiyar u dók ti karitanee t'eket i, akina eeemo u áyi ite bákayi ku t'etaam i. Kiris ámaŋamaŋi úne, abe n'aram úne tu wuhoofoor wu ni halan hoone héeyuusee hu.

Kafeeñal ku 12:11

Bakan úne kakalokalo iŋ'ite halan hite Ametek u, nu múniyo mi kaseedee mu. Kajukerut uŋu buroŋ booniin ni kaane kéekoleyi eket i.

Kafeeñal ku 7:14

N'ísafino eeno: —Ámuse u, bondu awe á̱meyie fu bo. Náami eeenam: —Boko kaamo fu kéenuutina ku ti sílaam sómbombokun su. Kañawañaw wañ wooniin, abe ni kafañjan wo ti halan hite Ametek u.