1 Piyeer 1:6 - Kwatay (Kuwaataay)

⁶ Kikawuun kutoof tu bondu, hutoof hahiye ariwarawar kátaañian tu kunak keefamut iŋ'ite sílaam sánosan.

1 Piyeer 1:6 ပူးပေါင်းရင်းမြစ်များ

Májiye 11:28

«Aribin t'íñje aruun fe kéelaame ku abe n'ariniŋan, n'iŋ'íyihinanuun.

Májiye 26:37

N'aja ni Piyeer, ni biñi bite Sebede t'ésubaiin. Náami ajaba kátaañian, abe ehelo n'ehabano fe.

Májiye 5:12

Kikawuun kutoof dómbokun, ábuki hisiibanu hómbokun hondu ti kanahanuun t'etiir. Múniyo iyu yooŋ e ésuk i káhihinoore fu *eyiŋana yite Atambatun kéegilanuun ku.

Hirim Heetoofe hu hi Luk akiñje hu 1:47

abe búwejet búuma butoofana iŋ'ite Atambatun *Afakana úuma,

Hirim Heetoofe hu hi Luk akiñje hu 10:20

Naane kuruwu koonuun kikiñjee i ti kaawiit kite Atambatun t'etiir bufor bu, h'ariware fu kahaŋu kasaŋgoor naane sirab su ii sijam t'aruun.

Hirim Heetoofe hu hi Luk akiñje hu 2:10

Bare amalaka u n'aaniin: —Atum'árikoleyi, ábuki ibinuunbin ni hirim heetoofe, heeyak kákinineŋ ésuk i fe kikawiin nu kutoof:

Saaŋ 16:22

Aruun yooŋ iyu, aruun bokondu hahiye ti kátaañi. Bare íñje kasooñu ijukuun, abe kikawuun katoofu naane. An at'áyini kanuutan katoofu kondu t'aruun.

Saaŋ 16:33

Isokuunsok bonde kaanuku ariibaj t'íñje káasuumaay. Aruun kajuku sílaam t'etaam i. Bare arijok alitee! Iheekaheek etaam i!

Epotor i 14:22

N'iŋi kahaŋ yooŋ káwutiyen *kéeyilene ku sihel ti kikinu kondu, abe n'iŋi kaaniin káñiŋkaan keejok alit tip ti bítim bu. Iŋi kaaniin: —Úwarawar kajuku sílaam sómbokun kaanuku núuyooso ti *Jáyi jite Atambatun.

Eleetar i yi Pool akiñje i bakate ku Rom 12:12

Kikawuun kutoof iŋ'ite eyakar y'aribaje i. Árimuñ ti sílaam sans'arijuk, abe n'aŋ'áriñiŋkaan ti kalawu ku.

Eleetar i yi Pool akiñje i bakate ku Rom 5:11

Abe bóndiiit barebare: kikaw úne uŋu kutoof t'Atambatun, o éehine u núubukan ne o, Anahaan ite úne Yesu Kiris éekinineŋ.

Eleetar i yi Pool akiñje i bakate ku Rom 5:2

Akina áfeŋgine fu úne bítim bu, kaanuku núumeyi kajaku k'Atambatun kaŋk'áwufoor úne aŋarkeyi naane úyilenayilen. Hahiye úsiiŋaa ti kajaku kondu jirib. Abe béekinineŋe bu kikaw úne n'uŋu kutoof beemo fu eyakar y'úbaje i yite kamaatu ku ti kániku kite Atambatun.

Eleetar i yi Pool akiñje i bakate ku Rom 9:2

ítaañianataañian dómbokun, abe ehelam yendu ti káseñji kéeraanaariit iŋ'ite hu bakanam k'írihine ku eheet efeeneŋ. Ítumbatumba ímaŋi Atambatun áwuumam, abe n'áhinam iiwasoor ni Kiris kane arko bondu búnooni kákinineŋ bakanam ni kafak.

2 Korent 4:17

Sílaam suns'újuk iye, uf'úliik so ni jáyi jómbokun jéehabanaariit ju j'úja ju kabaju, n'uŋ'úmeyi kaanuku síwiinawiini, abe sífiyaariit yooŋ. Abe sílaam su humuum hite te so iŋi sifare jáyi jondu bija t'úne.

2 Korent 6:10

Iŋi káhin uni íriitaañian, bare ko kireyi fe iŋ'iritoofan. Írimoomi naane bakan keebajut, bare iŋ'írihin keehooje kéeyemi kusaanum ti bítim bu. Írimoomi naane bakan kéeyekiit doon fe, bare uni irikino fu buroon bireyi fe.

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

Fílip 2:26

Ámaŋiuunmaŋi kajuku dómbokun arireyi fe, abe ehelo yooŋ ebebut, ábuki arijamajam kaanuku ásomutasomut yéeni.

Fílip 3:3

Keeteye ku karam nu múniyo kaamo fu úne. Ábuki úne uf'úlaw Atambatun ti sembe site Búwejet boone, úne kuŋk'úsaŋgoor ni Yesu *Kiris, abe úsikut kikaw úne únaŋ t'ejoosan ite kúŋgowulan ku.

Fílip 4:4

Kikawuun kutoof ko kireyi fe naane árihine i t'afeeneŋ n'Anahaan u. Iisooñ ibatikan te bo: kikawuun kutoof!

1 Tesalonik 1:6

Arineefananeefan ti máhinar mite m'uni, ni mite m'Anahaan u; arijukajuk sílaam iŋ'ite Hirim Heetoofe hu, bare arijokajok ho ni katoofu ku, ku Búwejet Beenabe bu kuŋku buwun.

Saak 1:2

Kújakuwe, kikawuun kutoof dómbokun kane ariwar kajuku sílaam sánosan.

Saak 1:9

Akarjen eebajut, hikawo hutoof naane Atambatun ayito i.

Saak 4:9

Áritaañian, ariyiy, abe n'arilolobool. Ésuw yeenuun éyemi biyiy, katoofu koonuun ni kíyemi kátaañi.

1 Piyeer 3:17

Ábuki t'Atambatun ámaŋie, ahaŋ kajaku an n'ajuk sílaam o ti káhinu meejake, bala ajuk so o ti káhinu meejakut.

1 Piyeer 4:7

Kamoosen kite etaam i kulohena. Náami buroŋ boonuun buwarawar kajoŋoor, abe n'arijok kikawuun man n'áriyini kalawu.

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.