1 Piyeer 2:24 - Kwatay (Kuwaataay)

²⁴ Akina *t'ekuruwa i, ayitayit t'enio wuhoofoor wute w'úne, kaanuku man n'úwasoor ni kaahoofoor ku núuyooso tu buroŋ beejoŋoore. Hee, iŋi busontaay bite bu Kiris h'aribaje fu káasuumaay.

1 Piyeer 2:24 ပူးပေါင်းရင်းမြစ်များ

Májiye 27:26

Náami Pilat eewasaniin Barabas. N'áhin Yesu éemiñee ni hikarawas, abe n'ásiko asaan esulaan i kaanuku keetibo t'ekuruwa.

Májiye 5:20

Íñje isok fee n'aruun: afut'aŋ'árihin naane Atambatun ámaŋie i arihaŋ *Efarisiyeŋ i *n'émuse yite Eluwa yite Moyis, at'ariyooso hikee ti Jáyi joone.

Májiye 8:17

Iyu i bije fii kaanuku hirim honde *h'Esayi *ayiŋana ite Atambatun abine hu asok ni hibaj. Aanaan: «Ásikasik te o kátimu kite k'úne, abe n'asejo wúsomut wute w'úne.»

Mark 15:15

Pilat n'ámaŋi káhinu hahooja hu siheliin seerooŋo. Náami eewasaniin Barabas. Ahaban, n'áhin Yesu éemiñee ni hikarawas, abe n'ásiko asaan esulaan i kaanuku keetibo t'ekuruwa.

Hirim Heetoofe hu hi Luk akiñje hu 4:18

«Búwejet bite Atemit bondu t'íñje, iŋ'ite ho h'ajifanam fu kaanuku iibin isok keebajut ku doon fe Hirim Heetoofe hu. Áboñinamboñin iisok keekulee ku kaanuku kawasanee, n'íwufoor kéefuume ku kaanuku káyinooni kajuku, kéehihinooree ku kaanuku boko karamiee,

Saaŋ 1:29

Tifiit, Saaŋ n'ajuk Yesu ti bibin ásooñann nu boone. N'aane: —O onde, Ametek ite Atambatun aa anuutan wuhoofoor wute ésuk i.

Saaŋ 19:1

Náami Pilat eeeniin kajok Yesu kéemiño ni hikarawas.

Epotor i 10:35

Tánotan fe t'etaam ye, an af'ájeŋgino abe n'aŋ'áhin beejake bu, atoofotoof.

Epotor i 10:39

Uni iriseede fu b'áhine bu fe Serusalem, ni ti kaaku kikinu kite Esuwif i. Ni kayoolo hi katibo hu *t'ekuruwa,

Epotor i 13:29

H'aamo hu káhina beesokee bu te o fe ti *Míkiñjin mu kahaban, ni kawanano *t'ekuruwa i, abe ni kahoko t'élum.

Epotor i 5:30

Atambatun ite sifaaf úne aritanaritan t'eket i Yesu a ariyoole u h'aritibo hu *t'ekuruwa.

Eleetar i yi Pool akiñje i bakate ku Rom 6:11

Náami aruun yooŋ árihin iye: ti kaahoofoor ku, arijokooro naane bakan keekete, abe n'arijokooro naane bakan keeroŋe bija t'Atambatun iŋi naane árihine i t'afeeneŋ ni Yesu Kiris.

Eleetar i yi Pool akiñje i bakate ku Rom 6:13

Atum'aŋk'árisik siniuun arisaan kaahoofoor ku, kaanuku iŋi sibin síhin meejakut mu. Árisik so arisaan Atambatun naane bakan keeritanee t'eket i, abe n'árihabanein fe tu burok boone, aŋ'aribin árihin beejoŋoore bu.

Eleetar i yi Pool akiñje i bakate ku Rom 6:16

Árimeyiit kaanuku af'árisik kikawuun arisaan ake, abe n'aŋ'arijam te o, áriyemia búsukateen boone? Hahiyu arijuk, man áriijeŋgin kaahoofoor ku kiŋki kibin n'eket i, man yooŋ áriijeŋgin Atambatun, abe n'aŋ'ajokuun bakan kéejube.

Eleetar i yi Pool akiñje i bakate ku Rom 6:2

Mánoman aaa! Ti kaahoofoor ku, úne bakan keekete. Buŋ b'úyinie fu kasooñu úkin te ko?

Eleetar i yi Pool akiñje i bakate ku Rom 6:22

Bare hahiye arikolut ni kaahoofoor ku, abe aruun búsukateen bite Atambatun. Doon d'aribaje du toko deemo fu buroŋ beenabe, abe ti biraanu, aruun kabaju buroŋ béehabanaariit.

Eleetar i yi Pool akiñje i bakate ku Rom 6:7

Ábuki an eekete ayihoora ni kaahoofoor ku.

