1 Piyeer 2:8 - Kwatay (Kuwaataay)

⁸ Nu busooñ busokee toko kaanuku: «Ejuju yendu ef'ékinineŋ ésuk i n'ébiŋan, elaaliñj yendu ef'ékinineŋ ésuk i n'eney.» Ésuk i kábiŋanabiŋan ábuki kateñekateñeko káyilen ti hirim hite Atambatun, abe bondu bifiye fu buwariin kabaju.

1 Piyeer 2:8 ပူးပေါင်းရင်းမြစ်များ

Hirim Heetoofe hu hi Luk akiñje hu 2:34

Simiyoŋ n'ásoniyaniin, abe n'aane Mari íñaay ite Yesu: —Atambatun ajifanajifan añi onde kaanuku eebin eeneyan bakan keehooje *t'Israyel, abe n'aritan bakan keehooje. O káyemi báaluwenum bite Atambatun, bare ésuk i biteñekoo.

Eleetar i yi Pool akiñje i bakate ku Rom 9:22

Atambatun ámaŋamaŋi káwufoor kaanuku ayiŋatayiŋat ti bakan kéesufano ku ehol, abe ni kajar kayooliee, kaanuku man sembe soone nu sujukee tu boko. Bare áhinut bo, ámuñaliinmuñal dómbombokun.

1 Korent 1:23

Uni bare iŋ'iriwaare kaanuku *Afakana u atibeetib t'ekuruwa i: t'Esuwif i, an af'asok bondu n'aŋ'áami álafatina Atambatun, ti keenooto ku Esuwif, bondu buñunut.

Galasi 5:11

Kújakuwe, arko múniyo iroŋa ti kawaare ésuk i eeniin kawarawar kateyi karam, n'iroŋ fíya ti káhihinooree? Arko fu yéeni múniyo, an man aŋk'átaañian t'íñje ti bimb'iwaare bite eket ite Kiris *t'ekuruwa i.

1 Tesalonik 5:9

Atambatun ajifanut úne kaanuku núubin újuk kayiŋat koone, bare kaanuku eebin eeŋaas t'Anahaan ite úne Yesu Kiris eefakan úne.

1 Piyeer 2:6

Ábuki Míkiñjin mu meenaan: «Arijam! Ijifanajifan elaaliñj yeebaje éñjeriŋ, abe iisiiŋan yo *Siyoŋ yéeyemi meeyane mite enuuf i; an éeyilene u te yo at'afuño hikee.»

1 Piyeer 2:7

Elaaliñj yendu ebajabaj éñjeriŋ yómbokun t'aruun *kéeyilene ku. Bare ti kéeyilenut ku, «Elaaliñj i y'enuta i káfiitene i yéeni, yo esooñe fu éyemi meeyane mite enuuf i.»

2 Piyeer 2:3

Émuse yendu, káfaŋi kooniin kite sírirem su káhinu ni kasokuun báhamin bi kanoŋke kéetuut, kaanuku man ni kahoohuun. Bare afiyee naane kajoonan kooniin kisiiŋee i, abe at'ahul bútowuto booniin ni bireeŋ!

Eleetar i yi Sud akiñje i 1:4

Ábuki abajeebaj bakan keejakut, kéenuusee kéeyoosein t'aruun. Iŋi kawetekanoor hirim heesoke hu mite kajaku kite Atambatun ite úne, kaanuku kéeyini káhinu beejakut naane hutoofiin i. Iyu ifi kateñeko Yesu *Kiris eeemo u Aseef ite úne unoono, n'Anahaan u yooŋ toko. Afiyeefiyo naane *Míkiñjin mu musoke i buŋ b'Atambatun aja fu kaniju tu boko.