1 Piyeer 3:22 - Kwatay (Kuwaataay)

²² Ajaja t'etiir bufor bu, abe ondu t'ariikee inde *baatos Atambatun. Emalaka i iŋi kajam te o, n'ébuur i, ni baabu buroon fe beebaje bu sembe beeemo bu t'etiir bufor bu.

1 Piyeer 3:22 ပူးပေါင်းရင်းမြစ်များ

Májiye 22:44

«Atemit aanaan Anahaan úuma: “A̱riiko inde *baatosam ayak abin áami ikalaa enatoora íiwe tuus, awe á̱ayemi áyi u.”»

Májiye 28:18

Yesu n'átofin abe n'aaniin: —Iwuneewun sembe tu buroon bu fe t'etiir bufor bu ni t'etaam i.

Mark 12:36

Dafit humuumo, Búwejet Beenabe bu bitiŋgotiŋg ayak abin áami aana: «Atemit aanaan Anahaan úuma: “A̱riiko inde *baatosam ayak abin áami ikalaa enatoora íiwe tuus, awe á̱ayemi áyi u.”»

Mark 16:19

H'Anahaan u Yesu áhamine hii nu boko ahaban, Atambatun n'ayito t'etiir bufor bu, abe Yesu n'ariiko inde *baatoso.

Hirim Heetoofe hu hi Luk akiñje hu 20:42

Ábuki fu *Dafit humuumo asokasok ti kaawiit kite *Élookiin i aane: «Atemit aanaan Anahaan úuma: “A̱riiko inde *baatosam

Saaŋ 13:32

Abe h'aja hu ayak abin áami áwufoora naane Atambatun ánike i, Atambatun yooŋ káwufoor akina humuumo naane Añi u ánike i, abe o káhinu bo memee.

Epotor i 1:11

abe ni kaaniin: —Aruun bakate ku *Gálile, kame iŋi naŋ n'arisiiŋee fee diye aŋ'áriheelin bufor bu? Yesu ondu eeyitee i t'aruun eeja t'etiir, naane arijuko i ti bija bu, iyu yooŋ a aja fu bíbatikeina.

Epotor i 3:21

T'aamo daa bare, Yesu awarawar biriiko t'etiir bija yooŋ hunak h'Atambatun aja hu káhinu buroon bireyi fe beesooñ bíyeni. Iyu a afiye fu asok áŋaasann t'eyiŋana yeene keenabe ku.

Eleetar i yi Pool akiñje i bakate ku Rom 8:34

Aañ aja fu kayoosan úne ti kaayeen? Yesu *Kiris fíya? Aaa, ábuki akina humuumo aketaket abe n'aritanee yooŋ t'eket i; ondu inde *baatos Atambatun, abe aŋ'áwasiyano bija t'úne.

Eleetar i yi Pool akiñje i bakate ku Rom 8:38

Ábuki bukuuramkuur kaanuku doon diyinaat kákinineŋ kámaŋi k'Atambatun ámaŋie ku úne nu kuwas. Eket i, nu buroŋ bu, n'emalaka i, ni sirab su, nu buroon beebaje bu hahiye, ni beeware bu bibin kabaju, ni bakate sembe su, nu buroon beeemo bu t'etiir, ni beeemo bu yooŋ t'etaam, nu doon fe déewuwanee, mayet bifeeneŋ tu bondu biyino kákinineŋ kámaŋi k'Atambatun ámaŋie ku úne áŋaasann ko t'Anahaan ite úne Yesu Kiris nu kuwas.

1 Korent 15:24

Abe n'aŋ'áami kamoosen ku: Kiris kábuju sembe sánosan fe seejakut, n'eseef yeeniin, nu ñúwejet ñeejakut ñu fe, ahaban n'aŋ'abatikan Atambatun Faaf u híyiaate hu.

Kolos 3:1

Ariritaneeritan t'eket i ni Kiris. Náami ariŋes buroon bite bu t'etiir, ti Kiris aamo du t'ariikee inde *baatos Atambatun.

Esuwif i 1:13

Atambatun ámusut kaanu amalaka: «A̱riiko inde *baatosam, ayak abin áami ikalaa enatoora íiwe tuus, awe á̱ayemi áyi u.»

Esuwif i 1:3

Meejaaŋe mite kániku kite Atambatun mujukanajukano te o. Akina átumbe fu áyemi búnokoorum bite Atambatun, abe akina áyekane fu dóonodoon fe ni hirim hoone heebaje hu sembe. H'aamo hu *akuurana kúŋgowulan ku tu wuhoofoor wooniin ahaban, n'ariiko t'etiir bufor bu inde *baatos Atambatun eehahe u.

Esuwif i 1:6

Bare kóyin k'áboñina ku Añi oone átiyar u t'etaam i, aanaan: «Emalaka íima fe kájiŋgitan hágilao.»

Esuwif i 10:12

Kiris bare áhinahin kaasarah kifeeneŋ hiraanu bija tu wuhoofoor wu, abe n'ariiko inde *baatos Atambatun.

Esuwif i 12:2

Úsik ñíkin úne únaŋ ti Yesu éefeŋgine u úne bítim bu núubaj káyilen, abe o aja fu káhinu ko keehaŋ kayanu. Ámuñamuñ keeyoolo *t'ekuruwa i, abe ajukerut yooŋ iŋ'ite ñufuñ ñeeemo ñu t'eket naane yendu, ábuki aŋandanaŋandan katoofu keefaree ku bija te o. Hahiyu ariikaa inde *baatos báariikeim bite Atambatun bite híyiaate hu.

Esuwif i 4:14

Úbajabaj *asaraha ómbokun, o aamo fu Yesu, Añi ite Atambatun. Akanakan bufor bu eeja t'Atambatun. Náami újok alit tip ti káyilen kite k'úne.

Esuwif i 6:20

ti Yesu ágilane du úne eeyooso kaanuku éeyokunan úne. Áyemia *asaraha ómbokun hiraanu naane Melkisedek.

Esuwif i 8:1

Bonde beemo fu beehaŋe bu fe ti b'iriemo bu ti kasoku ku: úbajabaj *asaraha ómbokun naane ondu i irisokuun u tu bondu b'únuut bee te bo. Ariikariiko t'etiir bufor bu, inde *baatos báariikeim bite híyiaate hu, bite b'Atambatun eehahe u.

Esuwif i 9:24

Ábuki *Kiris ayooseit tiŋ *t'Anabe-nab tu kúŋgowulan ku kanoŋke keerok, t'aamo búnokoorum barebare bite beeemo bu bite nu múniyo. Humuum tu bufor bu t'ayoosee fu, abe hahiye ondu bo hágila Atambatun bija t'úne.