1 Piyeer 3:9 - Kwatay (Kuwaataay)

⁹ An af'áhinuun beejakut, atum'arinukan; an af'álafatinuun, atum'arinukan yooŋ. Aruun árisoniyano kep, ábuki uŋu bondu h'Atambatun aruwuun fu, kaanuku eebin éesoniyanuun.

1 Piyeer 3:9 ပူးပေါင်းရင်းမြစ်များ

Májiye 19:29

Bakan ifi kawas sunuuf sooniin, man yooŋ bakatiiin, bákaniiniin, sifaafiin, síñaayiin, bakañiiin, ni kitaaŋaat kooniin uŋu húuma hu, boko kabaju buroon bondu kireeŋ téemeer, abe n'iŋi kawunee yooŋ buroŋ béehabanaariit bu.

Májiye 25:34

Náami áyi u kaanu keeemo ku inde baatoso: «Aruun ki Faafam ásoniyane ku, aribin áriikini Jáyi jeefaree ju bija t'aruun huta h'etaam i eŋ'ebin éwuwanee.

Májiye 5:39

Íñje bare eenuun: an af'áhinuun beejakut, atum'arinukan. An af'ámiñi ti kaarofaŋ kaatos ku, a̱waso yooŋ éemiñi ti kaamay ku.

Májiye 5:44

Íñje bare eenuun: árimaŋi enatoora yeenuun, abe n'arilaw bija ti kiŋki káhihinooruun.

Mark 10:17

Yesu ásitina bija bu, ake ániine n'áteyin abin áreeŋin, n'asaaho éejiŋgitan hágilao abe n'aano: —Ámuse u, awe eejake u, naŋ n'iware fu káhinu kaanuku iibaj buroŋ béehabanaariit bu?

Hirim Heetoofe hu hi Luk akiñje hu 10:25

Ake t'émuse yite *Eluwa yite Moyis n'ámaŋi kabuutu Yesu. N'arito abe n'aano: —Ámuse u, naŋ n'iware fu káhinu kaanuku iibaj buroŋ béehabanaariit bu?

Hirim Heetoofe hu hi Luk akiñje hu 18:18

Ake aseef n'ákandijen Yesu aano: —Ámuse u, awe eejake u, naŋ n'iware fu káhinu kaanuku iibaj buroŋ béehabanaariit bu?

Eleetar i yi Pool akiñje i bakate ku Rom 12:14

Arilaw Atambatun éesoniyan kiŋki káhihinooruun; arilawo éesoniyaniin, atum'arieno áwuumiin.

Eleetar i yi Pool akiñje i bakate ku Rom 12:17

An af'áhinuun meejakut, atum'aribatikano meejakut. Ariŋes káhinu b'ésuk i fe eene bu bijakajak.

Eleetar i yi Pool akiñje i bakate ku Rom 8:28

Úmoomi kaanuku doon fe deeyino kabaju kéemaŋie ku Atambatun, bokondu k'aruwe ku naane t'afiye du asok, aŋ'áhin do déeyemi deejake bija ti káasuumaay kooniin.

Eleetar i yi Pool akiñje i bakate ku Rom 8:30

Bakan kéekinineŋe ku Atambatun n'asoŋk bíhabaneina tu bondu, aruwiinruw yooŋ; k'aruwe ku, ajokiinjok yooŋ bakan kéejube; k'ajoke ku bakan kéejube, áhiniinhin yooŋ keemaat ti kániku koone.

Galasi 3:14

Iyu i bije fu kaanuku man kásoniyan k'Atambatun aane ku o kásoniyan Aburaham, keenooto ku Esuwif ni kabaj ko yooŋ ti Yesu Kiris, abe ti káyilen kite k'úne, n'úbaj yooŋ Búwejet Beenabe bu b'Atambatun aane bu o kawunu úne.

Efees 4:32

Áriyemi bakan keejake, abe n'árineeni. Ariboŋketoor naane Atambatun aboŋketuun i ti Kiris.

1 Tesalonik 5:15

Áriwasiyoor tu búnukanoor bu; ariŋes ko kireyi fe káhinoor meejake t'etutuun, ni ti bakaaku fe.

Esuwif i 12:17

Árimoomi kaanuku abinabina afiyo, n'ámaŋi kaanuku faafo éesoniyano kásoniyan kite aneemak u, bare faafo n'ateñeko. Biyiy b'ayiye bu yooŋ biyinaat toko doon, ábuki abajut efehe yite kanuutan b'aheeke bu éehin.

Esuwif i 6:14

Aanaan: «Nu múniyo, íñje kásoniyani, abe n'íhin kabukoor kúuwe keehooj.»

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.