1 Piyeer 2:21 - Kwatay (Kuwaataay)

²¹ Iŋ'ite hu bondu h'Atambatun aruwuun fu, ábuki *Kiris humuumo ajukajuk sílaam uŋu hoonuun hu, áwufooruunwufoor yooŋ bítim bu kaanuku man n'arisao ti hiñaawu.

1 Piyeer 2:21 ပူးပေါင်းရင်းမြစ်များ

Májiye 10:38

An eekandeit *ekuruwa yeene abe n'áseinam ti hiñaawu, ayinaat káyemi ariboora úuma.

Májiye 11:29

Arijam t'íñje, abe n'ariwasam íiwuforooruun, ábuki íneenaneeni abe iŋ'ímuñ yooŋ; n'aŋ'ariyih.

Májiye 16:24

Ahaban, Yesu n'aane eriboora yeene: —An af'ámaŋi kariboor n'íñje, atum'aŋk'ákini buroŋ boone. Akando *ekuruwa yeene éeseinam ti hiñaawu.

Hirim Heetoofe hu hi Luk akiñje hu 24:26

Kame *Afakana u awarut kajuku sílaam sondu, abe n'ayooso t'etiir t'ánikanee du?

Saaŋ 13:15

Íwufooruunwufoor naane ariware i káhinu kaanuku aŋ'aribin árihinoor iyu.

Saaŋ 16:33

Isokuunsok bonde kaanuku ariibaj t'íñje káasuumaay. Aruun kajuku sílaam t'etaam i. Bare arijok alitee! Iheekaheek etaam i!

Epotor i 14:22

N'iŋi kahaŋ yooŋ káwutiyen *kéeyilene ku sihel ti kikinu kondu, abe n'iŋi kaaniin káñiŋkaan keejok alit tip ti bítim bu. Iŋi kaaniin: —Úwarawar kajuku sílaam sómbokun kaanuku núuyooso ti *Jáyi jite Atambatun.

Epotor i 17:3

N'aŋ'asokiin, abe n'áwufooriin ti Míkiñjin mu kaanuku *Afakana u awarawar kajuku sílaam, abe n'arito t'eket i. N'aŋ'aaniin: —Yesu ondu ii isokuun ii aamo fu Afakana u.

Epotor i 9:16

Abe íñje yooŋ káwufooro sílaam su fe s'aja su kajuku uŋu húuma hu.

Eleetar i yi Pool akiñje i bakate ku Rom 8:29

Ábuki bakan k'asoŋke ku bijifan, asoŋka yooŋ bíhabaneina kaanuku eebin éehiniin keenokoor n'Añio, man Añio n'abin áyemi aneemak ite butoŋ beehooje.

1 Korent 11:1

Arineefan t'íñje naane íñje yooŋ ii ineefan ti Kiris.

Efees 5:2

Árimaŋioori ko kireyi fe tu buroŋ boonuun naane *Kiris ámaŋie i úne. Ámaŋamaŋi úne, abe n'ásik buroŋ boone eesaan bo bija t'úne naane *kaasarah keehunde-hund t'Atambatun.

Fílip 2:5

Abe n'aribaj búwejet naane bite bu Yesu Kiris:

1 Tesalonik 3:3

Káhinu iyu, an t'aruun man awas bítim bu iŋ'ite sílaam site su hahiye. Árimoomi aruun kumuumuun kaanuku sílaam naane sondu, so káreeŋina úne.

1 Tesalonik 4:2

Ábuki árimoomi báhamin b'irisokuun bu, béenuutina bu t'Anahaan u Yesu.

2 Timote 3:12

Kéemaŋie ku fe káhinu t'afeeneŋ ni Yesu *Kiris, abe ni kajok bítim bite Atambatun, boko káhihinooree.

Esuwif i 2:10

Atambatun áwuwanawuwan doon areyi fe, abe n'ákini do yooŋ. Ámaŋamaŋi bakan keehooje kéeyemi bakañio, keebin keemaat ti kániku koone. Makamu Yesu ajukajuk sílaam, Atambatun n'áhino éeyemi ágila eereeŋe kágilan bakan, éeyini káfeŋginiin bítim bite kafaku ku.

1 Piyeer 1:20

T'etaam i éwuwanoorutee n'Atambatun ajifano fu, abe afeeñafeeñ uŋu hoonuun hu tu kunak konde keeemo ku kiraanu ku.

1 Piyeer 2:24

Akina *t'ekuruwa i, ayitayit t'enio wuhoofoor wute w'úne, kaanuku man n'úwasoor ni kaahoofoor ku núuyooso tu buroŋ beejoŋoore. Hee, iŋi busontaay bite bu Kiris h'aribaje fu káasuumaay.

1 Piyeer 3:18

Múniyo Kiris humuumo aketaket hifeeneŋ, abe hiraanu, bija tu wuhoofoor wute kúŋgowulan ku. Akina eeemo u an eejake n'aket bija t'énafuta, kaanuku éehinuun ariibukan n'Atambatun. Enio yi kayoole fu, bare n'ábatikannee buroŋ tu Búwejet Beenabe bu.

1 Piyeer 3:9

An af'áhinuun beejakut, atum'arinukan; an af'álafatinuun, atum'arinukan yooŋ. Aruun árisoniyano kep, ábuki uŋu bondu h'Atambatun aruwuun fu, kaanuku eebin éesoniyanuun.

1 Piyeer 4:1

Makamu *Kiris ajukajuk sílaam t'enio, ariwarawar yooŋ bifare kajuku sílaam naane akina, ábuki an af'ajuk sílaam t'enio, awasoora ni kaahoofoor.

1 Piyeer 4:13

Kikawuun kutoof kep aŋarkeyi naane aŋ'arimaat ti sílaam site *Kiris, man hunak h'ésuk i eja hu kajuku kániku koone, n'aritoofan árihabanein.

1 Saaŋ 2:6

An af'asok aane áhinahin t'afeeneŋ n'Atambatun, awarawar kanaban tu wuwot wute Yesu.

1 Saaŋ 3:16

Iye u úmeyie fu naŋ neemo fu kámaŋi: Yesu *Kiris ásikasik síhiinio asaan bija t'úne. Náami úne yooŋ úwarawar kásiku síhiinu úne úsaan bija ti bakati úne.

Kafeeñal ku 12:11

Bakan úne kakalokalo iŋ'ite halan hite Ametek u, nu múniyo mi kaseedee mu. Kajukerut uŋu buroŋ booniin ni kaane kéekoleyi eket i.