1 Korent 8:7 - Kwatay (Kuwaataay)

⁷ Bare ésuk íiit ereyi émeyie fu múniyo mondu. Bakaake kéeyilene ku kahaŋahaŋ kafunu ñájiim ñu kasooñen náami ifi kateŋ efuwa yeesarahee te ño, n'iŋi kaane esaraheesarah etambatun bakate nu múniyo. Káyilen kooniin kiyanut, abe ifi kateŋ yo, iŋi kayinoor ni kaane káhina doon *deekuurut t'Atambatun.

1 Korent 8:7 ပူးပေါင်းရင်းမြစ်များ

Epotor i 15:20

Bare úkiñjiin núuwufooriin kaanuku kawas kateŋu kite efuwa yeesarahee ti ñájiim, ábuki *ekuurut, kawas huŋotu hu ni bakan ki kaseñeit, itim kateŋ yooŋ éndakakureŋ yeemootutee, kawas yooŋ halan hu.

Eleetar i yi Pool akiñje i bakate ku Rom 14:14

Naane íhine i t'afeeneŋ n'Anahaan u Yesu, bukuuramkuur but kaanuku abajutee doon *deekuurut. Bare an af'ayinoor n'aane dike doon dukuurut, do káyemi te o doon deekuurut.

Eleetar i yi Pool akiñje i bakate ku Rom 15:14

Kújakuwe, bukuuramkuur kaanuku áritumbatumba arijak, árimoomi yooŋ beeware bu kámeyiee arihaban, abe árinooni yooŋ karimoor.

1 Korent 10:25

Áriyinooni kateŋu efuwa fe yéejoohennee marse. Ariyakut búbujooro sihel ti kákandijen diin t'énuutina fu, man yite *kaasarah man yooŋ.

1 Korent 8:1

Hahiyu útif ti bite efuwa *yeesarahee i ti ñájiim ñu. T'eleetar yeenuun arienaan arireyi fe árimoomi doon tu bondu. Nu múniyo, bare kámeyi af'ákinineŋ an n'ayitooro; kámaŋi n'afin ákinineŋ *kéeyilene ku ni kahaŋ kayanu ti káyilen ku.

1 Korent 8:4

Náami úyinooni fíya kateŋu efuwa yeesarahee ti ñájiim ñu? Úmoomi kaanuku: «Bájiim dóoniit fe t'etaam ye», abe: «Atambatun afeeneŋ taŋ abaje fu.»

1 Tesalonik 5:14

Kújakuwe, uni bokondu ti kalawuuun yooŋ bonde: árihamin ayanee biñek bu; ariyaŋganan kikaw kiŋki kañako ni hiñaawu; áriyokunan keebajut ku sembe, abe n'aŋ'árimuñ n'ésuk i ereyi fe.