1 Piyeer 2:16 - Kwatay (Kuwaataay)

¹⁶ Buroŋ boonuun bíyemi bite bakan keenuute tu húsukateenaate. Bare atum'ariyinoor n'ariene makamu ariroŋut búsukateen, áriyinooni kánuusu kunoŋk keejakut. Arinij naane eroka bakate Atambatun.

1 Piyeer 2:16 ပူးပေါင်းရင်းမြစ်များ

Májiye 23:13

—Átaañi t'aruun *émuse yite Eluwa yite Moyis, n'aruun *Efarisiyeŋ i! Ñatuuk ñondu! Arikulakul ésuk i tíyaŋ *Jáyi jite Atambatun. Ariyooseit toko aruun kumuumuun, abe n'ariteñeko yooŋ kawasu kéemaŋie ku keeyooso.

Saaŋ 15:22

Arko yéeni ibinut, abe íhaminutiin yooŋ, man kasejanee wuhoofoor wooniin. Bare hahiye, kabajut húkuuseima bija tu wuhoofoor wooniin.

Eleetar i yi Pool akiñje i bakate ku Rom 6:18

Aŋkut áriyemi búsukateen bite kaahoofoor ku; áriyemia búsukateen bite Atambatun kaanuku áriihin buroon beejoŋoore.

Eleetar i yi Pool akiñje i bakate ku Rom 6:22

Bare hahiye arikolut ni kaahoofoor ku, abe aruun búsukateen bite Atambatun. Doon d'aribaje du toko deemo fu buroŋ beenabe, abe ti biraanu, aruun kabaju buroŋ béehabanaariit.

1 Korent 7:22

Ábuki ásukateen a Anahaan u aruwe anuuta tu húsukateenaate hu, abe akina an ite Anahaan u. An yooŋ eenooto ásukateen abe *Kiris n'aruwo, áyemia ásukateen ite Kiris.

Galasi 5:1

*Kiris aramaram úne kaanuku utum'uŋk'úyemi búsukateen bite Eluwa yite Esuwif i. Náami arijok alitee, atum'aŋk'arisooñ áriyemi búsukateen.

Galasi 5:13

Kújakuwe, aruun bare Atambatun aruwuunruw kaanuku atum'aŋk'áriyemi búsukateen. Bare naane aŋkut i áriyemi búsukateen, atum'arikuuso te bo ariinaban wúfaŋi woonuun weejakut wu. Bare árimaŋioori, abe n'aŋ'áriyokunanoor.

Efees 6:6

Atum'árihin bondu kane káyemiuun ti kajukar barebare, kaanuku man n'aritoofiin. Bare áriñiŋkaan áriihin b'Atambatun ámaŋie bu naane búsukateen bakate Kiris.

Kolos 3:24

Árimoomi kaanuku Anahaan u kasiibanuun ti biŋeñen b'anaŋe bu bija ti bakan koone. An éekiniuun u aa arirok bija te o, o aamo fu *Kiris Anahaan u.

1 Tesalonik 2:5

Árimoomi kaanuku írimusut kásoŋotiyanuun, abe Atambatun ámoomi kaanuku irimereit sírirem soonuun.

Saak 1:25

Bare an eejondomane jak t'eluwa yeejoŋoore i, af'ajok te yo alitee, Atambatun kásoniyano tu doon fe d'áhine. An ondu awarut kajamatan kaanuku eebin eefiil, bare áhin naane esoke i. Yo ef'enuutan úne tu húsukateenaate hu.

Saak 2:12

Iŋ'ite ho aamo fu af'áriyemi ti báhamin man yooŋ ti káhinu doon, áribaŋino kaanuku Atambatun aroŋa eebin eejoonanuun t'eluwa i yey'enuutan úne tu húsukateenaate hu.

2 Piyeer 2:19

Iŋi kaaniin karoŋut káyemi búsukateen bite eluwa i, abe bare boko kumuumiin búsukateen bite wúfaŋi wu wuwu wútowutaniin. Ábuki huruw-ruw fe ásukateen ite doon deehaŋo.

Eleetar i yi Sud akiñje i 1:4

Ábuki abajeebaj bakan keejakut, kéenuusee kéeyoosein t'aruun. Iŋi kawetekanoor hirim heesoke hu mite kajaku kite Atambatun ite úne, kaanuku kéeyini káhinu beejakut naane hutoofiin i. Iyu ifi kateñeko Yesu *Kiris eeemo u Aseef ite úne unoono, n'Anahaan u yooŋ toko. Afiyeefiyo naane *Míkiñjin mu musoke i buŋ b'Atambatun aja fu kaniju tu boko.