1 Piyeer 3:21 - Kwatay (Kuwaataay)

²¹ Móhujo mondu múmoomi naane *kaboste ku kiŋki kifakanuun hahiye. Kaboste kondu, káanukiiit kite kañawu ñubub ñite eni. Aaa, ko kite kájeŋgin Atambatun nu búwejet beekuure. Kaboste ku iŋi kifakan úne aŋarkeyi naane Yesu Kiris aritaneeritan t'eket i.

1 Piyeer 3:21 ပူးပေါင်းရင်းမြစ်များ

Májiye 28:19

Náami arija tánotan fe t'etaam ye, abe n'árihin ésuk i kéeyemi eriboora íima: *aribosteiin tu huruwu hite Faaf u, n'Añi u, nu Búwejet Beenabe bu,

Mark 16:16

An eeja u káyilen, abe *n'abostee, o kafaku. Bare an at'a áyilen, Atambatun akufokufo awasan.

Saaŋ 13:9

Simoŋ Piyeer n'aano: —Anahaan u, kame atum'a̱raan tu wuwot wu barebare; a̱ñawam sumoŋu ni hikaw hu fe!

Epotor i 16:33

T'ewahatu yendu yite i nu huhuk hu, ajukara ite ekulu i n'aja nu boko, abe n'añaw busontaay booniin. N'ahaŋ abostee, akina nu butoŋo fe.

Epotor i 2:38

Piyeer n'aaniin: —Ariwatanooro kinij koonuun keejakut ku, abe huruw t'aruun n'áhin eebostee tu huruwu hite Yesu *Kiris man wuhoofoor woone nu wuboŋketee, abe Atambatun n'aŋ'awunuun Búwejet Beenabe bu.

Epotor i 22:16

Hahiyu naŋ n'a̱nahan fu? A̱rito, a̱bostee, wuhoofoor wúuwe weeñawee, awe ti karuwu huruwu hoone.”»

Epotor i 8:36

Bokondu ti bija bu, ni kareeŋ tike tiŋ tu móhujo meemo. Ániine u n'aane: —A̱juk, móhujo mondu. Naŋ nukolene fu kaanuku iibostee?

Eleetar i yi Pool akiñje i bakate ku Rom 5:14

Bare huta hu t'Adam bija yooŋ tu Moyis, eket i eŋ'émiñ ésuk i fe, bija yooŋ ni keehoofoorut ku naane Adam éejeŋginut u b'Atambatun asoko bu. Adam áyemie fu búnokoorum bite an eeware u bibin,

1 Korent 12:13

Bakaake t'úne Esuwif, bakaaku kanooto Esuwif, bakaake búsukateen, bakaaku kanooto búsukateen, bare úreyi fe *úbostee fu tu Búwejet Beenabe bu bifeeneŋ bu kaanuku núuhin eni efeeneŋ. Abe Búwejet Beenabe bu bifeeneŋ bu bibine fu t'úne úreyi fe.

1 Korent 4:6

Kújakuwe, b'isoke bee bireyi fe, iliikaliik bo t'íñje n'Apolos kaanuku iiliikenuun man n'áriyini kánandin naane báhamin bonde bije i. Beenaan: «Bijakajak an n'araan ti beesokee bu ti *Míkiñjin mu.» Káhinu iyu, an t'aruun man aŋ'asaŋg ti bísiiŋooreina n'ake kéesokum áwiyo.

2 Korent 1:12

Iisokuun bimb'irisaŋgoor ne bo: sihel site s'uni súwufoorawufoor uni kaanuku iririikariiko n'ésuk i biriiko beejoŋoore, ni bijak yooŋ, áhaŋum n'aruun. Abe bondu fe t'Atambatun tu búnuutina fu. Káanukiiit tu búwesinato bite húŋgowulan. Aaa, t'Atambatun éewufoore u uni kajaku koone tu búnuutina fu.

2 Korent 7:1

Kújakuwe, aruun k'ímaŋie-maŋie ku, makamu Atambatun aanaan o káhinu úne bondu fe, úkuuranooro tu buroon bu fe bumbu bubuusatan sini su nu ñúwejet ñu. Úbaj buroŋ bite bakan keenabe kareeŋ, abe n'úkoleyi Atambatun.

Galasi 3:27

Aruun fe *keebostee ku tu huruwu hite Kiris, áriyemia naane akina humuumo.

Efees 5:26

Áhinahin bondu kaanuku éekajiniin bija t'Atambatun. *Akuuraniinkuuran nu móhujo, ni hirim hu yooŋ.

Kolos 2:12

*H'aribostee hu, anokooreenokoor kite arihokeehok ni Kiris, abe n'ariritanee yooŋ ne o, ábuki áriyilenayilen ti sembe site Atambatun eeritano u t'eket i.

1 Timote 1:5

Káyeegal kondu kite káhinu *kéeyilene ku kéemaŋioori kámaŋi kéenuutina t'ehol yeekuure, nu búwejet beejake, ni káyilen keeyane.

1 Timote 6:12

Á̱tuum étuum yeejake i yey'ebin ni káyilen ku. A̱jok buroŋ béehabanaariit bu, ábuki Atambatun aruwiruw kaanuku a̱abaj bo. Abe a̱binabina á̱hamin atoof aa ti káyilen kúuwe tu buhooŋu bakan keehooje.

Esuwif i 10:22

Náami úloh Atambatun nu suhol séejube, kikaw úne yooŋ kiyaŋg piŋ núuyilen, ábuki halan hite *Kiris hukuuranakuuran suhol site s'úne ti biyinoor bánoban beejakut, abe sini site s'úne siñaweeñaw yooŋ nu móhujo meekuure.

Esuwif i 11:19

Aburaham n'ayinoor aane Atambatun abajabaj sembe site karitan an eekete. Abe Atambatun n'abatikano añi oone, t'áami naane an eeritanee t'eket i.

Esuwif i 13:18

Arilaw bija t'uni. Bukuurakuur uni kaanuku ñúwejet ñite ñ'uni ñukuurakuur, abe írimaŋamaŋi káhinu ko kireyi fe meejake.

Esuwif i 9:14

Arko bondu bite toko, halan hite Kiris hihaŋe kame sembe! Ábuki ásikasik enio eesarah yo Atambatun kaasarah keekuure but, ti sembe site Búwejet Beenabe bu béeketaariit bu. Halan hoone kakuuran sihel site s'úne ti kinij keebajut ku éñjeriŋ kiŋki kibin n'eket i, kaanuku man n'úyini karoku bija t'Atambatun eeemo u buroŋ.

Esuwif i 9:24

Ábuki *Kiris ayooseit tiŋ *t'Anabe-nab tu kúŋgowulan ku kanoŋke keerok, t'aamo búnokoorum barebare bite beeemo bu bite nu múniyo. Humuum tu bufor bu t'ayoosee fu, abe hahiye ondu bo hágila Atambatun bija t'úne.

1 Piyeer 1:3

Úsokoroor Atambatun Faaf ite Anahaan ite úne Yesu *Kiris! Ti kajaku koone kómbokun ku k'áwufoore ku úne, awunawun úne buroŋ bíyeni h'aritane hu Yesu Kiris t'eket i. Iyu u úbaje fu eyakar yéeketaariit,

1 Piyeer 3:16

Abe n'aribeben tíŋ, abe n'arisaaho yooŋ ti kásafin kooniin. Ñúwejet ñoonuun *ñukuur but, kaanuku man bakan ifi kajuus kasaanuun, man yooŋ ni kasok bike tu buroŋ boonuun ni Kiris beejake bu, ni kafuño.