1 Piyeer 1:8 - Kwatay (Kuwaataay)

⁸ Naane árimusut i kajuku Yesu fe, árimaŋiomaŋi; naane árijukaariito i hahiye fe, áriyilenayilen te o. Iŋ'ite ho hi kikawuun kutoofe fu dómbokun; kútumb kutoof kusooñen an ayinaat ko kasoku ni kirim.

1 Piyeer 1:8 ပူးပေါင်းရင်းမြစ်များ

Májiye 10:37

«An af'ámaŋi faafo man yooŋ íñaayo ahaŋ naane ámaŋiam i, ayinaat káyemi ariboora úuma. An n'ámaŋi ahaawa oone, man yooŋ ásuŋgute oone ahaŋ naane ámaŋiam i, ayinaat káyemi ariboora úuma.

Saaŋ 14:15

Yesu n'asooñ aane: —Arko árimaŋiammaŋi, aruun káhinu b'isokuun bu.

Saaŋ 14:21

«An eejame u kirim kúuma, abe n'áhin naane kusoke i, o aamo fu éemaŋiam u. An éemaŋiam u, Faafam kámaŋio; íñje yooŋ kámaŋio, abe n'iŋ'ijukanoo.»

Saaŋ 14:24

An éemaŋiitam u, at'áhin báhamin b'isoke bu. Abe hirim honde hah'arijam iye húuma híiit, bare hite hu Faafam éeboñinam u.

Saaŋ 16:22

Aruun yooŋ iyu, aruun bokondu hahiye ti kátaañi. Bare íñje kasooñu ijukuun, abe kikawuun katoofu naane. An at'áyini kanuutan katoofu kondu t'aruun.

Saaŋ 20:29

Yesu n'aano: —Aŋarkeyi naane a̱jukamjuk h'á̱yilene fu? Atoof ti kéeyilene ku ti kajukutam!

Saaŋ 8:42

Yesu n'aaniin: —Kane arko yéeni múniyo Atambatun aamo fu Faafuun, n'aŋ'árimaŋiam, ábuki te o t'ínuutina fu, abe uŋu hoone hu h'eemo fe beebe. Íñjeiit inoŋkooree iibin, bare akina áboñinam fu.

Epotor i 16:34

N'aja nu Pool ni Silas t'enuuf te o, abe n'awuniin keeñoofo. Hikawo nu hutoof dómbokun, akina nu butoŋo fe naane áyilene i t'Atambatun.

Eleetar i yi Pool akiñje i bakate ku Rom 14:17

Ábuki *Jáyi jite Atambatun buroon bíteiit buñoofo bu man yooŋ búhujo bu; jo jite kájubu, ni káasuumaay, ni katoofu, abe bondu fe tu Búwejet Beenabe bu t'ufu búnuutin.

Eleetar i yi Pool akiñje i bakate ku Rom 15:13

Yala Atambatun aa áhin ésuk i ni kayakar te o, n'áhinuun ariitoofan dómbokun, abe n'áhinuun ariibaj káasuumaay iŋi naane áriyilene i te o. Káhinu iyu, sembe site Búwejet Beenabe bu n'iŋi síhinuun ariihaŋ kabaju eyakar.

1 Korent 16:22

An afut'ámaŋi Anahaan u, Atambatun aja áwuumoo! A̱bin, awe Anahaan ite uni!

2 Korent 1:22

Akina yooŋ áhine fu t'úne éluwenuma yeene yite káwufoor ku kaanuku úne bakan koone, abe n'anaŋ ti sihel site s'úne Búwejet boone Beenabe bu, beekuur úne kaanuku aroŋa kawunu úne eke ebaj.

2 Korent 4:18

Ábuki kikaw úne kunooto tu buroon beejukanee bu; kondu ti beejukaneit bu. Beejukanee bu bífiyaariit, bare beejukaneit bu iŋi bifiyo hiraanu.

2 Korent 5:7

Ábuki buroŋ bite b'úne bite bu t'etaam ye biyaajayaajo tu doon d'úyilene du, káanukiiit man tu buroon bumb'újuk.

2 Korent 9:15

Úene Atambatun eyeehen iŋi b'awune bu úne beehaŋe bu doon areyi fe!

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.

Efees 3:19

Hee, n'aŋ'áriyini kámeyi kámaŋi koone keehaŋe ku doon fe du húŋgowulan ayino kámeyi, man buroon b'Atambatun ákinie bu fe ni bíyemi yooŋ boonuun bu.

Efees 6:24

Atambatun aja ásoniyan bakan ku fe kéemaŋie ku Anahaan ite úne Yesu Kiris kámaŋi kiraanu.

Fílip 1:25

Náami makamu bondu bukuuramkuur, ímoomi kaanuku íñje karoŋu, íñje káyemi n'aruun arireyi fe íiyokunanuun ariihaŋ bija hágila, abe n'aribaj katoofu ti káyilen ku.

Fílip 3:3

Keeteye ku karam nu múniyo kaamo fu úne. Ábuki úne uf'úlaw Atambatun ti sembe site Búwejet boone, úne kuŋk'úsaŋgoor ni Yesu *Kiris, abe úsikut kikaw úne únaŋ t'ejoosan ite kúŋgowulan ku.

Fílip 4:4

Kikawuun kutoof ko kireyi fe naane árihine i t'afeeneŋ n'Anahaan u. Iisooñ ibatikan te bo: kikawuun kutoof!

Esuwif i 11:1

Káyilen ámoomi naane iye: butum bukuura an u kaanuku doon d'ayakare du, do kabaju, abe amanteerut yooŋ kaanuku buroon béejukaariitee bu múniyo bibajabaj.

Esuwif i 11:27

Káyilen kíkinineŋe fu Moyis n'anuut t'Esipt t'ákoleyiit naane áyi u ayiŋate i. N'ajok alit tip kite am ajuke Atambatun éejukaariitee u.

1 Piyeer 1:6

Kikawuun kutoof tu bondu, hutoof hahiye ariwarawar kátaañian tu kunak keefamut iŋ'ite sílaam sánosan.

1 Piyeer 2:7

Elaaliñj yendu ebajabaj éñjeriŋ yómbokun t'aruun *kéeyilene ku. Bare ti kéeyilenut ku, «Elaaliñj i y'enuta i káfiitene i yéeni, yo esooñe fu éyemi meeyane mite enuuf i.»

1 Piyeer 5:4

Abe Kiris Aseef ite ehaawa i af'aja áŋaasin, n'aŋ'awunuun hisiibanu héenike, abe utu húbujo hikee.