1 Piyeer 3:8 - Kwatay (Kuwaataay)

⁸ Hirim húuma hiraanu hu honde: aribaj biyinoor bifeeneŋ, abe n'arijamoor yooŋ. Árimaŋioori naane bakati; áriyemi bakan kéeneenie, abe atum'ariyitooro hágila bakanuun kúŋgowulan.

1 Piyeer 3:8 ပူးပေါင်းရင်းမြစ်များ

Májiye 18:33

Eeman yooŋ a̱warawar yéeni kayubiyen áwiyi naane iyubiyeni i?”

Hirim Heetoofe hu hi Luk akiñje hu 10:33

Bare n'abaj ake ániine ite *Samari éeŋaasina ti bítim bondu bija kátuki. H'áreeŋina hu toko, n'ajuk ániine i kanufane u, ehelo fe n'ehabano.

Epotor i 2:1

H'aamo hu hunak hite *efeet ite Pantakot hireeŋa, *kéeyilene ku kareyi fe ni kakuukanooro tand'afeeneŋ.

Epotor i 27:3

Tifiit, n'iriya Sidon. Suliyus ajokajok Pool áwari aa; n'awaso eeja éejukin bákawiyo, kéeyokunano tu buroon b'asawulee bu.

Epotor i 28:7

Abajeebaj kaagoroor toko etaam ite aseef ite ekiŋk i, huruwu hoone Pubiliyus. N'ajok uni atoof, abe n'awanan uni te o kunak kíhaaji.

Epotor i 4:32

*Kéeyilene ku kareyi fe ni kajokoor naane, eholiin efeeneŋ, búwejet booniin yooŋ bifeeneŋ. An tu boko áanaariit ebaj yeene akina akino yo unoono; doon dite afeeneŋ, dite yooŋ bakano.

Eleetar i yi Pool akiñje i bakate ku Rom 12:10

Árimaŋioori naane bakati. Árihabanein ti kájeŋgin kite bakaaku.

Eleetar i yi Pool akiñje i bakate ku Rom 15:5

Yala Atambatun aa áhin ésuk i iŋi kámuñ, abe n'ayaŋgananiin kikaw, n'áhinuun ariijamoor aliik naane ti Yesu Kiris áwufooruun du,

1 Korent 1:10

Kújakuwe, íñj'endu ti kalawuuun tu huruwu hite Anahaan ite úne Yesu *Kiris: arijamoor, káwaajinoor itim kibaj t'etutuun. Arijokoor alit tip ariibaj búwejet bifeeneŋ ni biyinoor bifeeneŋ.

1 Korent 12:26

Doon difeeneŋ dite t'eni i ifi dibaj káseñji, baabu buroon fe n'aŋ'áseñji yooŋ te bo. Doon difeeneŋ nu dúmuuree, baabu buroon fe n'uŋu butoofan ne do.

Efees 4:2

Ko kireyi fe áritetianooro, árineeni yooŋ, abe n'aŋ'árimuñ. Árimaŋioori, abe n'aŋ'árimuñalool.

Efees 4:31

Arinuutan méetike meeemo mu tu suhol soonuun, ni kajoku an tu suhol soonuun, ni kayiŋat, nu sulob, ni bílafatinool, ni bánafut bánoban.

Efees 4:32

Áriyemi bakan keejake, abe n'árineeni. Ariboŋketoor naane Atambatun aboŋketuun i ti Kiris.

Fílip 2:3

Atum'árihin doon fe ni sihel site baabet, atum'ariŋes yooŋ bíhinooro kuruwu, bare ariwananooro hágila bakaaku, abe huruw fe n'ajok bakaaku ahaŋ naane ajokooree i akina humuumo.

Fílip 3:16

Naane biyino i káyemi fe, újoŋoor t'úfiye du újund bija t'úmiye.

Kolos 3:12

Náami makamu Atambatun ajifanuun fu kaanuku áriiyemi bakan koone, abe yooŋ ámaŋiuunmaŋi, árimeyi kayubiyen an, abe n'aritoof yooŋ. Áritetianooro, árineeni yooŋ, abe n'aŋ'árimuñ.

Esuwif i 13:1

Árimaŋioori ko kireyi fe naane baatiaay, aruun bakan kite Atambatun.

Saak 2:13

Atambatun af'áyemi ti kajoonan ku, at'aŋaaŋ kayubiyen an éeyubiyenaariit u bakaaku. Bare af'aŋ'a̱yubiyen bakaaku, Atambatun at'atinani.

Saak 3:17

Bare búwesinato béenuutina bu t'etiir, bítiyar bite te bo beemo fu *bukuurakuur. Hunuut toko ni bíyemi bite káasuumaay, ni bíneeni, abe biyaŋgut hikaw. Uŋu buyubiyen dómbokun, abe n'uŋu bubuk kunoŋk keejake. Bújokaariit ésuk i kawayo, abe bútuukaariit.

Saak 5:11

Uŋ'úene katoofana, ábuki kajokajok alitee. Arijamajam naane Sob abine i ámuñ, abe árimoomi naŋ n'Atemit abine fu awuno. Ábuki Atemit aŋ'ayubiyen naane, abe ajakajak faa t'ésuk i.

1 Piyeer 1:22

Arikuuranoorakuuranooro aŋarkeyi naane árijeŋginajeŋgin múniyo mu. Iŋ'ite ho h'árimaŋie fu bakatuuun *kéeyilene ku. Náami árimaŋioori dómbokun siheluun síhabanein.

1 Piyeer 2:17

Árijeŋgin kúŋgowulan ku fe, árimaŋi bakatuuun *kéeyilene ku, arijok Atambatun nu sumoŋu súsuba, abe n'árijeŋgin áyi ómbokun u.

1 Piyeer 5:5

Aruun yooŋ biñi bu, árijeŋgin sifaaf su. Abe aruun arireyi fe *kéeyilene ku, atum'aŋ'ariyitooro tu búyokunanoor bu, ábuki *Míkiñjin mu meenaan: «Atambatun aŋ'ásokum kiŋki kayitooro; kéeyitooraariit ku aŋ'áwufooriin kajaku koone.»

2 Piyeer 1:7

ti káhinu ku naane Atambatun ámaŋie i n'áriwutiyen toko kajokoor baatiaay; ti kajokoor ku baatiaay n'áriwutiyen toko kámaŋioori.

1 Saaŋ 3:14

Úne úmoomi kaanuku únuutino t'eket i núuyooso tu buroŋ bu. Úmoomi bo aŋarkeyi naane úmaŋamaŋi bakati úne. An éemaŋiit at'o, an ondu aroŋa t'eket i.