1 Piyeer 4:10 - Kwatay (Kuwaataay)

¹⁰ Atambatun awunuunwun arireyi fe bifehe bite káyokunan bakaaku, huruw fe aliik ti b'Atambatun awuno bu. Áriyemi naane eroka keejake keeemo ti káhinu bakaaku meejake mite m'Atambatun meewayoore mu.

1 Piyeer 4:10 ပူးပေါင်းရင်းမြစ်များ

Májiye 20:28

Iyu yooŋ a *Añi ute Húŋgowulan hu abine fu, káanukiiit eebaj búsukateen, bare kaanuku éeyemi ásukateen, abe n'awun buroŋ boone beejaam man keehooje ni kafak.

Májiye 24:14

Hirim hondu Heetoofe hu hite *Jáyi jite Atambatun kawaaree t'etaam i ereyi fe, kaanuku ésuk i fe keejam ho. N'aŋ'atik áami kamoosen kite etaam i.

Májiye 24:21

Ábuki kóŋkeyin, sílaam sómbombokun kabaju, s'an ámusut kajuku huta h'etaam i eŋ'ebin éwuwanee bija yooŋ t'úmiye, abe utu susooñ yooŋ sibaj hikee-kee.

Májiye 24:45

—Náami aañ aamo fu aroka eejoŋoore u, abe n'áwesinato yooŋ? O aamo fu an u a ate enuuf i asaane u bujukar bite enuuf i, abe n'asoko yooŋ kaanuku aŋ'abin awun bakaaku eroka keeñoofo kane ewahatu i ereeŋ.

Májiye 25:17

Eesaanee u súsuba su n'áhin mo mifeeneŋ mu, n'asooñ abaj súsuba.

Májiye 25:44

Náami n'iŋi kásafino kaano: “Anahaan u, kame kaakaŋ n'irijuki fu káajoñjolatin, man yooŋ nukuni káasayin, man yooŋ kane a̱bin t'uni t'írimeyiiti, man yooŋ fuufii, man yooŋ káasomutin, man yooŋ t'ekulu i, abe íriyokunanuti?”

Mark 10:45

Ábuki *Añi ute Húŋgowulan hu humuumo abinut kaanuku eebaj búsukateen, bare kaanuku éeyemi ásukateen, abe n'awun buroŋ boone beejaam man keehooje ni kafak.

Hirim Heetoofe hu hi Luk akiñje hu 12:42

Anahaan u n'aane: —Náami aañ aamo fu aroka eejoŋoore u, abe n'áwesinato yooŋ? O aamo fu an u a ate enuuf i asaane u bujukar bite enuuf i, abe n'asoko yooŋ kaanuku aŋ'abin awun bakaaku eroka buhuŋ booniin keeñoofo kane ewahatu i ereeŋ.

Hirim Heetoofe hu hi Luk akiñje hu 19:13

Bala aja, n'aruw bakan kaamo sumoŋu t'eroka yeene, eesaaniin huruw kaawiit kite sírirem seefame abe n'aaniin: «Árisik sírirem sondu ariirok ayak abin áami íbatikeino.»

Hirim Heetoofe hu hi Luk akiñje hu 8:3

Saan, áyino Susa af'ajukar enuuf ite *Erod; Susaan, ni bakaake keehooje. Haare hondu fe iŋi kafand kanuutan t'ebaj yeeniin kéeyokunan Yesu n'eriboora yeene.

Eleetar i yi Pool akiñje i bakate ku Rom 15:25

T'eemo dee bare, iija Serusalem nu kuboñ bija ti bakan kite Atambatun keeemo ku bo.

Eleetar i yi Pool akiñje i bakate ku Rom 15:27

Boko kanoŋke fu keeteg, bare kafiyafiya káyekiiin kaamaag. Ábuki naane aamo i Esuwif i kéeyilene ku ti *Kiris káyokunaniinyokunan keebaj káyilen, boko yooŋ keenooto ku Esuwif kawariinwar káyokunan n'ebaj yeeniin.

1 Korent 15:10

Bare Atambatun áwufooramwufoor kajaku koone éehinam íiyemi an u eemo ee, abe naane áwufooram i kajaku koone, áfiitenut: irokarok ihaŋ bakaaku epotor fe. Múniyo íñjeiit humuumam if'irok iyu, bare kajaku k'Atambatun áwufooram ku keeemo ku t'íñje ufu kurok iyu.

1 Korent 3:10

Naane t'Atambatun awunam du t'isiiŋane fu kiñaan kítiyar ku naane anuta éemeyie buroko. Hahiye ake ondu ti káhoojinan enuuf i. Bare huruw fe anaŋ toko hikawo ti naane aamo i ti káhoojinan ku.

1 Korent 4:7

Kame aañ áhinuun fu ariihaŋ bakaaku? Átambatuniit awunuun fu doon d'aribaje du fe? Makamu iyu i bije fu, iŋi naŋ n'af'arisaŋg nu doon d'aribaje du kite áruuniit ariwunee do?

2 Korent 6:1

Makamu iŋ'irirok n'Atambatun, uni bokondu ti kaanuuun waasuun, atum'árihin kásoniyan k'Atambatun ásoniyanuun ku kéeyemi kite fuufu.

2 Korent 9:1

Ti bite sírirem seetegee su kaanuku t'áyokunan bakan kite Atambatun bakate ku Serusalem, bijarut n'iŋk'ikiñjuun bike íwutiyen ti b'isoke bu.

Efees 3:8

Íñj'eemo fu araan u tej ti bakan kite Atambatun. Bare íñje a ajuke fu ti kajaku koone, kaanuku iŋ'ibin iwaare keenooto ku Esuwif Hirim Heetoofe hu, hite ebaj yéehabanaariit i yéenuutina i ti Kiris.

Efees 4:11

Akina awune fu kúŋgowulan ku kéeyemi bakaake *epotor, bakaake *eyiŋana yite Atambatun, bakaake ewaaraa Hirim Heetoofe hu, bakaaku ni káyemi égila yite bakan kite Atambatun, abe n'iŋi kaliikeniin hirim hoone.

2 Timote 1:18

Anahaan u aja áhino eemaat ti kajaku koone hunak hite Kajoonan ku. Abe á̱moomi akuur but naane áyokunanam i Efees.

Eleetar i yi Pool akiñje i Tit 1:7

Hikaw hite kéeyilene ku af'atofotoor burok bite b'Atambatun; iŋ'ite ho aamo fu awarut kabaju bike b'an ayino kawatano te bo. Awarut biyitooro, awarut kahilu ti kayiŋat, awarut káwusan, awarut káyemi aloba, atum'aŋes yooŋ kabaju sírirem seekuurut.

Esuwif i 6:10

Atambatun ájubajub. At'afiil burok b'árihine bu, ni naane árimaŋio i. Áriwufoorowufoor kaanuku árimaŋiomaŋi ti naane áriyokunane i bakan k'akino ku, abe ariroŋa yooŋ n'áriyokunaniin.

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.

1 Piyeer 5:12

Silas áyokunanam fu íikiñjinuun eleetar yende yéetofie ee. T'íñje, akina ati ite bifeeneŋ. Ímaŋiuunmaŋi kayaŋganan kikaw, abe n'eenuun yooŋ káasuumaay kite Atambatun naane isokuun ee i keemo fu. Arijok te ko alitee.