1 Piyeer 1:22 - Kwatay (Kuwaataay)

²² Arikuuranoorakuuranooro aŋarkeyi naane árijeŋginajeŋgin múniyo mu. Iŋ'ite ho h'árimaŋie fu bakatuuun *kéeyilene ku. Náami árimaŋioori dómbokun siheluun síhabanein.

1 Piyeer 1:22 ပူးပေါင်းရင်းမြစ်များ

Saaŋ 15:17

Náami b'eemo bu ti kasoku koonuun beemo fu árimaŋioori.»

Saaŋ 15:3

Ariheeka *ariikuur naane nunukanuk neebendee, abe báhamin b'isokuun bu bíkinineŋe fu.

Saaŋ 17:17

Á̱wufooriin múniyo mu kéeyemi bakan kúuwe káhabanein. Hirim húuwe heemo fu múniyo mu.

Saaŋ 17:19

Isaanisaan buroŋ búuma bireyi fe uŋu hooniin hu, kaanuku man boko yooŋ ni káyemi bakan kúuwe káhabanein.

Epotor i 15:9

Te o úwayeit nu boko: akuuranakuuran ñúwejet ñooniin aŋarkeyi naane káyilenayilen.

Epotor i 6:7

Hirim hite Atambatun ti kahaŋu bijamo kep. Kéeyilene ku yooŋ ti kahaŋu kahooju Serusalem, abe keehooje *t'esaraha i ni kajok bítim bite *Kiris.

Eleetar i yi Pool akiñje i bakate ku Rom 1:5

Akina ákinineŋe fu Atambatun n'ásoniyan uni éehin uni epotor, kaanuku man n'írihin biheet bu fe béeyilen te o, abe ni bíjeŋgino. Iyu if'írihin huruwu hoone heehaŋ bijamo.

Eleetar i yi Pool akiñje i bakate ku Rom 2:8

Bare kiŋki kárahan te o, kájeŋginaariit yooŋ múniyo mu, abe n'iŋi kawas meejakut mu méekiniiin, o káwufooriin kaanuku ayiŋatayiŋat ni sembe.

Eleetar i yi Pool akiñje i bakate ku Rom 8:13

Af'aŋ'árihin beetoofe bu so, aruun kaketu. Bare af'ariwun Búwejet Beenabe bu bítim bite káyokunanuun ariiyool kunoŋk koonuun keejakut ku, aruun karoŋu.

2 Korent 6:6

Iŋ'íriwufoor kaanuku uni eroka bakate Atambatun ti *kakuuru ku, ni kámeyi kite múniyo mu, ni kámuñu ku, ni kajaku ku, ni ti sembe site Búwejet Beenabe bu, ni kámaŋi kite ku nu múniyo,

Galasi 3:1

Áribajaatia teereŋ kikaw, aruun bakate ku Galasi! Aañ me abuutuun fu? Arisokeesok bare akuur but naane Yesu *Kiris akete i *t'ekuruwa i.

Galasi 5:5

Uni bare, iriyakarayakar kaanuku Atambatun kaanu írijubajub aŋarkeyi naane íriyilenayilen. Bondu b'iriemo fu ti kanahan ku ti sembe site Búwejet Beenabe bu.

Galasi 5:7

Arijaja yéeni áwari fe! Aañ me áhinuun fu ariiraan kájeŋgin kite múniyo mu?

Efees 4:3

Árihin wáhowah ariijok ti naane Búwejet Beenabe bu buwunuun i aŋarkeyi naane árihinahin t'afeeneŋ. Nu buwunuun yooŋ ariiriiko ti káasuumaay kéegiilooluun ku.

Fílip 1:9

Bonde b'if'ilaw Atambatun bija t'aruun: yala kámaŋi koonuun ni kihaŋ bija hágila, n'arihaŋ yooŋ kámeyi múniyo mu, abe n'árinandin buroon bu jak,

1 Tesalonik 3:12

Anahaan u áhin ariihaŋ kámaŋioori, abe n'arihaŋ yooŋ kámaŋi ésuk i fe; árimaŋi bakaaku naane írimaŋiuun i.

2 Tesalonik 1:3

Kújakuwe, iriwarawar kaanu Atambatun ko kireyi fe eyeehen uŋu hoonuun hu. Abe ajakeejak naane ii írihin iyu, ábuki káyilen koonuun kihaŋa bija hágila, abe kámaŋioori k'árimaŋioorie ku kondu ti kahaŋu kayanu.

2 Tesalonik 2:13

Kújakuwe, iriwarawar kaanu ko kireyi fe Atambatun eyeehen uŋu hoonuun hu, aruun k'Anahaan u ámaŋie ku. Múniyo Atambatun ajifanuunjifan kaanuku áriiyemi étiyar i ti kafaku ku.

1 Timote 1:3

A̱riiko Efees naane ibine i isoki íñje ti bija bu Maseduwan. Bakaake bokondu baabu iŋi kaliiken ésuk i beenooto bite nu múniyo. Á̱haminiin ayanee man ni karaan.

1 Timote 1:5

Káyeegal kondu kite káhinu *kéeyilene ku kéemaŋioori kámaŋi kéenuutina t'ehol yeekuure, nu búwejet beejake, ni káyilen keeyane.

1 Timote 4:12

Atum'a̱was an fe eeheebi aŋarkeyi naane á̱moomi añi. Bare á̱hin man kéeyilene ku ni kaliikool n'awe ti máhaminar múuwe, ti manoŋkar múuwe, ti naane á̱maŋie i an, ti káyilen kúuwe, ni *kakuuru kúuwe.

1 Timote 5:2

A̱jok haare hu keehaane ku naane síñaayi, abe búsuŋgute bu, n'a̱jokiin naane bákaniini, n'ehol yeekuure but.

