1 Piyeer 2:5 - Kwatay (Kuwaataay)

⁵ Áritofin man aruun yooŋ n'ariyitee naane bujuju beeroŋe, bija tu kunut kite enuuf ite Búwejet Beenabe bu. Aruun káyemi toko eja yite *esaraha keenabe, aŋ'aribin arisarah naane Búwejet bu busokuun i, abe Atambatun n'aŋ'asa wo iŋ'ite hu Yesu *Kiris.

1 Piyeer 2:5 ပူးပေါင်းရင်းမြစ်များ

Eleetar i yi Pool akiñje i bakate ku Rom 12:1

Náami kújakuwe, makamu Atambatun aŋ'ayubiyen úne dómbokun, íñj'endu ti kaanuuun waasi, ariwuno siniuun naane *kaasarah keeroŋe, keenabe yooŋ, abe nu kutoofo. Iyu a ariwaro fu kasayi ti hiñaawu nu múniyo.

Eleetar i yi Pool akiñje i bakate ku Rom 15:16

íiyemi aroka ite Yesu *Kiris bija ti keenooto ku Esuwif. Burok b'eemo bee te bo bite kawaare kite Hirim Heetoofe hu búmoomi naane bite *asaraha, kaanuku man keenooto ku Esuwif ni káyini káyemi kaasarah keetoofe Atambatun, ku Búwejet Beenabe bu bíkajine bija te o.

1 Korent 3:16

Kame árimeyiit kaanuku aruun ariemo fu enuuf ite Atambatun, abe Búwejet bite Atambatun bikinakin t'aruun?

1 Korent 6:19

Árimeyiit kaanuku sini soonuun seemo fu enuuf ite Búwejet Beenabe bu, Búwejet beeemo bu t'aruun b'Atambatun awunuun bu? Árikiniit sini soonuun:

2 Korent 6:16

*Enuuf ite Atambatun éyinooni fíya kakolu nu ñúwisenum ñu? Ábuki fu úne úemo fu enuuf ite Atambatun eeemo u buroŋ. Akina humuumo Atambatun asokasok aane: «Íñje kakinu t'etutiin, abe n'iŋ'iŋ'iriboor nu boko. Íñje káyemi Atambatun ooniin, boko n'iŋi káyemi bakan kúuma.»

Galasi 6:10

Náami kóyin k'úbaje bítim kep, úhin meejake bija t'ésuk i ereyi fe, áhaŋum ti *kéeyilene ku naane úne.

Fílip 1:11

Yala kunoŋk koonuun fe ni kíyemi keejake ti sembe site Yesu Kiris, bija ti kánikan kite Atambatun, ni kasokoroor koone.

Fílip 2:17

Naane áriyilene i t'Atambatun, anokooreenokoor naane *kaasarah. Maske boko kayooliam, bare ifi bibaj, halan húuma káwutiyenee ti kaasarah kondu, abe hikawam n'uŋu hutoof dómbokun. Abe katoofu keeemo ku t'íñje, ímaŋamaŋi aribaj ko.

Fílip 4:18

Ijukajuk buroon b'áriboñinam bu fe, abe ahaheehah. Makamu Épafurodit abinambin nu buroon b'áriboñinam bu, hahiyu ibaja doon d'isawulee du fe. Buroon b'ariwunam bu búmoomi naane *kaasarah keehunde, kaasarah k'Atambatun ase, abe nu kutoofo.

Kolos 3:17

Abe doon fe d'ariemo ti káhinu, man yooŋ ti kasoku, árihin do tu huruwu hite Anahaan u Yesu, abe n'ariene yooŋ Atambatun Faaf u eyeehen uŋu hoone hu.

1 Timote 3:15

bibin búuma ufu búkuri, n'á̱meyi buŋ bu buroŋ bite an buware fu káyemi tu butoŋ bite Atambatun. Butoŋ bondu beemo fu bakate ku Atambatun eeemo u buroŋ *kéeyilene ku, keeemo ku naane hiñaan hítiyar hite enuuf tu múniyo mu miyaajee du.

Esuwif i 3:6

Bare *Kiris ájubajub naane Añi i Faafo asaane enuuf yeene aano áyemi hikaw hu. Abe enuuf yeene yeemo fu úne, kane arko kikaw úne keeyaŋg, abe n'únaŋ sihel site s'úne yooŋ tu doon d'úyakare du.

1 Piyeer 2:9

Bare aruun, aruun ariemo fu eheet yeejifanee i, aruun ariemo fu esaraha i bakate ku Atambatun Áyi u, aruun ariemo fu ésuk yeenabe i, aruun ariemo fu bakan kite Atambatun. Arijifaneejifan kaanuku aŋ'aribin arisok buroon béewarie bu b'Atambatun áhine bu, akina eeruwuun u kaanuku áriinuutin t'ébaani i, ariibin ti meejaaŋe moone méewarie-warie mu.

1 Piyeer 4:11

An eeemo ti kawaare awarawar kasoku kirim kite Atambatun. An eeemo ti káyokunan ake awarawar káhabanna sembe s'Atambatun awuno su, kaanuku man tu buroon bu fe Atambatun n'asokorooree iŋ'ite hu Yesu *Kiris. Kániku ku kíyemi koone ku hiraanu, ni sembe su fe! Amiin.

1 Piyeer 4:17

Hunak hite Kajoonan ku hireeŋa, abe t'ajab ti bakan kite Atambatun. Abe arko keejab t'úne, buŋ fíya bi bija fu búmuje ni keeteñekee ku káyilen Hirim Heetoofe hite h'Atambatun?

Kafeeñal ku 1:6

Áhinahin úne núuyemi bakan bakate ti jáyi joone. Áhinahin úne yooŋ núuyemi éhina *wusarah bija t'Atambatun Faafo. Yesu Kiris aja ákini hiraanu kániku ku ni sembe su! Amiin.

Kafeeñal ku 20:6

Atoof ti keeyak ku karitanee ti bíriteina bítiyar bondu bite t'eket i. Boko bakan bakate Atambatun! Eket ésooboriyan i et'éyini tu boko doon. Boko káyemi éhina *wusarah bakate Atambatun ni Kiris, abe ni káyemi bákayi ni Kiris bija simit éñjune.

Kafeeñal ku 3:12

An fe eeyak kariiŋan, íñje káhinio éeyemi éniñj t'enuuf ite Atambatun úuma, abe aroŋut hikee kánuutina toko. Íñje kakiñju te o huruwu hite Atambatun úuma, nu huruwu húuma híyeni hu, nu huruwu hite hikinu hite Atambatun úuma. Hikinu hondu heemo fu Serusalem éyeni i, yeeja i kánuutina t'etiir bufor bu t'Atambatun úuma yéewanein.

Kafeeñal ku 5:10

Á̱hiniinhin kéeyemi bakan kúuwe, n'éhina *wusarah bija t'Atambatun ite úne, abe boko káyemi bákayi kite etaam i.»