1 Piyeer 5:1 - Kwatay (Kuwaataay)

¹ Hahiye *sifaaf soonuun k'ijonde fu. Íñje humuumam faaf naane aruun; ijukajuk ni ñíkinam *Kiris o ti sílaam su, abe íñje kabaju yooŋ húrub ti kániku keeja ku káwufooree memee. Bonde b'ilaw fu n'aruun:

1 Piyeer 5:1 ပူးပေါင်းရင်းမြစ်များ

Hirim Heetoofe hu hi Luk akiñje hu 24:48

Ariwarawar kasoku tánotan fe b'arijuke bu.

Epotor i 1:8

Bare aruun kawuniee sembe kane Búwejet Beenabe bu búwanein t'aruun, abe n'aŋ'áriyemi eseede íima Serusalem, nu tu músuk mite *Súde ni *Samari, bija tánotan fe t'etaam ye.

Epotor i 11:30

Múniyo ni káhin bo. Ni kasaan sírirem su Barnabas nu Sóol, kaaniin kaja kasaan *sifaaf site kéeyilene ku.

Epotor i 14:23

Ti kéeyilene kaamo fe, n'iŋi kajifaniin bakan kéeyemi *sifaaf su. Iŋi *kawoor, abe ni kalaw bija tu boko. Kahaban, n'iŋi kawasiin tu sumoŋu Anahaan u i kayakare u te o.

Epotor i 15:4

Hi kareeŋe hu Serusalem, kéeyilene ku, n'epotor i, ni sifaaf su ni kajokiin áwariee. Pool ni Barnabas ni kasokiin naŋ n'Atambatun áhine fu nu boko fe.

Epotor i 15:6

Epotor i ni sifaaf su ni kakuukanooro keeñaŋoor bondu.

Epotor i 2:32

Piyeer n'áwutiyen aane: —Yesu ondu, Atambatun aritanoritan t'eket i, abe irireyi fe irijukajuk ni ñíkin uni.

Epotor i 20:17

H'irireeŋe hu Mile, Pool n'aboñ bite *sifaaf site bakate ku Efees *kéeyilene ku.

Epotor i 20:28

Áriwasiyoor kikawuun, abe n'arinaŋ ko yooŋ ti kaahaaw ku fe ku Búwejet Beenabe bu bisaanuun ku ariihaaw. Áriyemi ehaawa yite bakate ku Atambatun kéeyilene ku, k'aŋese ku ni halan hite Añi oone.

Epotor i 21:18

Tifiit, n'iririboor nu Pool bija ti Saak. *Sifaaf site kéeyilene ku kareyi fe kámoomi toko ti kakuukanooree.

Epotor i 3:15

Iyu a ariyoole fii ate buroŋ bu. Bare Atambatun aritanoritan t'eket i, abe írinooni bo biseede.

2 Korent 5:1

Múniyo úmoomi kaanuku sini site s'úne ufu súbujo, so seeemo su naane búwuureey b'úkine te bo t'etaam ye, úbajabaj t'etiir bufor bu sini seeemo naane sunuuf site hiraanu. Atambatun afaree fu so bija t'úne, kúŋgowulan kíiit.

2 Korent 5:8

Kikaw úne kiyaŋgayaŋg piŋ, abe b'úhaŋe bu kámaŋi beemo fu únuut ti sini sonde site s'úne, núuja úkin kaagoroor n'Anahaan u.

Fílip 1:19

ábuki ímoomi kaanuku naane aa arilaw bija t'íñje, ni naane Búwejet bite bu Yesu Kiris uu búyokunanam, bondu fe biyak fu kákinineŋ n'ifak.

1 Timote 5:1

Atum'aŋ'a̱futanoor ti híhaaniin, bare a̱saaho á̱ahamin ne o naane aa á̱hamin ni faafi. A̱jok yooŋ ehaawa i naane bakatii.

1 Timote 5:19

An af'akalame faaf ite kéeyilene, atum'a̱jamatano, kane arko taŋ bákasuba man yooŋ bákahaaji kakalamoo fu.

2 Timote 4:8

Hahiyu hisiibanu hite an eeheeke u hondiam ti kanahan. Ho heemo fu hisiibanu hite an éejube h'Anahaan u, ajoonana éejube u aja hu kasaanam hunak hite Kajoonan ku. Abe íñjeiit barebare a aja fu kasaan ho; o kasaan ho yooŋ kéesike ku siheliin fe kanaŋ ti bíbatikeina boone.

Eleetar i yi Pool akiñje i Tit 1:5

Iwasiwas Kiret kaanuku a̱ahabanoor beeŋeñene bu, abe ti hikinu-kinu fe ti *kéeyilene kaamo, n'a̱siiŋan bakan kéeyemi *sifaaf sooniin. Á̱baŋino kaanuku ibinabina eeni:

Filemoŋ 1:9

Bare íñje kalawii bonde aŋarkeyi naane wáamaŋiooramaŋioori. Íñje Pool t'ihaane dee, abe yooŋ hahiyu ikuleekul aŋarkeyi naane iŋ'irok bija ti Yesu Kiris,

Esuwif i 12:1

Eseede keehooje-hooj kaŋoloolaŋolool úne. Náami úne yooŋ útuyinooro doon fe deekolene bija bite b'úne, ni kaahoofoor ku kuŋku kukolen yooŋ úne ti meehile jab, abe n'úñiŋkaan núutey kateyi k'úsokee ku.

1 Piyeer 1:12

Atambatun n'áwufoor eyiŋana yeene aaniin hirim h'asaaniin hii bíjaiit tu boko, bare bija t'aruun. Hahiyu kiŋki kawaare Hirim Heetoofe hu kasokuunsok hirim hondu ti sembe site Búwejet Beenabe bu béeboñinee bu huta hu t'etiir. Abe humuum emalaka i kámaŋamaŋi kámeyi bondu.

1 Piyeer 1:7

Sílaam sondu site kajuku man káyilen koonuun kite nu múniyo man yooŋ. Éwurus áyinooniee kábuju, bare ti sineemak t'af'ajukee man ejakajak. Iyu yooŋ i káyilen koonuun keehaŋe ku éwurus ifi kiŋesee ti sílaam sánosan, t'ajuk man kiyanayan. Náami hunak hi Yesu Kiris áŋaasin hu, Atambatun kasokorooruun, n'ánikanuun, abe n'asaluun.

1 Piyeer 4:13

Kikawuun kutoof kep aŋarkeyi naane aŋ'arimaat ti sílaam site *Kiris, man hunak h'ésuk i eja hu kajuku kániku koone, n'aritoofan árihabanein.

1 Piyeer 5:4

Abe Kiris Aseef ite ehaawa i af'aja áŋaasin, n'aŋ'awunuun hisiibanu héenike, abe utu húbujo hikee.

1 Saaŋ 3:2

Kújakuwe, aruun k'ímaŋie-maŋie ku, hahiyu úne biñi bite Atambatun, bare naane úja i kanokoor búwuforoorutee. Bare úmoomi kaanuku *Kiris af'abin ásooñin, úne káyemi naane akina, ábuki úne kajukio naane aamo i.

2 Saaŋ 1:1

Íñje faaf u íkiñjinuun fee awe Anaare u a Atambatun ajifane u, ni bakañii. Ítumbatumba ímaŋiuun. Íñjeiit unoonam ímaŋiuun fu, bare ni kéemeyie ku fe múniyo mu.

3 Saaŋ 1:1

Íñje faaf u íkiñjini fee awe Gáyiyus, áwiyam i ímaŋie-maŋie u.

Kafeeñal ku 1:9

Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.