1 Korent 8:3 - Kwatay (Kuwaataay)

³ Bare an éemaŋie u Atambatun, Atambatun ámoomio.

1 Korent 8:3 ပူးပေါင်းရင်းမြစ်များ

Májiye 7:23

Náami n'iŋ'ijoŋoor nu boko eeeniin: «Ímusutuun kámeyi hikee. Arikambam, aruun kaŋk'árihin wuhoofoor!»

Saaŋ 10:14

Íñj'eemo fu ahaawa eejake u. Ímoomi síkarniina súuma, so yooŋ súmoomiam,

Saaŋ 21:17

Ahaban, n'aano híhaajiyan: —Simoŋ, añi ite Saaŋ, á̱maŋiammaŋi? Simoŋ n'átaañian naane Yesu ákandijeno i híhaajiyan aano: «Á̱maŋiammaŋi?» N'aano: —Anahaan u, á̱moomi doon areyi fe; á̱moomi kaanuku ímaŋiimaŋi! Yesu n'aano: —A̱tofotoor síkarniina súuma.

Eleetar i yi Pool akiñje i bakate ku Rom 11:2

Atambatun áfiitenut bakan koone k'asoŋke ku bijifan. Mánoman árimoomi naŋ *n'Eli asoke fu ti *Míkiñjin mu h'abine hu asaboor t'Atambatun iŋ'ite hu Israyel. Aanaan:

1 Korent 13:12

Hahiye uŋ'újuk Atambatun naane ti kaajukooreey keejaaŋut, bare bibin birko, úne kajukio féet. Hahiye ímeyiit Atambatun ihaban, bare bibin birko, íñje kámeyio ihaban, naane akina humuumo ámeyiam i.

1 Korent 2:9

Bare *Míkiñjin mu meenaan: «B'an ámusut bu kajuku, b'an yooŋ ámusut bu kajamu, ni b'an ámusut bu kayinoor, Atambatun afarafare bo bija ti bakan kéemaŋio ku.»

Galasi 4:9

Bare hahiye naane árimeyie i Atambatun, man yooŋ iwarawar kaanu Atambatun ámeyiuun fu, buŋ b'arisooñe fu ariweteko iyu áriijeŋgin ñúwejet ñeebajut sembe, abe yooŋ ñibajut éñjeriŋ? Butum árimaŋamaŋi kasooñu áriyemi búsukateen bite te ño?

2 Timote 2:19

Bare káyilen k'Atambatun awune ku úne kiyanayan naane kiñaan kítiyar kite enuuf. Kirim konde kikiñjee fu toko: «Atemit ámoomi bakan koone.» Nu bonde yooŋ: «An fe eeene akina an ite Atemit áwuŋg meejakut mu hiñaawu.»

Saak 1:12

Atoof t'an kane ajok alitee o ti sílaam; ábuki af'áwufoor kaanuku ajokajok alitee ahaban, o kabaju hisiibanu: ho heemo fu buroŋ b'Atambatun aane bu o kawunu kéemaŋio ku.

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

1 Piyeer 1:8

Naane árimusut i kajuku Yesu fe, árimaŋiomaŋi; naane árijukaariito i hahiye fe, áriyilenayilen te o. Iŋ'ite ho hi kikawuun kutoofe fu dómbokun; kútumb kutoof kusooñen an ayinaat ko kasoku ni kirim.

1 Saaŋ 4:19

Atambatun ajabe fu ámaŋi úne. Iŋ'ite ho h'úmaŋio fu, akina nu kúŋgowulan ku fe.

1 Saaŋ 4:7

Kújakuwe, aruun k'ímaŋie-maŋie ku, árimaŋioori, ábuki kámaŋi ku, t'Atambatun tu kúnuutina fu. An af'ámaŋi ésuk i, an ondu añi ite Atambatun, abe ámoomi Atambatun.

Kafeeñal ku 2:13

ímoomi t'a̱kine du: Setani anaŋanaŋ toko eriikeey yeene yite híyiaate hu, bare a̱jokajok t'íñje alit tip. Antipas aseede úuma éejeŋginam u ayooleeyool t'aruun, toko ti Setani akine du. Awe bare, naane bondu bibaje i fe, a̱wasut káyilen ku t'íñje.

Kafeeñal ku 2:19

ímoomi buroon b'á̱hine bu fe. Ímoomi kaanuku á̱maŋamaŋi an, awe yooŋ an ite bifeeneŋ. Á̱ñiŋkaanañiŋkaan tu burok búuma, abe aŋ'á̱muñ dómbokun. Ímoomi kaanuku bamb'á̱hin hahiye bihaŋahaŋ bítiyar bu.

Kafeeñal ku 2:9

ímoomi sílaam s'a̱amo su te so, ímoomi kabajaate kúuwe, bare t'Atambatun awe husaanum! Ijamajam kílafatinu ku kiŋki kálafatini. Bakan kondu iŋi kaane boko kaamo Esuwif, bare nu múniyoiit: boko bakan bakate Setani!