1 Piyeer 1:3 - Kwatay (Kuwaataay)

³ Úsokoroor Atambatun Faaf ite Anahaan ite úne Yesu *Kiris! Ti kajaku koone kómbokun ku k'áwufoore ku úne, awunawun úne buroŋ bíyeni h'aritane hu Yesu Kiris t'eket i. Iyu u úbaje fu eyakar yéeketaariit,

1 Piyeer 1:3 ပူးပေါင်းရင်းမြစ်များ

Saaŋ 1:13

Íŋiiit naane aamo i kabukeebuk naane húŋgowulan aa abukee aamo fu káyemia bakañi Atambatun. Bare kaaneeen boko bakañi Atambatun ábuki Atambatun abukiin fu.

Eleetar i yi Pool akiñje i bakate ku Rom 12:12

Kikawuun kutoof iŋ'ite eyakar y'aribaje i. Árimuñ ti sílaam sans'arijuk, abe n'aŋ'áriñiŋkaan ti kalawu ku.

Eleetar i yi Pool akiñje i bakate ku Rom 15:13

Yala Atambatun aa áhin ésuk i ni kayakar te o, n'áhinuun ariitoofan dómbokun, abe n'áhinuun ariibaj káasuumaay iŋi naane áriyilene i te o. Káhinu iyu, sembe site Búwejet Beenabe bu n'iŋi síhinuun ariihaŋ kabaju eyakar.

Eleetar i yi Pool akiñje i bakate ku Rom 4:25

Yesu ásikeesik asaanee kúŋgowulan ku kaanuku eeket uŋu wuhoofoor wute w'úne, abe n'aritanee t'eket i kaanuku éehin núuyemi bakan kéejube hágila Atambatun.

Eleetar i yi Pool akiñje i bakate ku Rom 5:10

Úne yéeni enatoora Atambatun; bare áhina núubukan ne o t'eket ite Añi oone. Abe makamu hahiyu Añi oone ondu tu buroŋ, abe úbukana, buŋ b'atuf'afakan úne ariike?

Eleetar i yi Pool akiñje i bakate ku Rom 8:11

Arko Búwejet bite Atambatun eeritane u Yesu t'eket i bikinakin t'aruun, Atambatun ondu eeritane u Kiris t'eket i kawunu buroŋ bu sini soonuun seeemo su iŋi siket. O káŋaasanna bo tu Búwejet boone beekine bu t'aruun.

Eleetar i yi Pool akiñje i bakate ku Rom 8:24

Ábuki n'eyakar yendu n'úfakanee fu. Eyakar yeejukee eŋkut éyemi eyakar: ake fíya abaa kayakar doon d'aŋ'ajuk?

1 Korent 13:13

Náami muroon míhaaji monde mibaa káyemi: káyilen ku, n'eyakar i, ni kámaŋi ku. Bare doon deehaŋe du tu muroon mondu deemo fu kámaŋi ku.

1 Korent 15:20

Bare nu múniyo Kiris aritaneeritan t'eket i átiyar u. Abe bondu búwufoorawufoor kaanuku keekete ku yooŋ bíriteina.

2 Korent 1:3

Úsokoroor Atambatun Faaf ite Anahaan ite úne Yesu *Kiris. Akina aamo fu Faaf u aa ayubiyen ésuk i, abe n'áyemi yooŋ Atambatun aa abeetooriin ko kireyi fe!

Galasi 6:16

Kiŋki kajok fe buroŋ bondu b'isokuun bu, Atambatun aja awuniin káasuumaay, abe n'ayubiyeniin, boko ni bakaaku yooŋ k'akino ku fe.

Efees 1:17

Iŋ'ilaw Faaf u éenike u, Atambatun ite Anahaan ite úne Yesu *Kiris kaanuku eewunuun Búwejet bite búwesinato, ni bite káwufooruuno, abe ni bíhinuun ariihaŋo kámeyi.

Efees 1:3

Úsokoroor Atambatun, eeemo u Atambatun ite Anahaan ite úne Yesu *Kiris, ni Faafo yooŋ toko! Ásoniyanasoniyan úne ni kásoniyan kánokan kéenuutina t'etiir bufor bu iŋi naane úhine i t'afeeneŋ ni Yesu Kiris.

Efees 1:7

Ti halan hite Kiris t'Atambatun arame fu úne ti meejakut mu, abe n'aboŋket úne yooŋ wuhoofoor wute w'úne. Iyu a áwufoore fu úne kajaku koone keehahe-hahe ku, n'áhin úne yooŋ núuwesinato, abe n'úniyo.

Efees 2:4

Bare Atambatun aŋ'ayubiyen úne dómbokun, abe n'átumb ámaŋi úne naane, asooñen

Efees 3:20

Atambatun, ti sembe soone sunsu surok t'úne, áyinooni káhinu ahahan doon fe d'úlawo, man yooŋ d'úyinoore.

Kolos 1:23

Bare ariwarawar kajoku alitee ti káyilen ku, abe n'arisiiŋo te ko ayanee. Atum'áriwuŋg kiñaawu eyakar y'aribaje i huta h'aŋ'aribin arijam Hirim Heetoofe hu. Hirim hondu Heetoofe hu huwaareewaare kúŋgowulan ku fe t'etaam ye, abe íñje Pool, burokam hahiyu kawaare ho.

