1 Piyeer 1:13 - Kwatay (Kuwaataay)

¹³ Arifare ariwasan. Arijok kikawuun, abe n'arinaŋ eyakar yeenuun fe ti káasuumaay k'arija ku kawuniee kane Yesu *Kiris áŋaasin.

1 Piyeer 1:13 ပူးပေါင်းရင်းမြစ်များ

Májiye 20:4

N'aaniin: «Aruun yooŋ, arija arirok t'etool íima, íñje kajaamuuun ajakee.»

Hirim Heetoofe hu hi Luk akiñje hu 12:35

—Árisiimein kiŋañjo koonuun ariwasan, abe n'aririf sijaaŋana soonuun.

Hirim Heetoofe hu hi Luk akiñje hu 17:30

Iyu yooŋ i bija fu káyemi hunak h'Añi ute Húŋgowulan hu aja hu bibin ti Jáyi joone.

Hirim Heetoofe hu hi Luk akiñje hu 17:8

Eeman awe kaanio: «A̱ñunam, abe n'a̱nuutan wañ wondu a̱asol wike; wusooŋ, n'a̱huŋ iiñoofo abe n'a̱wunam íihujo. Ihaban, n'aŋ'a̱tik a̱ñoofo»?

Eleetar i yi Pool akiñje i bakate ku Rom 13:13

Únoŋk ajakee naane aa anoŋkee mijiniŋga raŋgaw. Úwas buñoofo beehahe bu, n'éwusan i; úwas huŋotu hu ni bakan k'úseñeit ku, nu bufurukato bu; úwas síheñjeŋoor su, ni bíhiñanoor bu.

Eleetar i yi Pool akiñje i bakate ku Rom 8:19

Aduna i ereyi fe yeeemo i Atambatun áwuwane fu yo emokena kajuku kóyin k'aja ku káwufoor aañiin kaamo fu bakañio.

1 Korent 1:7

Náami buroon b'Atambatun bamb'awun, bike bunooto toko b'aribajut, aruun keeemo ku ti kanahan kóyin k'Anahaan ite úne Yesu Kiris áŋaasin ku.

1 Korent 13:13

Náami muroon míhaaji monde mibaa káyemi: káyilen ku, n'eyakar i, ni kámaŋi ku. Bare doon deehaŋe du tu muroon mondu deemo fu kámaŋi ku.

Efees 6:14

Náami arijok alitee: arijok múniyo mu naane aa ariwuuj ñibaŋ ti kikeejuuun. Arijok kajoŋoor ku naane aa arisol kájufa kite hitiik.

Kolos 3:4

Kiris aamo fu buroŋ boonuun nu múniyo. Af'abin áŋaasin, n'aŋ'áriŋaasin yooŋ ne o ti kániku koone.

2 Tesalonik 1:7

Abe o káyihinanuun, aruun kaŋk'arijuk sílaam su, n'uni yooŋ fe. O káhinu bo kane Anahaan u Yesu áŋaasin tu bufor bu, akina n'emalaka yeene bakate sembe su.

2 Timote 4:5

Bare awe á̱jokumooro tu buroon bu fe, á̱muñ ti sílaam su, á̱ñiŋkaan a̱awaare Hirim Heetoofe hu, abe n'a̱reeŋan burok b'Atambatun asaani bu.

2 Timote 4:8

Hahiyu hisiibanu hite an eeheeke u hondiam ti kanahan. Ho heemo fu hisiibanu hite an éejube h'Anahaan u, ajoonana éejube u aja hu kasaanam hunak hite Kajoonan ku. Abe íñjeiit barebare a aja fu kasaan ho; o kasaan ho yooŋ kéesike ku siheliin fe kanaŋ ti bíbatikeina boone.

Esuwif i 10:35

Náami eyakar yeenuun etum'ébujo, ábuki yo eja fu kákinineŋ n'aribaj hisiibanu hómbokun.

Esuwif i 3:6

Bare *Kiris ájubajub naane Añi i Faafo asaane enuuf yeene aano áyemi hikaw hu. Abe enuuf yeene yeemo fu úne, kane arko kikaw úne keeyaŋg, abe n'únaŋ sihel site s'úne yooŋ tu doon d'úyakare du.

Esuwif i 6:19

T'úne, eyakar yendu eemo fu hilaŋgaar hite buroŋ bite b'úne. Húwoorawoor abe ni hiyan, abe iŋi hiŋaas ti hírido hu heeyooso bija *t'Anabe-nabe du t'Atambatun aamo du,

Esuwif i 9:28

Iyu yooŋ i Kiris ásike fu enio eesarah hifeeneŋ kaanuku eenuutan wuhoofoor wute bakan keehooje-hooj. Abe o kásooñina húsooboriyan, káanukiiit bibin kanuutan wuhoofoor wu, bare kaanuku eebin eefakan keeemo ku ti kanahan koone.

1 Piyeer 1:10

Kóŋkeyin, *eyiŋana yite Atambatun kaŋesaŋes, abe ni kanewenoor keejuk buŋ b'Atambatun aja fu kafakan ésuk i. Kasoŋka busok buŋ b'Atambatun aja fu káwufooruun kajaku koone.

1 Piyeer 3:15

Bare arijok *Kiris tu suhol soonuun naane Anahaan oonuun. Arifare ko kireyi fe kásafin an fe eeyakuun kákandijen iŋ'ite eyakar yeeemo i t'aruun.

1 Piyeer 4:7

Kamoosen kite etaam i kulohena. Náami buroŋ boonuun buwarawar kajoŋoor, abe n'arijok kikawuun man n'áriyini kalawu.

1 Piyeer 5:12

Silas áyokunanam fu íikiñjinuun eleetar yende yéetofie ee. T'íñje, akina ati ite bifeeneŋ. Ímaŋiuunmaŋi kayaŋganan kikaw, abe n'eenuun yooŋ káasuumaay kite Atambatun naane isokuun ee i keemo fu. Arijok te ko alitee.

1 Piyeer 5:8

Arijok kikawuun, abe n'áriwasiyoor! Ábuki anatoora oonuun Setani ondu ti kañaahoor naane éŋaŋ ti kanuuru kep, hiŋes aañ a aware fu kateŋu.

1 Saaŋ 3:3

An fe eebaje eyakar yendu ti Kiris *bukuuranooro naane Yesu Kiris akuure i.