1 Saaŋ 1:3 - Kwatay (Kuwaataay)

³ B'irijame bu abe n'irijuk, iriisokuun bo yooŋ kaanuku man n'árihin n'uni t'afeeneŋ, naane írihine i t'afeeneŋ n'Atambatun Faaf u, n'Añio Yesu *Kiris.

1 Saaŋ 1:3 ပူးပေါင်းရင်းမြစ်များ

Saaŋ 17:11

Aroŋee diŋgilis, it'iŋk'íyemi t'etaam i: iibin t'awe; boko bare karoŋa te yo. Faafa, awe eenabe u, a̱jukariin ti sembe site huruwu húuwe, huruwu h'a̱wunam hu, man ni káyemi afeeneŋ naane waaamo i afeeneŋ, íñje n'awe.

Saaŋ 17:21

Faafa, íñj'endu ti kalawu kaanuku man kareyi fe ni káyemi afeeneŋ, naane a̱amo i t'íñje, n'íyemi yooŋ t'awe; kéeyemi tu wane afeeneŋ, man bakate ku t'etaam i ni káyilen kaanuku awe á̱boñinam fu.

Saaŋ 17:25

Faafa, awe éejube u, bakate t'etaam i kámeyiiti, bare íñje ímoomii, abe eriboora íima bokonde kámoomi kaanuku awe á̱boñinam.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

Saaŋ 19:35

An eenabane u bonde ajukajuk bo ni ñíkino féet, abe b'anabane bu bite nu múniyo. Ámoomi kaanuku b'asoke bu bite nu múniyo, abe asokasok bo kaanuku man aruun yooŋ n'áriyilen.

Epotor i 13:32

Uni yooŋ iribinuunbin ni Hirim honde Heetoofe hu: b'Atambatun abine bu asok sifaaf úne aane bo kabaju,

Epotor i 13:41

“Arijuk, aruun kaŋk'arijeeŋan b'Atambatun asoke bu, arijahale abe n'ariket! Ábuki kóyinuun, íñje káhinu bike, abe at'áriyilen bo, hutoof yooŋ an asokuunsok bo.”

Epotor i 2:42

Iŋi kajok alit tip ti b'epotor i bimbi kaliikeniin, ni kariiko t'afeeneŋ biriiko beejake, ni kafiitar kumburu ku t'afeeneŋ, abe n'iŋi kalaw yooŋ t'afeeneŋ.

Epotor i 20:27

Ábuki isokuunsok b'Atambatun aŋese bu fe, ínuusutuun doon.

Epotor i 4:20

Ábuki iriyinaat kakoowan b'irijuke bu ni b'irijame bu.

Eleetar i yi Pool akiñje i bakate ku Rom 15:27

Boko kanoŋke fu keeteg, bare kafiyafiya káyekiiin kaamaag. Ábuki naane aamo i Esuwif i kéeyilene ku ti *Kiris káyokunaniinyokunan keebaj káyilen, boko yooŋ keenooto ku Esuwif kawariinwar káyokunan n'ebaj yeeniin.

1 Korent 1:30

Atambatun áhinuunhin t'afeeneŋ ni Yesu Kiris, abe akina Kiris ákinineŋe fu n'úmeyi búwesinato béenuutina bu t'Atambatun. Akina ákinineŋe fu yooŋ Atambatun n'ajok úne bakan kéejube, n'ajifan úne núuyemi bakan koone, abe n'áhin úne núufak tu wuhoofoor wu,

1 Korent 1:9

Atambatun áwasaariit báhamin b'asoke, akina eeruwuun u kaanuku áriihin t'afeeneŋ n'Añio Yesu Kiris Anahaan ite úne.

1 Korent 15:1

Kújakuwe, íñj'endu ti kábaŋinanuun Hirim Heetoofe h'ibine hu isokuun, n'áriyilen ho, abe n'arijok ho yooŋ alit tip.

Efees 3:6

Béenuusee bondu iye i bije fu: makamu keenooto ku Esuwif káyilenayilen ti Hirim Heetoofe hu, boko yooŋ kabaju húrub t'ebaj y'Atambatun anaŋe i bija t'Esuwif i. Káhinahin t'afeeneŋ n'Esuwif i, abe boko yooŋ kamaatu ti b'Atambatun aane bu o káhinu bija ti bakan koone tu huruwu hite Yesu Kiris.

