1 Piyeer 5:8 - Kwatay (Kuwaataay)

⁸ Arijok kikawuun, abe n'áriwasiyoor! Ábuki anatoora oonuun Setani ondu ti kañaahoor naane éŋaŋ ti kanuuru kep, hiŋes aañ a aware fu kateŋu.

1 Piyeer 5:8 ပူးပေါင်းရင်းမြစ်များ

Májiye 13:39

anatoora u éefiitene u sinawaay site husuwa hu aamo fu Setani; éhotukan i eemo fu kamoosen kite etaam i; éhotukana i kaamo fu emalaka i.

Májiye 24:42

Náami áriheelin féet, ábuki árimeyiit hiin hunak h'Anahaan oonuun abin fu.

Májiye 25:41

«Ahaban, n'aŋ'aane keeemo ku inde baamayo: “Arikambam, aruun k'Atambatun áwuume ku! Arija ti sineemak séehokaariit su, seefaree su bija ti Setani n'emalaka yeene!

Májiye 4:1

Náami Búwejet Beenabe bu ni bija ni Yesu t'eramba i kaanuku Setani eeŋeso káhinu eehoofoor.

Májiye 4:11

Ahaban, Setani n'awaso toko eeja. Náami emalaka kabina ti Yesu abe ni katofotooro.

Mark 4:15

Bakaake kámoomi naane ñijinu ñu ti sinawaay su sineye du. Ifi kajam hirim hu kep, Setani n'aŋ'abin eenuutan ho ti siheliin.

Hirim Heetoofe hu hi Luk akiñje hu 21:34

—Arinaŋ toko kikawuun! Atum'ariniŋan siheluun ni biyinoor bite kiriy, n'éwusan, man yooŋ biyinoor bite buroŋ bu. Áriwasiit, hunak hu n'iŋi hijendanuun káfufu

Hirim Heetoofe hu hi Luk akiñje hu 21:36

Áriniyo, abe n'arilaw ko kireyi fe man Atambatun n'awunuun sembe site kafaku tu buroon bondu beeja bu kabaju, ni site bisiiŋo hágila *Añi ute Húŋgowulan hu.

Hirim Heetoofe hu hi Luk akiñje hu 22:31

Yesu n'aane: —Simoŋ, héyi? A̱naŋ toko hikawi: Atambatun awuna Setani bítim kaanuku eebin eeyoŋoŋanuun naane étiif aa ámiñee, t'áwaajinoor bajal bu n'eyotokaay i.

Saaŋ 8:44

Setani aamo fu faafuun, abe beetoofo bu b'af'árimaŋi káhinu. Huta hu ti kájabina ku, aŋ'ayool ésuk i. Ásokaariit bifeeneŋ, ábuki múniyo mu munooto te o. Af'ajuus yooŋ, máhaminaro, ábuki akina ajuusa, abe akina átuute fu haajuus.

2 Korent 2:11

Íhinahin bo kaanuku Setani atum'abin ahaŋ úne sembe. Múniyo úmoomi jak bamb'aŋes.

Efees 4:27

Atum'ariwun Setani bítim t'aruun.

Efees 6:11

Arijok bujuŋko b'Atambatun awunuun bu bireyi fe, kaanuku man n'áriyini bisiiŋo alitee kane Setani aŋesuun kabuutu.

1 Timote 2:15

Bare kaabukoor ku kákinineŋ haare hu ni kafak, ti kajoke alitee kéeyilen, ni kámaŋi ésuk i, abe ni kanab. Itim kaŋes yooŋ bujukano.

1 Timote 2:9

Ímaŋamaŋi yooŋ haare hu iŋi kasiimo áwariee, itim kaŋes bujukano, itim'iŋi kahahan yooŋ. Itim'iŋi karifaaño birifaañu bite jísaŋg, itim kasol buroon bite éwurus i, nu ñukuur ñu, nu wañ weeseere wu.

1 Timote 3:11

Haare hu yooŋ kiŋki kajokoor kikaw kite sijaŋgu su kawarawar káyemi keejoŋoore, abe kawarut yooŋ kasoku t'an. Kájokumooro, abe kájub tu buroon bu fe.

