1 Korent 8:1 - Kwatay (Kuwaataay)

¹ Hahiyu útif ti bite efuwa *yeesarahee i ti ñájiim ñu. T'eleetar yeenuun arienaan arireyi fe árimoomi doon tu bondu. Nu múniyo, bare kámeyi af'ákinineŋ an n'ayitooro; kámaŋi n'afin ákinineŋ *kéeyilene ku ni kahaŋ kayanu ti káyilen ku.

1 Korent 8:1 ပူးပေါင်းရင်းမြစ်များ

Epotor i 15:10

Náami iŋi naŋ n'ariŋes fu n'Atambatun? Ábuki fu ariŋesa kasejan kéeyilene ku bokonde buluwa b'árimeyie kaanuku humuum sifaaf úne, n'úne yooŋ úmusut káyini bisejo bo.

Epotor i 15:29

atum'ariteŋ efuwa *yeesarahee ti bájiim, ni halan, n'éndakakureŋ yeemootutee, abe atum'ariŋot yooŋ n'an ariseñeit. Af'árihin bondu fe, n'aŋ'ajakee. Úwasoor.»

Epotor i 21:25

Keenooto ku bare Esuwif abe ni kayooso bítim bite Kiris, irikiñjiinkiñj iriisokiin b'irijoke bu te bo: kawas kateŋu kite efuwa yeesarahee ti ñájiim, ni halan, n'éndakakureŋ yeemootutee, kawas yooŋ huŋotu hu ni bakan ki kaseñeit.

Eleetar i yi Pool akiñje i bakate ku Rom 11:25

Kújakuwe, ímaŋamaŋi áriimeyi béenuusee bonde kaanuku atum'aribin arijokooro bakan kómbokun: bakaake ti bakate ku *Israyel, ñúwejet ñooniin aŋ'ábaani. Bondu bifiyo yooŋ ayak abin áami bakan k'Atambatun ajifane ku ti baabu biheet fe kajoka bítim bite *Kiris.

Eleetar i yi Pool akiñje i bakate ku Rom 12:16

Arijok ésuk i fe kare. Atum'ariyitooro, bare arijokoor ni bakan keejokutee ku doon fe. Atum'arijokooro bakan kéewesinatee.

Eleetar i yi Pool akiñje i bakate ku Rom 14:10

Náami awe, iŋi naŋ n'af'a̱tinan áwiyi húŋgowulan? Awe yooŋ iŋi naŋ n'af'a̱huuf áwiyi húŋgowulan? Úne úreyi fe bibin bisiiŋo hágila Atambatun eejoonan úne.

Eleetar i yi Pool akiñje i bakate ku Rom 14:14

Naane íhine i t'afeeneŋ n'Anahaan u Yesu, bukuuramkuur but kaanuku abajutee doon *deekuurut. Bare an af'ayinoor n'aane dike doon dukuurut, do káyemi te o doon deekuurut.

Eleetar i yi Pool akiñje i bakate ku Rom 14:19

Náami úŋes bimbi bíkinineŋ núuriiko t'afeeneŋ ti káasuumaay, abe ni bilitan yooŋ káyilen kite bakan úne.

Eleetar i yi Pool akiñje i bakate ku Rom 14:22

B'a̱yinoore bu tu bondu, a̱jok bo ti hikawi hágila Atambatun, atum'a̱sok bo an. Atoof t'an i hikawo híteyooraariit tu buroon bamb'áhin!

Eleetar i yi Pool akiñje i bakate ku Rom 14:3

Eeene u aŋ'ateŋ doon areyi fe awarut kahuufu an éeteŋaariit u doon deebaje síhiinu, abe an éeteŋaariit u doon deebaje síhiinu awarut katinan aa ateŋ doon areyi fe, ábuki Atambatun ajokojok áwariee.

Eleetar i yi Pool akiñje i bakate ku Rom 15:14

Kújakuwe, bukuuramkuur kaanuku áritumbatumba arijak, árimoomi yooŋ beeware bu kámeyiee arihaban, abe árinooni yooŋ karimoor.

1 Korent 1:5

Múniyo naane árihine i ne o t'afeeneŋ, arihoojaneehoojan bib n'ebaj yánoyan, áhaŋum yite kámeyi kite múniyo mu, ni kawaare kite te mo.

1 Korent 10:15

Íñj'endu ti káhamin n'aruun kéewasinatee ku; ariyinoor b'isoke bu aruun kumuumuun ariijuk man bite toko.

