1 Piyeer 2:1 - Kwatay (Kuwaataay)

¹ Náami hahiyu ariwas bánafut bu, ni haajuus hu, nu butuuko bu, ni baabet bu, nu husoku hu ti bakan.

1 Piyeer 2:1 ပူးပေါင်းရင်းမြစ်များ

Májiye 15:7

Ñatuuk ñondu! *Esayi aŋaasaŋaas t'aruun saas h'abine hu ayiŋan bonde t'aruun aane:

Májiye 23:28

Aruun yooŋ, arinokooranokoor t'ésuk i naane bakan kéejube, bare níbahindaa, aŋ'arihooj bib nu butuuko, nu wuhoofoor.

Májiye 24:51

Akina kajoŋoorano ásuf, naane ñatuuk ñu ii káhinee. O kayiyu toko, abe n'atakooro wuŋaan iŋi kayiŋat taŋ.

Májiye 7:5

Batuuk bondu! A̱jab tíme a̱nuutan egol yeeemo i ti díkini, n'aŋ'a̱tik á̱yini kajuku áwariee a̱anuutano kaahos keeemo ku tu doone du.

Mark 12:15

Bare Yesu n'ámeyi kaanuku ti kabuutio ti kaamo fii. N'aaniin: —Íñje a ariŋes fee kabuutu? Arisaanam fee érirem iijuk.

Hirim Heetoofe hu hi Luk akiñje hu 11:44

Átaañi t'aruun! Árimoomi naane búlum béejukaariitee, beeemo an kakaku te bo, at'ámeyi!»

Hirim Heetoofe hu hi Luk akiñje hu 12:1

Hi Yesu áyemie hu ti kaliiken kite ésuk i, n'átumb fu áhoojin toko bib. Hahooja héeyemie hu toko, an ayinaatiin kafinu, kasooñen yooŋ n'iŋi kakakoor. Yesu n'ajab aane eriboora yeene: —Arinaŋ toko kikawuun *t'élefir ite *Efarisiyeŋ i, ábuki diyu butuuko, abe iŋi bítifen.

Hirim Heetoofe hu hi Luk akiñje hu 6:42

Buŋ b'a̱yino fu kaanio: “Átoom, a̱bin iinuutani kaahos kondu keeemo ku ti díkini”, awe eejukut u egol yeeemo i tu dúuwe du? Batuuk bondu! A̱jab tíme a̱nuutan egol yeeemo i ti díkini, n'aŋ'a̱tik á̱yini kajuku áwariee a̱anuutano kaahos keeemo ku tu doone du.

Saaŋ 1:47

Hi Yesu ajuke hu Natanayel ti bibin bu nu boone, n'aane: —An ondu aamo fu an ite *Israyel ite nu múniyo. An ite bifeeneŋ.

Eleetar i yi Pool akiñje i bakate ku Rom 1:29

Ñúwejet ñooniin uŋu ñuhooj bib nu kunoŋk kánokan kéejubut, ni meejakut, ni bimero, ni bánafut, ni kahiñan, ni kayoolu bakan, nu sulob, ni kabuutu bakan, nu butuuko. Iŋi kasok ti bakan,

1 Korent 14:20

Kújakuwe, atum'aŋ'ariyinoor naane biñi. Ti káhinu kite meejakut mu, áriyemi naane bilekej; bare ti biyinoor bu, áriyemi naane sifaaf.

1 Korent 5:8

Náami úhin efeet i, káanukiiit nu kumburu keebaje élefir yéewuute yite kaahoofoor ku ni bánafut bu, bare úfeet yo nu kumburu keebajut élefir, kite kakuuru ku, ni kite múniyo mu.

2 Korent 12:20

Íkolakoleyi n'ija ibin, n'íŋaabeinuun tu buroŋ beetoofutam, aruun yooŋ n'arijamam ti kasokuuun beetoofutuun. Íkolakoleyi bíŋaabeina t'aruun síheñjeŋoor, ni bíhiñanoor, ni kayiŋatoor, ni kabatikanoor, ni bílafatinool, nu búsokoor meejakut, ni biyitooro, ni kajoŋooraate.

