1 Piyeer 5:12 - Kwatay (Kuwaataay)

¹² Silas áyokunanam fu íikiñjinuun eleetar yende yéetofie ee. T'íñje, akina ati ite bifeeneŋ. Ímaŋiuunmaŋi kayaŋganan kikaw, abe n'eenuun yooŋ káasuumaay kite Atambatun naane isokuun ee i keemo fu. Arijok te ko alitee.

1 Piyeer 5:12 ပူးပေါင်းရင်းမြစ်များ

Saaŋ 21:21

Hi Piyeer ajuko hu, naane Yesu: —Anahaan u, an ondu naŋ niyako fu kabaju?

Epotor i 11:23

H'areeŋe hu bo ayak ajuk naane Atambatun ásoniyane i kéeyilene ku, nu hutoofo dómbokun. N'ayaŋgananiin kikaw kareyi fe aaniin kajok alit tip t'Anahaan u nu suhol séehabaneina.

Epotor i 15:22

Náami *epotor i, ni *sifaaf su, ni *kéeyilene ku fe ni kajamoor kaanuku keejifan bakaake tu boko, abe ni kaboñiin bija Antiyoos nu Pool ni Barnabas. Ni kajifan Silas, nu Sud ii kaane Barsabas, t'ésubaiin fe kajamajamo ti kéeyilene ku.

Epotor i 20:24

Bare t'íñje, buroŋ búuma bijarut doon tus. Ímaŋamaŋi kep kareeŋan doon d'eemo du te do, nu burok b'Anahaan u Yesu asaanam bu: bo beemo fu kawaare kite Hirim Heetoofe hite kajaku kite Atambatun.

Eleetar i yi Pool akiñje i bakate ku Rom 5:2

Akina áfeŋgine fu úne bítim bu, kaanuku núumeyi kajaku k'Atambatun kaŋk'áwufoor úne aŋarkeyi naane úyilenayilen. Hahiye úsiiŋaa ti kajaku kondu jirib. Abe béekinineŋe bu kikaw úne n'uŋu kutoof beemo fu eyakar y'úbaje i yite kamaatu ku ti kániku kite Atambatun.

1 Korent 15:1

Kújakuwe, íñj'endu ti kábaŋinanuun Hirim Heetoofe h'ibine hu isokuun, n'áriyilen ho, abe n'arijok ho yooŋ alit tip.

2 Korent 1:19

Ábuki Yesu *Kiris Añi ite Atambatun i iriwaareuun u, íñje, ni Silas, ni Timote, abinut kaanuku éeyemi o afeeneŋ u «hee» ni «aaa». Ko kireyi fe akina aamo fu «hee» yite Atambatun.

2 Korent 1:24

Írimaŋiit káyemi eseef yeenuun iŋ'iribin irinoŋkooranuun bike ti káyilen koonuun, ábuki arijokajok te ko alit tip. B'iriŋes bu beemo fu núurok t'afeeneŋ bija ti katoofu koonuun.

Efees 3:3

Atambatun afeeñamfeeñ éehinam íimeyi boone béenuusee bu. (Ikiñjakiñj bo memee íihamin te bo diŋgilis.

Efees 6:21

Ati úne Tisik, u úmaŋie-maŋie u, abe n'aŋ'áhin burok bite Anahaan u ajoŋoor júl kasokuuun buŋ b'eemo fu beebe fe, man n'árimeyi te naŋ t'eemo fu.

Kolos 1:7

Áwiy uni Epafuras eeemo u burok uni bifeeneŋ aliikenuun fu bondu. Akina an éejube tu burok bite Yesu Kiris, abe burok b'iriware bu yéeni káhinu t'aruun, bo b'áhin fii.

Kolos 4:7

Ati úne Tisik u úmaŋie-maŋie u, eeemo u burok uni bifeeneŋ, abe n'aŋ'arok burok bite Anahaan u ajoŋooree, o kasokuuun buŋ b'eemo fu fe.

Kolos 4:9

Íboñiniinboñin boko n'Onesim ite u t'aruun. Akina yooŋ ati úne éejube, abe n'úmaŋio dómbokun. Boko kasokuuun beebaje bu beebe fe.

1 Tesalonik 1:1

Íñje Pool, ni Silas, ni Timote, irikiñjuun fee, aruun bakate ku Tesalonik *kéeyilene ku, aruun k'Atambatun Faaf u, n'Anahaan u Yesu *Kiris kakino ku. Atambatun aja ásoniyanuun, abe n'awunuun káasuumaay.

2 Tesalonik 1:1

Íñje Pool, ni Silas, ni Timote, írikiñjinuun fee, aruun bakate ku Tesalonik *kéeyilene ku, aruun k'Atambatun Faaf úne, n'Anahaan u Yesu *Kiris kakino ku.

Esuwif i 13:22

Kújakuwe, íñj'endu ti káwasiyanuun bonde: arijamatan jak kirim konde kite kayaŋgananuun kikaw k'íkiñjinuun kee t'eleetar yende yeekambut yee.

1 Piyeer 1:13

Arifare ariwasan. Arijok kikawuun, abe n'arinaŋ eyakar yeenuun fe ti káasuumaay k'arija ku kawuniee kane Yesu *Kiris áŋaasin.

1 Piyeer 4:10

Atambatun awunuunwun arireyi fe bifehe bite káyokunan bakaaku, huruw fe aliik ti b'Atambatun awuno bu. Áriyemi naane eroka keejake keeemo ti káhinu bakaaku meejake mite m'Atambatun meewayoore mu.

2 Piyeer 1:12

Iŋ'ite ho aamo fu naane árimeyie i buroon bonde fe, abe yooŋ n'arijok alitee tu múniyo m'arijame mu, ibaa kábaŋinanuun bo ko kireyi fe.

2 Piyeer 2:15

Kawasawas bítim beejoŋoore bu, abe ni kátowuto. Iŋi kasa ti hiñaawu Balam ayiŋana u, añi ite Bosoor, akina éemaŋie u ajaamee sírirem éehin meejakut.

3 Saaŋ 1:12

Ésuk i ereyi fe eŋ'esok beejake ti Demetiriyus, abe humuum múniyo mu múwufoorawufoor kaanuku bite toko. Uni yooŋ iriseedoseede beejake, abe á̱moomi kaanuku bimb'irisok bite toko.

Eleetar i yi Sud akiñje i 1:3

Kújakuwe, aruun k'ímaŋie-maŋie ku, ítumbatumba ímaŋi kákiñjinuun iŋi naane Atambatun afakane i úne. Bare hahiye ijukajuk kaanuku iwarawar kákiñjinuun bike bite kayaŋgananuun kikaw, kaanuku man n'árituum uŋu múniyo mite Hirim Heetoofe h'Atambatun awune hu hiraanu bakan k'akino ku.