1 Piyeer 4:2 - Kwatay (Kuwaataay)

² Náami áfiitin ti hahiye, tu kunak keeŋeñenuun ku t'etaam ye, buroŋ boonuun buwarawar káyemi naane t'Atambatun ámaŋie du bo, abe n'ariwas wúfaŋi wute kúŋgowulan ku.

1 Piyeer 4:2 ပူးပေါင်းရင်းမြစ်များ

Májiye 12:50

An aa áhin bi Faafam eeemo u t'etiir ámaŋie bu, an ondu aamo fu at'am, ániinam, n'íñaayam toko.

Májiye 20:4

N'aaniin: «Aruun yooŋ, arija arirok t'etool íima, íñje kajaamuuun ajakee.»

Májiye 21:31

Yesu n'ákandijen eseef ite *esaraha i, ni *sifaaf su aaniin: —Aañ tu boko áhine fu bi faafiin ámaŋie bu? Ni kaano: —Aneemak u. Náami Yesu eeeniin: —Iisokuun bifeeneŋ bu: *esaa yite búhal bu, ni kiŋki kafurukato kajabu kayoosouun ti *Jáyi jite Atambatun.

Májiye 7:21

—Káanukiiit huruw fe eeenam: «Anahaan u, Anahaan u», aja fu buyooso ti *Jáyi jite Atambatun, kane arko taŋ an éehine buroon bi Faafam eeemo u t'etiir ámaŋie bu.

Mark 3:35

An aa áhin b'Atambatun ámaŋie bu, an ondu aamo fu at'am, ániinam, n'íñaayam toko.

Mark 7:21

Ábuki t'enio, nu tu búwejet boone ti biyinoor beejakut bu t'ufu búnuutin, beeyoosano tu bufurukato bu, ékuwe i, búyoolool bu,

Saaŋ 1:13

Íŋiiit naane aamo i kabukeebuk naane húŋgowulan aa abukee aamo fu káyemia bakañi Atambatun. Bare kaaneeen boko bakañi Atambatun ábuki Atambatun abukiin fu.

Saaŋ 7:17

An af'ámaŋi káhinu b'Atambatun ámaŋie bu, o kámeyi man bimb'iliiken ésuk i, t'Atambatun tu búnuutina fu, man yooŋ íñje iŋ'inoŋk iisok.

Eleetar i yi Pool akiñje i bakate ku Rom 12:2

Atum'ariliikool ni máhinar mite mu bakate ku t'etaam ye; ariwas Atambatun eewunuun biyinoor bíyeni, man n'áriyemi bakan kíyeni. Af'árihin iyu, n'aŋ'áriyini kánandin b'ámaŋie bu. Bo beemo fu beejake bu, ni beetoofo bu, ni beekuure bu but.

Eleetar i yi Pool akiñje i bakate ku Rom 14:7

Múniyo uf'úyemi buroŋ, man yooŋ n'úket, úkiniooriit.

Eleetar i yi Pool akiñje i bakate ku Rom 6:11

Náami aruun yooŋ árihin iye: ti kaahoofoor ku, arijokooro naane bakan keekete, abe n'arijokooro naane bakan keeroŋe bija t'Atambatun iŋi naane árihine i t'afeeneŋ ni Yesu Kiris.

Eleetar i yi Pool akiñje i bakate ku Rom 6:2

Mánoman aaa! Ti kaahoofoor ku, úne bakan keekete. Buŋ b'úyinie fu kasooñu úkin te ko?

Eleetar i yi Pool akiñje i bakate ku Rom 7:4

Iyu yooŋ a ariemo fu kújakuwe. T'Eluwa i árimoomi naane bakan keekete aŋarkeyi naane árihinahin t'afeeneŋ ni *Kiris éeketaanie u. Hahiye eŋkut ékiniuun. An éekiniuun u aamo fu an eeritanee u t'eket i, kaanuku uŋ'úbin úhin buroon beebaje éñjeriŋ bija t'Atambatun.

2 Korent 5:15

Aketaket bija t'ésuk i ereyi kaanuku man keeroŋe ku itim'iŋki karoŋ bija tu boko kumuumiin, bare ni karoŋ bija t'akina eekete u, abe n'áritein t'eket i bija tu boko.

Efees 2:3

Hítiyar hu, úne fe kaafeeneŋ ku nu boko, ábuki wúfaŋi wute w'úne taŋ w'uf'úŋes, katoofu kite k'úne yooŋ k'uf'úyinoor. Makamu iye u úyemiaanie fu, Atambatun yooŋ ayiŋatayiŋat t'úne naane ayiŋate i ti bakaaku.

Efees 4:17

Bonde b'ija fu kasokuuun, abe íñje kajoku te bo alitee tu huruwu hite Anahaan u: buroŋ boonuun itim'iŋki bíyemi naane bite kéeyilenut ku. Biyinoor booniin bibajut éñjeriŋ,

Efees 5:17

Iŋ'ite ho aamo fu atum'arisoŋoto, bare áriñiŋkaan man n'árinandin buŋ b'Anahaan u ámaŋie fu aŋ'árihin.

Efees 6:6

Atum'árihin bondu kane káyemiuun ti kajukar barebare, kaanuku man n'aritoofiin. Bare áriñiŋkaan áriihin b'Atambatun ámaŋie bu naane búsukateen bakate Kiris.

Kolos 1:9

Iŋ'ite ho aamo fu huta h'iŋ'iribin irijam bo, iriwasut kalawu Atambatun bija t'aruun. Iŋ'irilawo kaanuku man n'áhinuun áriimeyi b'ámaŋie bu árihabanein, abe Búwejet Beenabe bu ni bíhinuun áriiwasi abe n'áriwesinato yooŋ.

Kolos 3:3

Ábuki ariketaket, abe buroŋ boonuun búnuuseenuus ni Kiris t'Atambatun.

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

1 Tesalonik 5:18

doon fe deeyak kabaju, arieno eyeehen. Bo b'ámaŋie fu t'aruun kéehine ku t'afeeneŋ ni Yesu *Kiris.

Saak 1:18

Ho hutoofo n'awun úne buroŋ, aŋ'asaan bo ti hirim hoone heeemo hu hite nu múniyo, kaanuku man n'úyemi étiyar i tu buroon b'áwuwane bu fe.

1 Piyeer 1:14

Árijeŋgin Atambatun, abe atum'aribatikan siheluun tu wúfaŋi woonuun wute wu ti hítiyar hu t'árimeyioorut múniyo mu.

1 Piyeer 2:1

Náami hahiyu ariwas bánafut bu, ni haajuus hu, nu butuuko bu, ni baabet bu, nu husoku hu ti bakan.

1 Saaŋ 2:17

Etaam i yendu ti bija bihabano, nu wúfaŋi wu fe weeemo wu te yo. Bare an eeemo aŋ'áhin b'Atambatun ámaŋie bu, o karoŋu hiraanu.