1 Piyeer 2:9 - Kwatay (Kuwaataay)

⁹ Bare aruun, aruun ariemo fu eheet yeejifanee i, aruun ariemo fu esaraha i bakate ku Atambatun Áyi u, aruun ariemo fu ésuk yeenabe i, aruun ariemo fu bakan kite Atambatun. Arijifaneejifan kaanuku aŋ'aribin arisok buroon béewarie bu b'Atambatun áhine bu, akina eeruwuun u kaanuku áriinuutin t'ébaani i, ariibin ti meejaaŋe moone méewarie-warie mu.

1 Piyeer 2:9 ပူးပေါင်းရင်းမြစ်များ

Májiye 4:16

Bokondu kéeyemie ku t'ébaani kajukajuk meejaaŋe wililil! Abe kéekinaanie ku t'ésuk yéebaanie i yite eket i, meejaaŋe mu míŋaasino!»

Májiye 5:16

Iyu yooŋ i meejaaŋe moonuun muware fu kajaaŋan ésuk i, kaanuku man ni kajuk meejake mamm'árihin, abe ni kasokoroor Faafuun eeemo u t'etiir.

Hirim Heetoofe hu hi Luk akiñje hu 1:79

O bibin kajaaŋan keeemo ku t'ébaani i, ni bakan k'eket i eŋolool ku, éehin úne núuja ti bítim bite káasuumaay ku.

Saaŋ 17:19

Isaanisaan buroŋ búuma bireyi fe uŋu hooniin hu, kaanuku man boko yooŋ ni káyemi bakan kúuwe káhabanein.

Epotor i 20:28

Áriwasiyoor kikawuun, abe n'arinaŋ ko yooŋ ti kaahaaw ku fe ku Búwejet Beenabe bu bisaanuun ku ariihaaw. Áriyemi ehaawa yite bakate ku Atambatun kéeyilene ku, k'aŋese ku ni halan hite Añi oone.

Epotor i 26:18

Iiboñi a̱aja á̱feŋgin ñíkiniin, abe n'á̱nuutanniin t'ébaani i keebin ti meejaaŋe mu. Boko kánuutina ti sembe site Setani keebin t'Atambatun. Ifi káyilen t'íñje, wuhoofoor wooniin n'uŋu wuboŋketee, abe n'iŋi káyini kareyi ti bakan kite Atambatun.»

Epotor i 26:28

Agiripa n'aane Pool: —Butum á̱maŋamaŋi káhiniam íiyemi Akarjen ahil iye?

Eleetar i yi Pool akiñje i bakate ku Rom 9:24

Abe bakan kondu kaamo fu úne, úne k'aruwe ku, káanukiiit t'Esuwif i barebare, bare ti keenooto ku yooŋ Esuwif.

1 Korent 3:17

An af'ábuj enuuf ite Atambatun, Atambatun kábuju an ondu. Ábuki enuuf ite Atambatun enabanab, abe aruun ariemo fu enuuf yendu.

Efees 1:14

Búwejet Beenabe bu beemo fu húrub hítiyar hu ti meejake m'Atambatun anaŋe mu bija ti bakan koone. Úne kabaju mo kane úfakanee kuur. Náami úsokoroor Atambatun naane ahahe i!

Efees 1:6

Náami úsokorooro iŋi meejake moone meehahe mu. Anoŋkanoŋk eewun úne mo fuufu iŋi naane úhine i t'afeeneŋ n'Añi oone a ámaŋie-maŋie u.

Efees 3:21

Aja ákini ko kireyi fe ni hiraanu kániku ku tu buroŋ bite *kéeyilene ku, ni ti Yesu Kiris! Amiin.

Fílip 3:14

íñj'endu ti kateyi kep kaanuku man n'ísik hisiibanu hu. Atambatun aruwaruw úne kaanuku núusik ho t'etiir iŋi naane úhine i t'afeeneŋ ni Yesu Kiris.

Kolos 1:13

Aramaram úne ti sembe site ébaani i, abe n'aja n'úne ti Jáyi jite Añi oone a ámaŋie u.

2 Timote 1:9

Akina afakane fu úne, abe n'aruw úne kaanuku núuyemi bakan koone keenabe. Káanukiiit man úne únoŋke ajakee, bare aŋarkeyi naane búmoomi ti hikawo, abe yooŋ ámaŋamaŋi káwufoor úne kajaku koone. T'etaam i éwuwanoorutee, aanaan o kaŋaasu ti Yesu *Kiris éewufoor úne kajaku koone.

Eleetar i yi Pool akiñje i Tit 2:14

Awunawun buroŋ boone iŋ'ite h'úne, kaanuku eefakan úne ti meejakut fe, abe n'akuuran úne. Iyu, n'uŋ'útumb úyemi bakan koone kéeñiŋkaane ti káhinu buroon beejake taŋ.

1 Piyeer 1:2

Atambatun Faaf u ajifanuunjifan aliik naane t'afiye du asok. Búwejet boone bíhinuunhin áriiyemi bokoone ku kaanuku áriijeŋgin Yesu Kiris, abe halan hoone nu *hukuuranuun. Atambatun aja ahaŋuun kásoniyan, abe n'awunuun yooŋ káasuumaay keefame-fam.

1 Piyeer 2:5

Áritofin man aruun yooŋ n'ariyitee naane bujuju beeroŋe, bija tu kunut kite enuuf ite Búwejet Beenabe bu. Aruun káyemi toko eja yite *esaraha keenabe, aŋ'aribin arisarah naane Búwejet bu busokuun i, abe Atambatun n'aŋ'asa wo iŋ'ite hu Yesu *Kiris.

1 Piyeer 4:11

An eeemo ti kawaare awarawar kasoku kirim kite Atambatun. An eeemo ti káyokunan ake awarawar káhabanna sembe s'Atambatun awuno su, kaanuku man tu buroon bu fe Atambatun n'asokorooree iŋ'ite hu Yesu *Kiris. Kániku ku kíyemi koone ku hiraanu, ni sembe su fe! Amiin.

Kafeeñal ku 1:6

Áhinahin úne núuyemi bakan bakate ti jáyi joone. Áhinahin úne yooŋ núuyemi éhina *wusarah bija t'Atambatun Faafo. Yesu Kiris aja ákini hiraanu kániku ku ni sembe su! Amiin.

Kafeeñal ku 20:6

Atoof ti keeyak ku karitanee ti bíriteina bítiyar bondu bite t'eket i. Boko bakan bakate Atambatun! Eket ésooboriyan i et'éyini tu boko doon. Boko káyemi éhina *wusarah bakate Atambatun ni Kiris, abe ni káyemi bákayi ni Kiris bija simit éñjune.

Kafeeñal ku 5:10

Á̱hiniinhin kéeyemi bakan kúuwe, n'éhina *wusarah bija t'Atambatun ite úne, abe boko káyemi bákayi kite etaam i.»