Efees 4:31

Arinuutan méetike meeemo mu tu suhol soonuun, ni kajoku an tu suhol soonuun, ni kayiŋat, nu sulob, ni bílafatinool, ni bánafut bánoban.

1 Tesalonik 2:3

Hih'iriene ésuk i kajok ti Hirim Heetoofe hu, háajuusiit, káyinooriit yooŋ keejakut keemo ti kikaw uni, abe íriŋesaariit yooŋ kabuutu an.

1 Timote 3:11

Haare hu yooŋ kiŋki kajokoor kikaw kite sijaŋgu su kawarawar káyemi keejoŋoore, abe kawarut yooŋ kasoku t'an. Kájokumooro, abe kájub tu buroon bu fe.

Eleetar i yi Pool akiñje i Tit 2:3

A̱ane yooŋ haare hu keehaane ku kabaj buroŋ beetoofe Atambatun. Kawarut kasoku t'an, itim káyemi yooŋ búsukateen bite ehob. Kawarawar iŋi karimu ésuk i ajakee.

Esuwif i 12:1

Eseede keehooje-hooj kaŋoloolaŋolool úne. Náami úne yooŋ útuyinooro doon fe deekolene bija bite b'úne, ni kaahoofoor ku kuŋku kukolen yooŋ úne ti meehile jab, abe n'úñiŋkaan núutey kateyi k'úsokee ku.

Saak 1:21

Iŋ'ite ho aamo fu arinuutan ti siheluun doon fe *deekuurut, abe n'ariwas kunoŋk fe keejakut. Áritetianooro ariijok hirim heenawee hu ti siheluun, ábuki húnooniuun kafakan.

Saak 3:14

Bare arko suhol soonuun suhoojahooj ni bíhiñanoor béetike, ni biyinoor yooŋ bite bíhaŋoor, atum'aŋ'arisambooro, atum'arijuus yooŋ arisaan múniyo mu.

Saak 4:11

Kújakuwe, atum'arisok meejakut ti bakaaku. An af'asok meejakut t'ake, man yooŋ n'ajoonano, asoka meejakut t'Eluwa yite Atambatun, ajoonana yo yooŋ. Abe af'a̱joonan Eluwa i, aŋkut á̱yemi an éejeŋgine yo: awe ajoonana yo.

Saak 4:5

Atum'ariene man beesokee bu ti *Míkiñjin mu bite fuufu i? Meenaan: «Atambatun aŋ'áfiir dómbokun tu búwejet b'anaŋe bu t'úne.»

Saak 5:9

Kújakuwe, atum'aŋ'áriŋuŋunoor ti bakaaku, man Atambatun atum'abin ajoonanuun. Ajoonana u ondu, áreeŋino ti karuŋ ku!

1 Piyeer 2:16

Buroŋ boonuun bíyemi bite bakan keenuute tu húsukateenaate. Bare atum'ariyinoor n'ariene makamu ariroŋut búsukateen, áriyinooni kánuusu kunoŋk keejakut. Arinij naane eroka bakate Atambatun.

1 Piyeer 2:22

Ámusut káhinu kaahoofoor, abe haajuus yooŋ húmusutee kajamu tu butumo.

1 Piyeer 3:10

Bonde busokee fu ti *Míkiñjin mu. Meenaan: «An af'ámaŋi kabaju buroŋ beejake, abe n'ajuk yooŋ kunak keetoofe, awarawar kawasu husoku ti bakan, ni haajuus.

1 Piyeer 4:2

Náami áfiitin ti hahiye, tu kunak keeŋeñenuun ku t'etaam ye, buroŋ boonuun buwarawar káyemi naane t'Atambatun ámaŋie du bo, abe n'ariwas wúfaŋi wute kúŋgowulan ku.

1 Piyeer 4:4

Abe hahiyu naane aŋkut i árihin buroon beejakut bu ni kéeyilenut ku, kajahalaa, abe bokondu ti kálafatinuun.

Kafeeñal ku 14:5

Haajuus húmusut kánuutina tu ñutumiin, abe kayinaatee kawatan tu doon.