1 Korent 6:9 - Kwatay (Kuwaataay)

⁹ Árimeyiit kaanuku kiŋki káhin meejakut mu iti kamaat hikee ti *Jáyi jite Atambatun? An atum'abuutuun: kiŋki kafurukato, n'ewaasena i, ni kiŋki kaŋot ni bakan ki kaseñeit ku, ni kiŋki kaŋot ániine n'ániine,

1 Korent 6:9 ပူးပေါင်းရင်းမြစ်များ

Májiye 19:29

Bakan ifi kawas sunuuf sooniin, man yooŋ bakatiiin, bákaniiniin, sifaafiin, síñaayiin, bakañiiin, ni kitaaŋaat kooniin uŋu húuma hu, boko kabaju buroon bondu kireeŋ téemeer, abe n'iŋi kawunee yooŋ buroŋ béehabanaariit bu.

Májiye 25:34

Náami áyi u kaanu keeemo ku inde baatoso: «Aruun ki Faafam ásoniyane ku, aribin áriikini Jáyi jeefaree ju bija t'aruun huta h'etaam i eŋ'ebin éwuwanee.

Hirim Heetoofe hu hi Luk akiñje hu 21:8

Yesu n'aaniin: —Arinaŋ toko kikawuun, an atum'abuutuun. Ábuki bakan keehooje bibin nu huruwu húuma iŋi kaane boko kaamo fu *Afakana u, man yooŋ ewahatu i ereeŋa. Bare atum'ariseiin ti hiñaawu.

Epotor i 20:32

«Hahiyu iiwasuun tu sumoŋu Atambatun, ni hirim hite kajaku koone. Ho híyiniuun fu káwutiyen sihel, abe nu huwunuun yooŋ t'ebaj y'anaŋe i bija ti bakan k'akino ku.

Epotor i 24:25

Bare hu Pool áhamine hu tu buroŋ beejoŋoore bu, ni naane húŋgowulan aware i kajoku hikawo, ni kajoonan keeware ku bibin, Felikis n'ákoleyi abe n'aane: —Hahiyu a̱ja. If'ibin ibaj ejot, n'iŋ'isooñ iruwi.

Eleetar i yi Pool akiñje i bakate ku Rom 1:18

Atambatun áwufoorawufoor huta hu t'etiir bufor bu kaanuku ayiŋatayiŋat tu kúŋgowulan ku iŋi naane ii kahoofoor, abe ni káhin yooŋ meejakut. Ni kinij kooniin keejakut ku n'ifi kahokan múniyo mu.

1 Korent 15:33

Atum'aribuut kikawuun: «Kariboor ni bakan keejakut kúnooni kábuju an eejake.»

1 Korent 15:50

Kújakuwe, b'ímaŋie bu kasoku beemo fu bonde: doon dite kihaay ni halan diyinaat kamaatu ti *Jáyi jite Atambatun, abe doon dite búbujo diyinaat kamaatu tu buroŋ béehabanaariit bu.

1 Korent 3:16

Kame árimeyiit kaanuku aruun ariemo fu enuuf ite Atambatun, abe Búwejet bite Atambatun bikinakin t'aruun?

1 Korent 5:1

Irijamajam tánotan fe kaanuku abajeebaj t'aruun bufurukato b'árimeyie kaanuku humuum hite kéeyilenut ku kánijaariit iyu: kaane ake t'aruun aŋ'aŋot n'anaare ite faafo!

1 Korent 5:10

Ímaŋiit bare kágiilool toko bakate ku t'etaam ye kiŋki kafurukato, ni kiŋki kamero buroon bite bakaaku, ni kákuwat, man yooŋ n'iŋi kawaasen. Kaanuku ariiteyiin kareyi fe, aamo fu kame ariwarawar kanuutu t'etaam ye!

1 Korent 5:11

B'ímaŋiuun bu yéeni kasoku beemo fu an af'aane akina Akarjen, abe bare akina yooŋ efuruka, ameraa buroon bite bakaaku, awaasena, asoka ti bakan, áwusana, man yooŋ ákuw, atum'arikol ne o. An naane ondu, áritumbut ariwar buñoofo ne o t'afeeneŋ.