Fílip 1:7

Ajakeejak naane ibaje ee biyinoor bonde beejake bee bija t'aruun arireyi fe, ábuki ímaŋiuunmaŋi t'eholam. Múniyo áriyokunanamyokunan tu burok bonde b'Atambatun asaanam bu ti kajaku koone. Árihinahin bo h'eemo hee t'ekulu i. T'ikuloorutee yooŋ, hih'ísafin kiŋki kásokum Hirim Heetoofe hu, hih'iwaare ésuk i eeeniin hite nu múniyo, áriyokunanamyokunan yooŋ.

Fílip 2:1

Naane árihine i t'afeeneŋ ni *Kiris, híkinineŋut fíya kikawuun ni kiyaŋg? Naane ámaŋiuun i, híkinineŋut fíya kikawuun iŋkut kiteyoor? Arijamoorajamoor nu Búwejet Beenabe bu? Árineenaneeni me, abe aŋ'ariyubiyenoor yooŋ?

Fílip 3:10

Doon d'ihaŋe du kámaŋi fe deemo fu kámeyi Kiris, ni sembe seeritano su t'eket i. Ímaŋamaŋi yooŋ kajuku sílaam naane akina, abe n'iket yooŋ naane akina.

Kolos 1:13

Aramaram úne ti sembe site ébaani i, abe n'aja n'úne ti Jáyi jite Añi oone a ámaŋie u.

1 Tesalonik 1:10

Aruun bokondu ti kanahan Añio eeyak u kánuutina t'etiir eebin. Añio ondu aamo fu Yesu a aritane u t'eket i. Akina afakane fu úne tu kúnuur keebin ku tu hunak hoone hite Kajoonan ku.

1 Timote 6:2

Búsukateen bu keeemo ku kéekiniiin ku káyilenayilen ti Kiris, kawarutiin kaheebu, ábuki boko bakatiiin ti bítim bu. Bare kawarawar karoku bija tu boko ahaŋee, ábuki kiŋki káñjeriŋ ii n'ésuwa yeeniin, bokondu bakan kéeyilene, abe kámaŋieemaŋi. Bonde b'a̱waare fu kaliiken ésuk i, abe n'á̱haminiin bo ayanee.

Esuwif i 2:12

Múniyo aanaan: «Atambatun, íñje kasoku bakan kúuwe fe awe a̱amo fu aañ, íñje kasokoroori tu buhooŋiiin.»

Esuwif i 3:1

Kújakuwe, iŋ'ite ho aamo fu aruun keenabe ku, aruun k'Atambatun aruwe ku, arijondoman ti Yesu. Akina a Atambatun aboñe fu éeyemi *asaraha ómbokun u. Íriyilenayilen bondu, abe bo b'if'iriwaare.

Esuwif i 3:14

Uf'újok alit tip t'eyakar y'úbaje i huta h'újabe hu káyilen ku bija yooŋ tu hunak hiraanu hu, n'uŋ'úbaj húrub ti *Kiris.

1 Piyeer 5:1

Hahiye *sifaaf soonuun k'ijonde fu. Íñje humuumam faaf naane aruun; ijukajuk ni ñíkinam *Kiris o ti sílaam su, abe íñje kabaju yooŋ húrub ti kániku keeja ku káwufooree memee. Bonde b'ilaw fu n'aruun:

2 Piyeer 1:16

H'iribine hu irisokuun kaanuku Anahaan ite úne Yesu Kiris bíbatikeina ni sembe, kúsuwanooriiit kéetuutee k'irisokuun. Bare irijukajuk kahahu koone ni ñíkin uni féet.

1 Saaŋ 1:1

Uni írikiñjinuun fee iŋ'ite Hirim hu huhu huwun buroŋ bu. Híyemayemi huta hu t'Atambatun áwuwanoorut doon areyi fe. Irijamajam ho, irijukajuk ho yooŋ féet, íriheelinaheelin te ho, abe irigoragor ho.

1 Saaŋ 1:5

Hirim h'irijame hu ti Yesu *Kiris, uni kasokuuun ho; ho heemo fu honde: Atambatun akina meejaaŋe, abe ébaani étumbut éyemi te o.

1 Saaŋ 1:7

Bare uf'úkin ti meejaaŋe mu, naane Atambatun humuumo aamo i ti meejaaŋe mu, n'aŋ'áami úne *kéeyilene ku úhinahin t'afeeneŋ, abe halan hite Añio Yesu n'uŋu *hukuuran úne ti kaahoofoor kánokan.