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

1 Tesalonik 1:3

Iŋ'iriboo bíbaŋino hágila Atambatun Faaf úne buroon bamb'árihin béewufoore bu káyilen koonuun ti Yesu, nu buŋ b'áriñiŋkaane fu tu burok aŋarkeyi naane árimaŋiomaŋi, nu buŋ b'eyakar yeenuun t'Anahaan ite úne Yesu *Kiris eyane fu.

1 Tesalonik 4:13

Kújakuwe, ti bite keekete ku, írimaŋiituun kawasu t'ébaani, kaanuku atum'áritaañian naane bakaaku keebajut ku eyakar.

2 Tesalonik 2:16

Atambatun Faaf úne ámaŋamaŋi úne, abe ti kajaku koone n'ayaŋganan úne kikaw ko kireyi fe n'eyakar yeeyane. Uni bokondu ti kalawu Anahaan ite úne Yesu Kiris humuumo, n'Atambatun Faaf úne

1 Timote 1:14

Atemit ite úne ásoniyanamsoniyan dómbokun iyak ibaj káyilen, abe n'ímaŋi yooŋ húŋgowulan ni kámaŋi kéenuutina ti Yesu Kiris.

Eleetar i yi Pool akiñje i Tit 2:13

Iyu u úware fu kanahan hunak heetoofe hu h'úyakare hu. Hunak hondu, Yesu *Kiris Afakana ite úne, eeemo u Atambatun eehahe u, bibin káanikin naane.

Esuwif i 3:6

Bare *Kiris ájubajub naane Añi i Faafo asaane enuuf yeene aano áyemi hikaw hu. Abe enuuf yeene yeemo fu úne, kane arko kikaw úne keeyaŋg, abe n'únaŋ sihel site s'úne yooŋ tu doon d'úyakare du.

Saak 1:18

Ho hutoofo n'awun úne buroŋ, aŋ'asaan bo ti hirim hoone heeemo hu hite nu múniyo, kaanuku man n'úyemi étiyar i tu buroon b'áwuwane bu fe.

1 Piyeer 1:13

Arifare ariwasan. Arijok kikawuun, abe n'arinaŋ eyakar yeenuun fe ti káasuumaay k'arija ku kawuniee kane Yesu *Kiris áŋaasin.

1 Piyeer 1:21

Te o t'af'ariŋaas áriiyilen t'Atambatun éeritanno u t'eket i, abe n'áhino éenik. Iyu a ariyite fu káyilen koonuun, n'eyakar yeenuun fe arinaŋ t'Atambatun.

1 Piyeer 1:23

Aribukeebuk ti kátiyar; káanukiiit kúŋgowulan kite kaketu kubukuun, bare Atambatun éeketaariit u abukuun fu. Áhinahin bondu ni hirim hoone heeroŋe hu, abe híhabanaariit yooŋ.

1 Piyeer 2:2

Áriyemi naane bilekej: naane ii kámaŋi miin mite síñaayiin, árimaŋi yooŋ ko kireyi fe míis meekuure mite Hirim hite Atambatun, man n'árijuw mo ariihaat, abe n'arifak.

1 Piyeer 3:15

Bare arijok *Kiris tu suhol soonuun naane Anahaan oonuun. Arifare ko kireyi fe kásafin an fe eeyakuun kákandijen iŋ'ite eyakar yeeemo i t'aruun.

1 Piyeer 3:21

Móhujo mondu múmoomi naane *kaboste ku kiŋki kifakanuun hahiye. Kaboste kondu, káanukiiit kite kañawu ñubub ñite eni. Aaa, ko kite kájeŋgin Atambatun nu búwejet beekuure. Kaboste ku iŋi kifakan úne aŋarkeyi naane Yesu Kiris aritaneeritan t'eket i.

1 Piyeer 3:5

Iyu i haare hu bakate ku kóŋkeyin *kéeyilene ku, abe ni kayakar t'Atambatun ifi káwarianooro, ábuki kájeŋginajeŋgin bákayiniin.

1 Saaŋ 2:29

Árimoomi kaanuku Kiris ájubajub. Náami ariwarawar yooŋ kámeyi kaanuku an fe aŋ'áhin beejoŋoore, akina añi ite Atambatun.

1 Saaŋ 3:3

An fe eebaje eyakar yendu ti Kiris *bukuuranooro naane Yesu Kiris akuure i.

1 Saaŋ 3:9

An fe eeemo añi ite Atambatun araana kahoofoor, ábuki buroŋ béenuutina bu t'Atambatun bondu te o. At'aŋk'áyini kakinu ti kaahoofoor, ábuki akina añi ite Atambatun.

1 Saaŋ 4:7

Kújakuwe, aruun k'ímaŋie-maŋie ku, árimaŋioori, ábuki kámaŋi ku, t'Atambatun tu kúnuutina fu. An af'ámaŋi ésuk i, an ondu añi ite Atambatun, abe ámoomi Atambatun.

1 Saaŋ 5:1

An fe éeyilene kaanuku Yesu aamo fu *Kiris, akina añi Atambatun, abe an fe éemaŋie Faaf u, aŋ'ámaŋi yooŋ bakañio.

1 Saaŋ 5:18

Úmoomi kaanuku añi fe ite Atambatun aŋ'araan kahoofoor, ábuki Añi ite Atambatun aŋ'ajukaro, abe Batuuk bu biyinaat te o doon.

1 Saaŋ 5:4

ábuki añi fe ite Atambatun áyinooni kaheeku buroon beejakut bite bu t'etaam i. Ti káyilen kite k'úne t'uf'úheek buroon bondu.