Eleetar i yi Pool akiñje i bakate ku Rom 7:6

Bare hahiye uŋkut úkol n'Eluwa i, ábuki te yo yéekulaanie i úne, úmoomi naane bakan keekete. Náami úyinooni karoku bija t'Atambatun ti máhinar míyeni, ti sembe site Búwejet Beenabe bu, káanukiiit ti máhinar meefiyee méenuutina t'Eluwa i.

1 Korent 15:3

Bítiyar bu ti b'iliikenuun bu fe beemo fu bonde bi kaliikenam bu yooŋ: *Kiris aketaket bija tu wuhoofoor wute w'úne naane ti *Míkiñjin mu mifiye du musok.

2 Korent 6:17

Iŋ'ite ho h'Atemit aane fu: «Arinuut ti kéeyilenut ku áriiyemi káasiŋuun. Atum'arigor mayet doon *deekuurut, abe n'iŋ'ijokuun áwariee.

Galasi 3:13

Yesu Kiris áwuumee fu eeram úne t'úware du yéeni káwuumiee iŋi naane újeŋginut i Eluwa i ereyi, ábuki Míkiñjin mu meenaan: «An fe eekobee ti kaaland kite nunukanuk eeyoolee toko, Atambatun káwuumio.»

Efees 5:9

ábuki meejaaŋe mu uŋu mubuk doon fe deejake, ni deejoŋoore, ni dite múniyo.

Fílip 1:11

Yala kunoŋk koonuun fe ni kíyemi keejake ti sembe site Yesu Kiris, bija ti kánikan kite Atambatun, ni kasokoroor koone.

Kolos 2:14

Kaawiit keetinane ku úne yéeni iŋi naane újeŋginut i ko, Atambatun atibatib ko *t'ekuruwa yite Kiris eeneyan ko tuus.

Kolos 2:20

Ariketaket ni *Kiris, abe n'ariramee tu ñúwejet ñite sembe su ñeeemo ñu t'etaam ye. Náami iŋi naŋ nu buroŋ boonuun beemo fu naane bite bakate ku t'etaam ye? Iŋi naŋ n'af'aribeb keenoŋkooranuun buluwa naane bonde:

Kolos 3:3

Ábuki ariketaket, abe buroŋ boonuun búnuuseenuus ni Kiris t'Atambatun.

Esuwif i 10:10

Makamu Yesu Kiris áhina ahaban b'Atambatun ámaŋie bu, kaasarah k'áhine ku kite eni yeene, kifeeneŋ ku taŋ abe yooŋ kiraanu, kukuurana úne tu wuhoofoor wu.

Esuwif i 10:5

Iŋ'ite ho aamo fu hi Kiris áyemie hu ti bibin bu t'etaam ye, n'aane Atambatun: «A̱ŋesut man an n'asarahi enuk, a̱ŋesut yooŋ man an n'awuni dike doon, bare á̱hinamhin iibaj eni.

Esuwif i 12:13

Arija tu búhuhu beejoŋoore bu, man wuwot wute kiŋki kajiŋk utum wuhabanooro, bare nu wúkoyi.

Esuwif i 7:26

Náami Yesu aamo fu asaraha ómbokun u u úsawulee u. Anabanab, áhinaariit meejakut, áhoofooraariit, áhinaariitee t'afeeneŋ n'ehoofoora i, abe Atambatun ayitoyit t'etiir bufor bu.

Esuwif i 9:28

Iyu yooŋ i Kiris ásike fu enio eesarah hifeeneŋ kaanuku eenuutan wuhoofoor wute bakan keehooje-hooj. Abe o kásooñina húsooboriyan, káanukiiit bibin kanuutan wuhoofoor wu, bare kaanuku eebin eefakan keeemo ku ti kanahan koone.

Saak 5:16

Náami arisokoor wuhoofoor woonuun, abe n'aŋ'arilaw bija ti bakanuun man n'árikoyi. Kalawu kite an éejube kibajabaj sembe, abe kúnooni káhinu buroon bómbokun.

1 Saaŋ 2:29

Árimoomi kaanuku Kiris ájubajub. Náami ariwarawar yooŋ kámeyi kaanuku an fe aŋ'áhin beejoŋoore, akina añi ite Atambatun.

1 Saaŋ 3:7

Kúñuumo, atum'ariwas an fe eebuutuun! An aŋ'áhin béejube, ájubajub naane Yesu Kiris ájube i.

Kafeeñal ku 22:2

Móhujo mu iŋi mitey t'etut éhuhu yite hikinu hu. Nunukanuk nu nunnu nuwun buroŋ bu númoomi ti kaayelu ku kilandoole du, abe uŋu nubuk keemo sumoŋu nu kúsuba t'emit i, hiim-hiim fe hifeeneŋ. Búsuus bite te no uŋu busonten biheet bu fe.