2 Timote 1:14

A̱jok áwariee b'Atambatun ánihani bu. A̱jok bo ti sembe site Búwejet Beenabe bu beekine bu t'úne.

Esuwif i 11:8

Káyilen kíkinineŋe fu *Aburaham n'ájeŋgin h'Atambatun aruwo hu eeeno aja t'ésuk y'aware i bibin kawunio. N'anuut b'áyemie bu eeja t'ámeyiit yooŋ t'aja du.

Esuwif i 13:1

Árimaŋioori ko kireyi fe naane baatiaay, aruun bakan kite Atambatun.

Esuwif i 5:9

H'aamo hu *akuuranee but ahaban, n'áyemi ti kiŋki kájeŋgino kareyi fe an u aa afakaniin hiraanu.

Esuwif i 6:10

Atambatun ájubajub. At'afiil burok b'árihine bu, ni naane árimaŋio i. Áriwufoorowufoor kaanuku árimaŋiomaŋi ti naane áriyokunane i bakan k'akino ku, abe ariroŋa yooŋ n'áriyokunaniin.

Esuwif i 9:14

Arko bondu bite toko, halan hite Kiris hihaŋe kame sembe! Ábuki ásikasik enio eesarah yo Atambatun kaasarah keekuure but, ti sembe site Búwejet Beenabe bu béeketaariit bu. Halan hoone kakuuran sihel site s'úne ti kinij keebajut ku éñjeriŋ kiŋki kibin n'eket i, kaanuku man n'úyini karoku bija t'Atambatun eeemo u buroŋ.

Saak 1:21

Iŋ'ite ho aamo fu arinuutan ti siheluun doon fe *deekuurut, abe n'ariwas kunoŋk fe keejakut. Áritetianooro ariijok hirim heenawee hu ti siheluun, ábuki húnooniuun kafakan.

Saak 4:8

Ariloh Atambatun, abe n'aŋ'alohuun. Aruun ehoofoora i, *arikuuranooro; aruun kaŋk'árihin sihel súsuba, arikuuran siheluun!

1 Piyeer 1:2

Atambatun Faaf u ajifanuunjifan aliik naane t'afiye du asok. Búwejet boone bíhinuunhin áriiyemi bokoone ku kaanuku áriijeŋgin Yesu Kiris, abe halan hoone nu *hukuuranuun. Atambatun aja ahaŋuun kásoniyan, abe n'awunuun yooŋ káasuumaay keefame-fam.

1 Piyeer 2:17

Árijeŋgin kúŋgowulan ku fe, árimaŋi bakatuuun *kéeyilene ku, arijok Atambatun nu sumoŋu súsuba, abe n'árijeŋgin áyi ómbokun u.

1 Piyeer 3:1

Aruun yooŋ haare hu árijeŋgin bákayinuun. Af'árihin ii, bakaake tu boko, hutoof yooŋ káyilenut hirim hite Atambatun, ifi kajuk tu kunoŋk koonuun, n'iŋi káyilen. Abe bondu fe t'arisokutiin hirim,

1 Piyeer 3:20

Keekete ku bokondu kaamo fu bakate ku kóŋkeyin kéejeŋginut ku Atambatun o ti kanahan kooniin ni kámuñu, kóyin ki *Nowe áyemie ku tu burok bite esahar i. Bakan keefamut, kaamo hutok ni bákahaaji barebare ni kayooso t'esahar i, abe ni kafakanee tu móhujo mu.

1 Piyeer 3:8

Hirim húuma hiraanu hu honde: aribaj biyinoor bifeeneŋ, abe n'arijamoor yooŋ. Árimaŋioori naane bakati; áriyemi bakan kéeneenie, abe atum'ariyitooro hágila bakanuun kúŋgowulan.

1 Piyeer 4:17

Hunak hite Kajoonan ku hireeŋa, abe t'ajab ti bakan kite Atambatun. Abe arko keejab t'úne, buŋ fíya bi bija fu búmuje ni keeteñekee ku káyilen Hirim Heetoofe hite h'Atambatun?

1 Piyeer 4:8

Beehaŋe bu fe beemo fu árimaŋioori dómbokun, ábuki kámaŋioori aŋ'ahok wuhoofoor weehooje.

2 Piyeer 1:7

ti káhinu ku naane Atambatun ámaŋie i n'áriwutiyen toko kajokoor baatiaay; ti kajokoor ku baatiaay n'áriwutiyen toko kámaŋioori.

1 Saaŋ 3:11

Múniyo, hirim honde h'arijame fu huta hu ti kájabina ku: úmaŋioori.

1 Saaŋ 3:23

Eluwa yende y'asaane i úne: aane úyilen tu huruwu hite Añio Yesu Kiris, abe yooŋ n'úmaŋioori naane asoke i úne.

1 Saaŋ 4:12

An ámusut kajuku Atambatun; bare uf'úmaŋioori, Atambatun n'aŋ'áhin n'úne t'afeeneŋ, abe kámaŋi k'ámaŋie ku úne kiyanayan faŋ.

1 Saaŋ 4:20

An af'ahuuf at'o, abe bare n'aane ámaŋamaŋi Atambatun, akina ajuusa. Múniyo afut'ámaŋi at'o aa ajuk, ayinaat kámaŋi Atambatun a ájukaariit u.

1 Saaŋ 4:7

Kújakuwe, aruun k'ímaŋie-maŋie ku, árimaŋioori, ábuki kámaŋi ku, t'Atambatun tu kúnuutina fu. An af'ámaŋi ésuk i, an ondu añi ite Atambatun, abe ámoomi Atambatun.

Kafeeñal ku 2:4

Bare b'ítaañiane bu t'awe beemo fu bonde: aŋkut á̱maŋiam naane hítiyar hu.