1 Korent 6:10

nu búkuw bu, ni kiŋki kamero buroon bite bakaaku, n'éwusana i, ni kiŋki kasok ti bakaaku, ni kéejubut ku, bokondu fe iti kamaat hikee ti Jáyi jite Atambatun.

1 Korent 6:18

Aritey bufurukato bu! Ábuki kaahoofoor kondu kihaŋahaŋ waawu fe kabuusatan eni. An af'aŋot n'an i kaseñeit, ahoofoora humuum t'enio.

1 Korent 6:19

Árimeyiit kaanuku sini soonuun seemo fu enuuf ite Búwejet Beenabe bu, Búwejet beeemo bu t'aruun b'Atambatun awunuun bu? Árikiniit sini soonuun:

1 Korent 9:24

Árimoomi kaanuku bakan ifi káyemi ti síheekoor ti kateyi, kareyi fe iŋi kateyi, bare eeheeke u taŋ af'ásik hisiibanu hu. Náami aritey man n'aribin árisik hisiibanu hu.

2 Korent 12:21

Íkolakoleyi n'ija ibin, Atambatun n'asooñ áhinam iisa t'aruun ñufuñ, iibin iyiy iŋi keehooje keehoofoore abe kawatanooreit keewas *kakuuraate ku, nu huŋotu hu ni haare ki kaseñeit, nu bufurukato bu.

Galasi 6:7

Atum'aribuut kikawuun: Atambatun ásuwaariitee. Huruw fe káhotukan doon d'awañe du.

Kolos 3:5

Náami ariyool ti siniuun doon fe deeemo dite t'etaam: huŋotu hu ni bakan k'ariseñeit, *kakuuraate ku, kámaŋi kite buroon béefuñinanie bu, wúfaŋi weejakut wu, ni bimero bite buroon b'árikiniit bu. (An af'amero doon d'ákiniit, ajokajok bondu ahaŋ naane ajoke i Atambatun.)

Esuwif i 12:14

Árihin wáhowah man káasuumaay ni kíyemi t'etutuun aruun ni bakaaku fe, abe n'aribaj buroŋ beenabe. An afut'anab, at'ajuk Atemit.

Esuwif i 12:16

An t'aruun atum'afurukato, man yooŋ n'ahuuf buroon beenabe naane Esawu abine i áhin. Ásikasik hifaafaate hoone ajoohen uŋu húñoofein hifeeneŋ taŋ.

Esuwif i 13:4

Huruw fe aja áhin nu múniyo ti biseño bu: ániine u araan t'anaare u, anaare u yooŋ n'araan t'ániine u. Ábuki Atambatun kajoonan kiŋki kaŋot ti kaseñoorut, ni kiŋki kaŋot ni bakan ki kaseñeit.

Saak 1:16

Kújakuwe, aruun k'ímaŋie-maŋie ku, atum'aribuut kikawuun:

1 Saaŋ 3:7

Kúñuumo, atum'ariwas an fe eebuutuun! An aŋ'áhin béejube, ájubajub naane Yesu Kiris ájube i.

Kafeeñal ku 21:8

Bare bukoloow bu, ni kéeyilenut ku, ni kiŋki káhin buroon béekojie bu, ni kiŋki kayool bakan, ni kiŋki kaŋot ni bakan ki kaseñeit ku, n'élugusa i, ni kiŋki kásukaay ñúwisenum ñu, n'ejuusa i fe, boko káyemi ti han héesufe-sufe hu hite sineemak su n'efor i. Ho heemo fu eket ésooboriyan i.

Kafeeñal ku 22:15

Bare kiŋki káhin meejakut mu, n'élugusa i, ni kiŋki kaŋot ni bakan ki kaseñeit ku, ni kiŋki kayool bakan, ni kiŋki kásukaay ñúwisenum ñu, n'ejuusa i fe kiŋki kámaŋi buroon bite haajuus hu, boko káyemi tíyaŋ!