1 Korent 10:28

Bare an af'aanuun: «Efuwa yendu ti kaasarah bájiim t'énuutina fu», atum'ariteŋ te yo iŋ'ite hu an eesokuun u bondu, man sihel su ni sibeb.

1 Korent 14:20

Kújakuwe, atum'aŋ'ariyinoor naane biñi. Ti káhinu kite meejakut mu, áriyemi naane bilekej; bare ti biyinoor bu, áriyemi naane sifaaf.

1 Korent 15:34

Áribatikann siheluun, abe n'ariwas wuhoofoor wu. Bakaake t'aruun kátumbut kámeyi Atambatun. Iisok bo, man at'arifuño?

1 Korent 4:10

Ésuk i ejokajok uni bakan keewene iŋ'ite hu Kiris, bare aruun aŋ'ariene áriwesinatawesinato iŋ'ite hu Kiris! Irijokeejok bakan keebajut sembe, bare aruun aŋ'ariene aribajabaj sembe! Irihuufeehuuf, bare aruun arijokeejok nu sumoŋu súsuba!

1 Korent 4:18

Bakaake t'aruun kayitoorayitooro, ti kaanu ku man it'ibinuun kajuku.

1 Korent 4:6

Kújakuwe, b'isoke bee bireyi fe, iliikaliik bo t'íñje n'Apolos kaanuku iiliikenuun man n'áriyini kánandin naane báhamin bonde bije i. Beenaan: «Bijakajak an n'araan ti beesokee bu ti *Míkiñjin mu.» Káhinu iyu, an t'aruun man aŋ'asaŋg ti bísiiŋooreina n'ake kéesokum áwiyo.

1 Korent 5:2

Abe aruun bokondu yooŋ ti biyitooro! Eeman ariwarawar yéeni kátaañian dómbokun, abe n'arinuutan t'aruun an u aa áhin ii bondu?

1 Korent 5:6

Biyitooro boonuun bondu bijakut! Árimeyiit kereŋ naane báhamin bonde bije i: «*Élefir yeefamut ef'ékundufuloolan éfariŋ yeefame»?

1 Korent 8:2

An af'ayinoor n'aane ámoomi doon, ámeyioorut naane an aware i kámeyi.

1 Korent 8:4

Náami úyinooni fíya kateŋu efuwa yeesarahee ti ñájiim ñu? Úmoomi kaanuku: «Bájiim dóoniit fe t'etaam ye», abe: «Atambatun afeeneŋ taŋ abaje fu.»

1 Korent 8:7

Bare ésuk íiit ereyi émeyie fu múniyo mondu. Bakaake kéeyilene ku kahaŋahaŋ kafunu ñájiim ñu kasooñen náami ifi kateŋ efuwa yeesarahee te ño, n'iŋi kaane esaraheesarah etambatun bakate nu múniyo. Káyilen kooniin kiyanut, abe ifi kateŋ yo, iŋi kayinoor ni kaane káhina doon *deekuurut t'Atambatun.

Efees 4:16

O ákinineŋe fu eni i ereyi fe n'eŋ'ejokoor ayan faŋ tu súkulinu su seeemo du. Arko doon fe deeemo te yo déehin burok bite te do, n'eŋ'ehaat ti kámaŋioori ku.

Kolos 2:18

Kiŋki kaane eni awareewar káhihinoor, emalaka i yooŋ kawareewar kásukaay, atum'ariwasiin iŋi katinanuun. Iŋi kasokorooro uŋu buroon bimbi bifeeñiin. Biyinoor booniin bite bu t'etaam ye iŋi bitiŋgiin keeyitooro, abe yooŋ bibajut éñjeriŋ.

Kafeeñal ku 2:14

Bare ítaañianataañian t'awe ti bike: bakaake bokondu t'awe keejoke ti bi Balam abine bu aliiken ésuk i kóyin sifaaf. Balam aliikene fu Balak eetiŋg bakate ku *Israyel ti kaahoofoor, ti kateŋu kite efuwa yite sunuk *seesarahee tu ñúwisenum, nu huŋotu hu ni bakan ki kaseñeit.

Kafeeñal ku 2:20

Bare b'ítaañiane bu t'awe beemo fu bonde: a̱wasawas Sesabel, anaare ondu eeene u akina aamo *ayiŋana ite Atambatun eebuut bakan kúuma ti naane aa aliikeniin huŋotu hu ni bakan ki kaseñeit, ni kateŋu kite efuwa yite sunuk *seesarahee tu ñúwisenum.