1 Timote 3:2

Hikaw hite bakan kéeyilene awarawar káyemi an eeyinaatee kawatan tu doon. Anaare afeeneŋ taŋ a aware fu kabaju, abaj hikaw, ájokumooro, abe buroŋ boone nu bújub. Awarawar kajoku áwariee kiŋki kaja te o, abe n'áyini kaliiken ésuk i bite b'Atambatun.

2 Timote 4:17

Bare Anahaan u aseeŋamseeŋo, abe n'awunam sembe isooñen n'íyini kawaare Hirim Heetoofe hu hireyi fe, keenooto ku Esuwif kareyi fe kayak kajam ho. Abe Anahaan u n'áhin iifak ti bíŋaŋ bu.

Eleetar i yi Pool akiñje i Tit 1:8

Bare awarawar kajoku áwariee emoosoora i kiŋki kabin te o, abe n'ámaŋi meejake mu. Awarawar iŋi kayinoor ajakee, n'áyemi an éejube, an eenabe, abe n'aŋ'ájokumooro.

Eleetar i yi Pool akiñje i Tit 2:12

Kajaku koone kiliikenaliiken úne kawasu buroŋ beejakut, nu wúfaŋi wute t'etaam ye, kaanuku man n'úyinoor ajakee hahiye, n'úbaj yooŋ buroŋ beejoŋoore, abe nu bújub t'Atambatun.

Eleetar i yi Pool akiñje i Tit 2:2

A̱ane háyine hu keehaane ku itim'iŋi káwusan; káhin ajakee, kayinoor yooŋ ajakee, kajok alitee ti káyilen ku, ni kámaŋi ku, ni kámuñu ku.

Eleetar i yi Pool akiñje i Tit 2:4

Ifi káhin ii, n'iŋi kaliiken toko yooŋ éfur i kámaŋi bákayiniin ni bakañiiin,

Eleetar i yi Pool akiñje i Tit 2:6

A̱ane yooŋ húbaakiit hu iŋi kayinoor ajakee.

Saak 4:7

Náami árijeŋgin Atambatun. Aritandarisan ti Setani, abe n'aŋ'atey akambuun.

1 Piyeer 1:13

Arifare ariwasan. Arijok kikawuun, abe n'arinaŋ eyakar yeenuun fe ti káasuumaay k'arija ku kawuniee kane Yesu *Kiris áŋaasin.

1 Piyeer 4:7

Kamoosen kite etaam i kulohena. Náami buroŋ boonuun buwarawar kajoŋoor, abe n'arijok kikawuun man n'áriyini kalawu.

Kafeeñal ku 12:10

N'ijam kaaji kómbokun kéehaminna t'etiir bufor bu keene: «Hahiyu kafaku ku kireeŋa! Hahiyu Atambatun ite úne áwufoora sembe soone, asiiŋana yooŋ Jáyi joone! Hahiyu *Kiris a ajifane u áwufoora sembe s'abaje su! Ábuki atinana ite bakan úne *kéeyilene ku, an u aa asiiŋo yéeni bújom tujon hágila Atambatun eetinaniin áfiitenee tíyaŋ bufor bu.

Kafeeñal ku 12:12

Iŋ'ite ho aamo fu kikawuun kutoof, aruun bufor bu ni keekine ku bo! Bare átaañi t'aruun etaam i ni han hu! Batuuk bu búwaneino t'aruun, abe ni kayiŋat kómbokun, ábuki búmoomi kaanuku kunak keeroŋe ku bo kifamut.»

Kafeeñal ku 12:9

Éjufuur yómbokun i n'éfiitenee tíyaŋ. Yo yeemo fu doon dúbuunaay dihaan du, dundu dubuut ésuk i kareyi fe. Do difi kaane Batuuk bu man yooŋ Setani. Ni dífiitenee t'etaam i, do n'emalaka yite te do.

Kafeeñal ku 20:10

Náami Setani aa abuut biheet bu áfiitenee ti han hite sineemak su n'efor yéesufe i, t'éndakakureŋ i éfiitenee du yéeni, yo n'ajuusa eeene u akina *ayiŋana ite Atambatun. Kabaa káhihinooree bújom tujon hiraanu.

Kafeeñal ku 20:2

N'ajok éjufuur i, doon dúbuunaay dihaan du dindi kaane Batuuk bu man yooŋ Setani, abe n'afaak yo ni baasel bu bija simit éñjune.