1 Piyeer 5:9 - Kwatay (Kuwaataay)

⁹ Arijok alitee ti káyilen ku, abe n'aŋ'aritandarisan te o, ábuki árimoomi kaanuku bakatuuun kéeyilene ku keeemo ku t'etaam i fe, sílaam sondu yooŋ s'ifi kajuk.

1 Piyeer 5:9 ပူးပေါင်းရင်းမြစ်များ

Hirim Heetoofe hu hi Luk akiñje hu 22:32

Bare ilawalaw bija t'awe kaanuku atum'a̱raan káyilen ku t'íñje. Abe af'a̱bin á̱batikein t'íñje, a̱yaŋganan bakatii kikaw keehaŋ kayanu ti káyilen ku.

Saaŋ 16:33

Isokuunsok bonde kaanuku ariibaj t'íñje káasuumaay. Aruun kajuku sílaam t'etaam i. Bare arijok alitee! Iheekaheek etaam i!

Epotor i 14:22

N'iŋi kahaŋ yooŋ káwutiyen *kéeyilene ku sihel ti kikinu kondu, abe n'iŋi kaaniin káñiŋkaan keejok alit tip ti bítim bu. Iŋi kaaniin: —Úwarawar kajuku sílaam sómbokun kaanuku núuyooso ti *Jáyi jite Atambatun.

1 Korent 10:13

Buroon bimbi biñakuun ariiney tu wuhoofoor buwayeit ni bimbi biñak yooŋ bakaaku tu wuhoofoor wu. Atambatun áwasaariit báhamin b'asoke, abe at'awas hikee bike beehaŋuun sembe beebajuun. Af'áriyemi ti kañakiee ti kaahoofoor kep, Atambatun kawunuuun sembe site kajoku alitee, aamo fu efehe yite kafaku ku.

Efees 4:27

Atum'ariwun Setani bítim t'aruun.

Efees 6:16

Ko kireyi fe, arijok káyilen ku naane aa arijok ebaŋgal; n'eŋ'éyokunanuun ariihok kúsoori kéetife ku kite Batuuk bu.

Kolos 2:5

Hutoof yooŋ ikambuunkamb, ehelam bare yendu t'aruun, abe hikawam hutoofatoof dómbokun, ábuki ijukajuk naane arijoŋoore i, abe n'arijok alitee ti káyilen koonuun ti Kiris.

1 Tesalonik 3:3

Káhinu iyu, an t'aruun man awas bítim bu iŋ'ite sílaam site su hahiye. Árimoomi aruun kumuumuun kaanuku sílaam naane sondu, so káreeŋina úne.

1 Timote 6:12

Á̱tuum étuum yeejake i yey'ebin ni káyilen ku. A̱jok buroŋ béehabanaariit bu, ábuki Atambatun aruwiruw kaanuku a̱abaj bo. Abe a̱binabina á̱hamin atoof aa ti káyilen kúuwe tu buhooŋu bakan keehooje.

2 Timote 3:12

Kéemaŋie ku fe káhinu t'afeeneŋ ni Yesu *Kiris, abe ni kajok bítim bite Atambatun, boko káhihinooree.

2 Timote 4:7

Ítuumatuum étuum yeejake i, iteyatey yooŋ bija t'iware du karaan, abe iwasut káyilen ku.

Esuwif i 11:33

Káyilen kíkinineŋe fu ni kaheek búsuk beehooje ti kitiik ku, ni káhin beejoŋoore bu, abe ni kabaj b'Atambatun aane bu o kawuniiin. Kakumbakumb ñutum ñite bíŋaŋ,

Esuwif i 12:8

Atambatun aŋ'ajoŋooran bakañio fe. Afut'ajoŋooranuun, n'aŋ'áami kame arinooto bakañio nu múniyo; aruun bakañi keebukee tíyaŋ.

Saak 4:7

Náami árijeŋgin Atambatun. Aritandarisan ti Setani, abe n'aŋ'atey akambuun.

1 Piyeer 1:6

Kikawuun kutoof tu bondu, hutoof hahiye ariwarawar kátaañian tu kunak keefamut iŋ'ite sílaam sánosan.

1 Piyeer 2:21

Iŋ'ite hu bondu h'Atambatun aruwuun fu, ábuki *Kiris humuumo ajukajuk sílaam uŋu hoonuun hu, áwufooruunwufoor yooŋ bítim bu kaanuku man n'arisao ti hiñaawu.

1 Piyeer 3:14

Hutoof yooŋ ariwarawar kajuku sílaam aŋarkeyi naane aŋ'árihin meejake, kikawuun n'uŋu kutoof. Atum'árikoleyi an, abe atum'ariwas an eehohotanuun.

1 Piyeer 4:13

Kikawuun kutoof kep aŋarkeyi naane aŋ'arimaat ti sílaam site *Kiris, man hunak h'ésuk i eja hu kajuku kániku koone, n'aritoofan árihabanein.

Kafeeñal ku 1:9

Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.

Kafeeñal ku 6:11

Ni kawuniin huruw fe kaawañ keefañje, abe ni kaaniin kasooñ kariiko keeyih dikee, ábuki káliloolut. Bakatiiin ni bákawiyiin keeemo ku burokiin bifeeneŋ kawarawar yooŋ kayooliee naane boko.

Kafeeñal ku 7:14

N'ísafino eeno: —Ámuse u, bondu awe á̱meyie fu bo. Náami eeenam: —Boko kaamo fu kéenuutina ku ti sílaam sómbombokun su. Kañawañaw wañ wooniin, abe ni kafañjan wo ti halan hite Ametek u.