1 Piyeer 3:14 - Kwatay (Kuwaataay)

¹⁴ Hutoof yooŋ ariwarawar kajuku sílaam aŋarkeyi naane aŋ'árihin meejake, kikawuun n'uŋu kutoof. Atum'árikoleyi an, abe atum'ariwas an eehohotanuun.

1 Piyeer 3:14 ပူးပေါင်းရင်းမြစ်များ

Májiye 10:28

Atum'árikoleyi kiŋki kayool eni i, abe kayinaat kayoolu yaan i. Ho húkoyie árikoleyi Atambatun eeemo u áyinooni kábuju eni i ni yaan i sambuun.

Májiye 10:31

Náami atum'árikoleyi: t'Atambatun, arihaŋahaŋ fuf bíndiri úkaan!

Májiye 10:39

An af'ámaŋi kafakan síhiinio, o bútowuto. An n'afin aket uŋu húuma hu, o karoŋu.

Májiye 16:25

Ábuki an af'ámaŋi kafakan síhiinio, o bútowuto. An n'afin aket uŋu húuma hu, o karoŋu.

Májiye 19:29

Bakan ifi kawas sunuuf sooniin, man yooŋ bakatiiin, bákaniiniin, sifaafiin, síñaayiin, bakañiiin, ni kitaaŋaat kooniin uŋu húuma hu, boko kabaju buroon bondu kireeŋ téemeer, abe n'iŋi kawunee yooŋ buroŋ béehabanaariit bu.

Mark 10:29

Yesu n'aaniin: —Iisokuun bifeeneŋ bu: an af'awas enuuf yeene, man yooŋ bakat'o, bákaniino, íñaayo, faafo, bakañio, man yooŋ kitaaŋaat koone uŋu húuma hu ni Hirim Heetoofe hu,

Mark 8:35

Ábuki an af'ámaŋi kafakan síhiinio, o bútowuto. An n'afin aket uŋu húuma hu ni Hirim Heetoofe hu, o karoŋu.

Saaŋ 14:1

Yesu n'asooñ aaniin: —Atum'ariyinoor doon fe. Áriyilen t'Atambatun, abe n'áriyilen yooŋ t'íñje.

Saaŋ 14:27

«Káasuumaay k'iwas fee n'aruun; káasuumaay kúuma k'iwunuun fu. Iwunutuun ko aliik naane bakate ku t'etaam ye ii kawun. Atum'ariyinoor doon fe, atum'árikoleyi yooŋ.

Epotor i 9:16

Abe íñje yooŋ káwufooro sílaam su fe s'aja su kajuku uŋu húuma hu.

2 Korent 12:10

Iŋ'ite ho aamo fu kabajaate kúuma kite sembe su, ni kílafatinu ku, nu kúnuur ku, ni káhihinoor ku, nu wútaañi wu, hikawam uŋu hutoof dómbokun kane bondu fe bibajam iŋ'ite hu Kiris. Ábuki if'ija ayak abin áami iŋkut ibaj sembe, toko ti sembe site Kiris t'ifi síyemi t'íñje.

Fílip 1:29

Ábuki Atambatun awunuunwun káanukiiit áriiyilen ti Kiris barebare, bare kaanuku yooŋ ariijuk sílaam uŋu hoone hu.

Saak 1:12

Atoof t'an kane ajok alitee o ti sílaam; ábuki af'áwufoor kaanuku ajokajok alitee ahaban, o kabaju hisiibanu: ho heemo fu buroŋ b'Atambatun aane bu o kawunu kéemaŋio ku.

Saak 5:11

Uŋ'úene katoofana, ábuki kajokajok alitee. Arijamajam naane Sob abine i ámuñ, abe árimoomi naŋ n'Atemit abine fu awuno. Ábuki Atemit aŋ'ayubiyen naane, abe ajakajak faa t'ésuk i.

1 Piyeer 3:6

Iyu i Saara af'áhinaani; ájeŋginajeŋgin *Aburaham, abe kaanuku eeruwo, n'aŋ'aano «Anahaan úuma». Af'árihin meejake, abe afut'árikoleyi yooŋ doon fe, n'aŋ'áami hahiyu áriyemia naane akina.